Levitico 11:2 - Jiñi Tsiji' bʌ Wen T'añ cha'añ Estudio

² “Yom ma' pejcan i yalobilob Israel. Su'beñob: Jiñʌch ili alʌc'ʌl tac uts'at bʌ cha'añ mi la' c'ux am bʌ ti' tojlel pejtelel yan tac bʌ alʌc'ʌl wʌ' ti pañimil.

Levitico 11:2 Iomraidhean Croise

Levitico 11:1

Lac Yum tsi' pejca Moisés yic'ot Aarón, tsi' su'beyob:

Levitico 11:11

Yom mi la' q'uel ti bi'bi', mach yomic mi la' c'uxben i bʌc'tal, yom mi la' bi'len jiñi chʌmeñix bʌ.

Levitico 11:13

“Che' ja'el jiñi bi'bi' tac bʌ mut mach bʌ yomic mi la' c'ux, jiñʌch iliyi: xiye' o yam bʌ xiye' mu' bʌ i top' bac, yic'ot xliclic xiye',

Levitico 11:21

Pero mi' mejlel la' c'ux pejtelel i yalʌ chʌñil pañimil mu' bʌ ti wejlel yic'ot am bʌ chʌnts'ijt i yoc pero jiñi jach yujil bʌ tijp'el ti' pam lum.

Levitico 11:29

“Yic'ot mi la' q'uel ti bi'bi' jiñi jʌlʌcña bʌ mi' majlel tac: jiñi sajbin, jiñi tsuc, jiñi xpequejc ti' chajp ti' chajp,

Levitico 11:3

Mi' mejlel la' c'ux pejtelel jiñi alʌc'ʌl xac'al tac bʌ i yoc yic'ot mu' bʌ i cha' letsan i buc'bal ti yej cha'añ mi' jach'.

Levitico 11:34

Che' mi la' poc jiñi tsa' bʌ bi'b-esʌnti, mi tsa' ts'ita' chʌjq'ui ju'bel i ya'lel ya' ti' bʌl la' ñʌc', mi' bi'b-esan ti pejtelel o mi jiñi japbil tac bʌ am bʌ ti jiñi p'ejt, bi'bi' mi' cʌytʌl.

Levitico 11:39

“Che' añ juncojt bʌte'el mu' bʌ mejlel la' c'ux, mi tsa' chʌmi cha'añ i c'am-ʌjel, majqui jach mi' tʌlben i bʌc'tal, bi'bi' mi' cʌytʌl c'ʌlʌl mi' bʌjlel q'uiñ.

Levitico 11:4

Pero mach yomic mi la' c'ux ili alʌc'ʌl tac mu' bʌ i cha' letsan i buc'bal o xac'al bʌ i yoc, che' bajche' camello, mi' cha' letsan i buc'bal pero mach xac'alic i yoc, q'uelela ti bi'bi'.

Levitico 11:9

“Pejtelel chʌy añ tac bʌ ti ja', jiñi mu' bʌ i mejlel la' c'ux jiñʌch iliyi: jiñi añ tac bʌ i welo' ja' yic'ot i sujl, mi añ ti mar o ti pa', mi' mejlel la' c'ux.

Mateo 15:11

Mach jiñic mi' bi'b-esan wiñic chuqui tac mi' yochel ti' yej, pero pejtelel mu' bʌ i loq'uel ti' yej, jiñʌch mu' bʌ i bi'b-esan.

Hebreos 13:9

Mach mi la' wʌc' la' bʌ cha'añ mi la' jac' yam bʌ cʌntesa am bʌ i sajtemal ti chajp ti chajp; ñumen uts'at mi lac taj i xuc'tʌlel lac pusic'al ti yutslel i pusic'al Dios, mach cha'añic i bʌl lac ñʌc'; come ma'añic mi' coltañonla ti tojlel Dios, tsa' jiliyob jiñi tsa' bʌ i jac'ʌyob ili cʌntesa cha'añ i bʌl ñʌc'ʌl.

Hebreos 9:10

Ili waj yic'ot jiñi japbil tac bʌ i melbal jach wiñicob, mi' pocob ti ja', pero i yejtal jach jiñi mero isujm bʌ, che' mi' tilel jiñi isujm bʌ, mux i jilel i c'ʌjñibal jiñi yam bʌ.