Levitico 11:3 - Jiñi Tsiji' bʌ Wen T'añ cha'añ Estudio

³ Mi' mejlel la' c'ux pejtelel jiñi alʌc'ʌl xac'al tac bʌ i yoc yic'ot mu' bʌ i cha' letsan i buc'bal ti yej cha'añ mi' jach'.

Levitico 11:3 Iomraidhean Croise

Levitico 11:2

“Yom ma' pejcan i yalobilob Israel. Su'beñob: Jiñʌch ili alʌc'ʌl tac uts'at bʌ cha'añ mi la' c'ux am bʌ ti' tojlel pejtelel yan tac bʌ alʌc'ʌl wʌ' ti pañimil.

Levitico 11:26

“Yom mi la' q'uel ti bi'bi' pejtelel alʌc'ʌl xac'al bʌ i yoc, mach bʌ añic mi' cha' letsan i buc'bal; majqui jach mi' tʌl bi'bi' mi' cʌytʌl.”

Levitico 11:4

Pero mach yomic mi la' c'ux ili alʌc'ʌl tac mu' bʌ i cha' letsan i buc'bal o xac'al bʌ i yoc, che' bajche' camello, mi' cha' letsan i buc'bal pero mach xac'alic i yoc, q'uelela ti bi'bi'.

Levitico 11:5

Che' ja'el jiñi t'ul mi' cha' letsan i buc'bal, pero mach xac'alic i yoc, jiñi cha'añ q'uelela ti bi'bi'.

Levitico 11:6

Jiñi chʌchʌc t'ul mi' cha' letsan i buc'bal, pero mach xac'alic i yoc, jiñi cha'añ q'uelela ti bi'bi'.

Levitico 11:7

Che' ja'el jiñi chitam xac'al i yoc, pero ma'añic mi' cha' letsan i buc'bal, jiñi cha'añ q'uelela ti bi'bi'.

Hechos 17:11

Jiñi año' bʌ ti Berea ñumen weñob bajche' jiñi año' bʌ ti Tesalónica come ti jump'ejl jach i pusic'al tsi' jac'ʌyob jiñi t'añ. Ti jujump'ejl q'uiñ tsi' wen q'ueleyob i Ts'ijbujel Dios cha'añ mi' ña'tañob mi isujm chuqui tsa' su'bentiyob.

2 Corintios 6:17

Jiñi cha'añ, “Loq'uenla ti' tojlel mach bʌ añic mi' ñopob. Tʌts'ʌ la' bʌ ba' añob, che'en lac Yum. Mach mi la' ñochtan chuqui tac bi'bi'. Mi caj c ch'ʌmetla tic wenta.

Deuteronomio 14:6

Che' ja'el mi' mejlel la' c'ux pejtelel alʌc'ʌl tac xac'al tac bʌ i pacaralel i yoc yic'ot yujil bʌ cha' letsel i buc'bal cha'añ mi' cha' jach'.

Deuteronomio 14:8

Che' ja'el mach mi la' c'ux jiñi chitam, anquese xac'al i pacaralel i yoc, pero mach yujilic cha' letsel i buc'bal cha'añ mi' cha' jach'; yom mi la' q'uel ti bi'bi'. Mach yomic mi la' c'ux, mi yomic mi la' tʌl che' chʌmeñix ili alʌc'ʌl tac.

1 Timoteo 4:15

Chʌn mele a we'tel; yom bʌxet ti' melol cha'añ mi' laj q'uelob uts'at woli a wajñel.