Levitico 16:2 - Jiñi Tsiji' bʌ Wen T'añ cha'añ Estudio

² Lac Yum tsi' su'be Moisés: “Su'ben a wʌscun Aarón, cha'añ mach yomic mi' yochel ya' ti Ch'ujul bʌ Ajñibʌl baqui jach bʌ ora ame chʌmic. Jiñi Ch'ujul bʌ Ajñibʌl jiñʌch am bʌ ti' junwejlel jiñi tsalʌl bʌ pisil, ya' ti' tojel jiñi Arca ba' mi' ñusʌntel mulil, come joñon mic pʌs c bʌ ti tocal ya' ti' pam ba' mi' ñusʌntel mulil.

Levitico 16:2 Iomraidhean Croise

Exodo 30:10

Jiñi Aarón, cojach junyajl ti jump'ejl ja'b mi' caj i yʌc' majtañʌl cha'añ mulil; mi caj i c'ʌmben i ch'ich'el jiñi majtañʌl cha'añ mi' bomben ya' ti xulub jiñi pulʌntib, cha'añ i tojol mulil; cojach junyajl ti jujump'ejl ja'b mi caj i yujtel ti ili pulʌntib cha'añ i ñusʌntel mulil, che'ʌch mi caj i melob la' p'olbalob ti pejtelel ora. C'ax ch'ujul ili pulʌntib ti' tojlel lac Yum.

Levitico 16:13

Yom mi' yotsan jiñi xojocña bʌ ts'ac ti c'ajc tic tojlel, ixcu i buts'il jiñi perfume mi caj i mos jiñi ajñibʌl ti' pam Arca ba' mic ñusan mulil, cha'añ ma'añic mi' chʌmel.

Levitico 16:34

“Jiñʌch c mandar yom bʌ mi la' mel ti pejtelel ora cha'añ junyajl ti jujump'ejl ja'b mi' ñusʌbentelob i mul israelob.” Moisés tsi' mele che' bajche' tsi' yʌq'ue mandar lac Yum.

Levitico 23:27

“Che' ti' lujump'ejlel q'uiñ ti' wucp'ejlel uw jiñʌch i q'uiñilel i ñusʌntel mulil, mi caj la' tempan la' bʌ tic tojlel, mi caj la' mel la pusic'al cha'añ la' mul yic'ot mi caj la' ch'ʌmbeñon tilel c majtañ cha'añ mi la' pulbeñon.

Levitico 8:35

Wucp'ejl q'uiñ yom mi la' wajñel ti ti' jiñi Tabernáculo ba' mi la' tempan la' bʌ, ya' yom mi la' wajñel ti q'uiñil yic'ot ti ac'ʌlel yic'ot yom mi la' jac' i mandar lac Yum, cha'añ ma'añic mi la' chʌmel, come che'ʌch tsa' su'bentiyon.”

Numeros 17:10

Lac Yum tsi' su'be Moisés: “Cha' otsan i barajte' Aarón ya' ti Arca, cha'añ mi' lojtel che' bajche' i yejtal cha'añ jiñi mu' bʌ i ñusañob t'añ. Che'ʌch mi cajel a wʌc'ob ti ñʌjch'el cha'añ ma'añic mi' chʌn cha'leñob wulwul t'añ tic tojlel, cha'añ ma'añic mi' chʌmelob.”

Numeros 18:7

Pero jatet yic'ot a walobilob, mi caj la' ch'ʌm ti la' wenta la' motomajintel yic'ot pejtelel e'tel tac ya' ti pulʌntib, ya' ti' mal juntsajl pisil, mi cajel la' mel la' we'tel. Joñon tsa' cʌq'ueyetla la' c'ʌjñibal cha'añ ili e'tel che' bajche' la' majtañ; mi tsi' lʌc'tesa i bʌ wiñic mach bʌ añic i ye'tel la' wic'ot, mi' cajel ti chʌmel.”

Numeros 4:19

Cha'añ ma'añic mi' chʌmelob che' mi' lʌc'tesañob i bʌ ba'añ jiñi ch'ujul tac bʌ mu' bʌ i c'ʌjñel ya' ti Tabernáculo, mi caj la' mel che' bajche' iliyi: Aarón yic'ot i yalobilob mi caj i pʌsbeñob i ye'tel ti jujuntiquil chuqui jiñi mu' bʌ caj i melob.

Numeros 4:5

Che' mi' cajelob ti xʌmbal jiñi israelob, Aarón yic'ot i yalobilob mi caj i tilelob cha'añ mi' ticob jiñi joc'ol bʌ pisil ya' ti Ch'ujul bʌ Ajñibʌl. Mi caj i c'ʌñob jiñi pisil cha'añ mi' mosob jiñi Arca.

Mateo 27:51

Awilan, jiñi pisil joc'ol bʌ ti Templo tsa' tsijli ti ojlil, ti' jol c'ʌlʌl ti' yoc, tsa' tili i yujquel lum tsa' tojp'i xajlel tac.

Hebreos 6:19

Jiñi lac pijtaya, jiñʌch mu' bʌ i tsʌts xuc'chocoñonla, mi' yʌc'onla ti ochel ti junwejl pisil bʌ tsalʌl yilal ya' ti panchan,

Hebreos 9:25

Junyajl jach tsa' ochi ti panchan cha'añ mi' yʌc' i bʌ che' bajche' tsʌnsʌbil bʌ i majtañ, mach che'ic bajche' jiñi ñuc bʌ motomaj mu' bʌ i yochel ti jujump'ejl ja'b ti C'ax Ch'ujul bʌ Ajñibʌl yic'ot ch'ich', mach bʌ i ch'ich'elic.

Hebreos 9:3

Añ yam bʌ i mal ti' pat i cha'tsajlel bʌ i mal jiñi pisil bʌ otot i c'aba' C'ax Ch'ujul bʌ Ajñibʌl.

Hebreos 9:5

Ya' ti' pam jiñi Arca añ i yejtal querubiñob mu' bʌ i ñuq'uesañob Dios, mi' mosob ti' wich' i pam i majc jiñi Arca ba' tsa' ñusʌbentiyob i mul wiñicob. Wʌle mach mejlic laj tsictesʌbeñetla isujmlel i bʌl jiñi otot.

Apocalipsis 15:8

Tsa' bujt'i jiñi Templo ti buts' cha'añ i ñuclel Dios yic'ot cha'añ i p'ʌtʌlel. Ma'añic majqui tsa' mejli ti ochel ti Templo jinto tsa' ujti jiñi wucchajp wocol tsa' bʌ i ch'ʌmʌyob tilel jiñi wuctiquil ángelob.