Levitico 12:3 - Jiñi Tsiji' bʌ Wen T'añ cha'añ Estudio

³ Che' ti' waxʌcp'ejlel q'uiñ yom mi' tsepbentel i pʌchʌlel jiñi alʌ ch'itoñ.

Chol de Tumbalá Bible

³ Che' ti' waxʌcp'ejlel q'uin yom mi' tsepbentel i pʌchʌlel jini ch'iton.

Chol: I T’an Dios

³ Che' ti' waxʌcp'ejlel q'uin yom mi' tsepbentel i pʌchʌlel jini ch'iton.

Levitico 12:3 Iomraidhean Croise

Exodo 22:30

Aq'ueñon ja'el ñaxan bʌ i yal la' wacax yic'ot la' tʌñʌme'; wucp'ejl q'uiñ mi' yajñel yic'ot i ña', ti waxʌcp'ejlel q'uiñ mi caj la' wʌq'ueñon.

Levitico 12:4

Pero jiñi x'ixic yom mi yajñel uxlujump'ejl i cha'c'al (33) q'uiñ cha'añ mi' sʌc-esan i bʌ. Mach yomic mi' tʌl chuqui tac ch'ujul, mach yomic mi' majlel ti Tabernáculo, jinto mi' ts'ʌctiyel jiñi q'uiñ cha'añ mi' sʌc-esan i bʌ.

Levitico 15:3

Jiñʌch i bi'bi'lel ti jujunyajl che' mi' loq'uel i p'ʌtʌlel i bʌc'tal: mi' woli i bajñel choc loq'uel i p'ʌtʌlel i bʌc'tal o che' tsa'ix ujti i choc loq'uel, bi'bi'ʌch mi' cʌytʌl.

Lucas 1:59

Ti' waxʌcp'ejlel q'uiñ tsa' tiliyob cha'añ mi' tsepbentel i pʌchʌlel jiñi alʌ ch'itoñ. Yom i lon otsʌbeñob i c'aba' Zacarías ti' q'uexol i tat.

Lucas 2:21

Che' bʌ tsa' ts'ʌctiyi waxʌcp'ejl q'uiñ cha'añ mi' tsepbentel i pʌchʌlel alʌ ch'itoñ, tsi' yotsʌbeyob i c'aba' Jesús. Jiñʌch i c'aba' tsa' bʌ i wʌn otsʌbe jiñi ángel che' maxto cʌntʌbilic.

Hechos 15:1

Jiñi cha'añ lamital wiñicob ch'oyolo' bʌ ti Judea tsa' caji i cʌntesañob jiñi hermañujob: “Mi ma'añic mi la' ch'ʌm tsep pʌchʌlel che' bajche' tsi' yʌlʌ Moisés, mach mejlic la' taj la' coltʌntel.”

Romanos 3:19

Pero la cujil cha'añ pejtelel chuqui ts'ijbubil ti mandar, i cha'añobʌch jiñi ochemo' bʌ ti' wenta jiñi mandar, cha'añ mi' ñʌjch'elob pejtelel wiñicob x'ixicob ti' pañimil, che' mi' melob i bʌ ti' tojlel Dios,

Gálatas 3:17

Jiñʌch isujmlel woli bʌ c su'b: Dios tsi' wʌn su'bu cha'añ mi caj i tilel Cristo, che' ñumeñix jumbajc' yic'ot lujump'ejl i cha'c'al (430) ja'b, tsi' yʌc'ʌ jiñi mandar, jiñi mandar tsa' bʌ tili ti wi'il ma'añic tsi' jeme jiñi xuc'ul bʌ t'añ tsa' bʌ i ñaxan alʌ.

Gálatas 5:3

Mic cha' su'beñetla, majqui jach mi' ch'ʌm tsep pʌchʌlel, wersa yom mi' jac' pejtelel i mandar Moisés.

Deuteronomio 30:6

Lac Yum Dios mi caj i sʌc-esan la' pusic'al yic'ot i pusic'al la' walobilob cha'añ mi la' c'uxbin lac Yum Dios ti pejtelel la' pusic'al, yic'ot ti pejtelel la' ch'ujlel cha'añ cuxul mi la' wajñel.

Filipenses 3:5

come tsa' c ch'ʌmʌ tsep pʌchʌlel che' waxʌcp'ejl jaxto j q'uiñilel, loq'uemon ti' p'olbal israelob, ti' p'olbal Benjamín, hebreojon come puro hebreojob c ñojte'el, fariseojon cha'añ ti' jac'ol mandar.

Colosenses 2:11

Ti Cristo ja'el tsa' tsejpi la' pʌchʌlel yilal che' bʌ tsa' la' choco i tsuculel la' pusic'al am bʌ ti la' bʌc'tal, jiñʌch mero tsep pʌchʌlel, mach bʌ melbilic ti c'ʌbʌl, i ye'telʌch Cristo.