Levitico 10:9 - Jiñi Tsiji' bʌ Wen T'añ cha'añ Estudio

⁹ “Mi jatetic o mi jiñic a walobilob, mach yomic mi la' jap jiñi paj-esʌbil bʌ i ya'lel ts'usub che' mi la' wochel ti Tabernáculo ba' mi la' tempan la' bʌ, ame chʌmiquetla. Jiñʌch xuc'ul bʌ c mandar cha'añ pejtelel la' p'olbal ti jujunlajm,

Levitico 10:9 Iomraidhean Croise

Exodo 27:21

Yom ma' wa'chocon Aarón yic'ot i p'olbalob cha'añ mi' chʌcʌ q'uelob jiñi c'ajc ti ic'ajel c'ʌlʌl ti sʌc'ajel ya' ti Tabernáculo ba' mi la' tempan la' bʌ; jiñi c'ajc yom bʌ mi la' wʌc' ya'ʌch ya' ti Ch'ujul bʌ Ajñibʌl, iliyi jiñʌch mandar yom bʌ ti' tojlel israelob ti' lajm ti' lajm ti pejtelel ora.

Levitico 10:8

Che' jiñi lac Yum tsi' pejca Aarón tsi' su'be:

Levitico 3:17

“Jiñʌch xuc'ul bʌ mandar cha'añ la' p'olbal, baqui jach mi la' majlel ti chumtʌl: mach mejlic la' wis c'uxben pejtelel i lewil yic'ot i ch'ich'el alʌc'ʌl.”

Numeros 6:20

Jiñi motomaj mi caj i yʌq'ueñon che' bajche' jʌmts'ubil bʌ majtañʌl tic tojlel, jiñʌch ch'ujul bʌ, mu' bʌ i yʌq'uentel jiñi motomaj jiñʌch i jʌmts'ubil bʌ i bʌc'tal i tajñ yic'ot i ya' jiñi tat tʌñʌme'. Ti wi'il jiñi nazareo muq'uix i mejlel i jap i ya'lel ts'usub.”

Numeros 6:3

mach mejlic i jap paj-esʌbil bʌ i ya'lel ts'usub mi lembal. Mach mejlic i jap vinagre melbil bʌ ti' ya'lel ts'usub, mi yic'otic vinagre xʌbʌl bʌ ti lembal, mi junchajpic paj-esʌbil bʌ i ya'lel ts'usub, mi yomic mi' mʌc' ujtel to bʌ i tujq'uel i wut ts'usub mi jiñic tiquiñix bʌ.

Lucas 1:15

Come ñuc mi caj i q'uejlel a walobil ti' tojlel Dios. Ma'añic mi caj i jap vino mi lembal. C'ʌlʌl che' cʌntʌbil, but'ul ti Ch'ujul bʌ Espíritu mi caj i yajñel.

Efesios 5:18

Mach yomic mi la' yʌc-añ ti vino, come mi caj i yʌq'uetla ti wocol, pero yom but'uletla ti jiñi Espíritu,

1 Timoteo 3:3

mach yomic mi' mulan lembal, mach yomic mi' jats' i pi'ʌlob, mach yomic mi' mulan taq'uiñ mach bʌ tilemic ti toj bʌ e'tel, yom uts i pusic'al, mach yomic mi' cha'len leto, mach yomic i ts'i'lel i wut cha'añ chu'bʌañʌl;

1 Timoteo 3:8

Che' ja'el jiñi diáconojob, mu' bʌ i cha'leñob i ye'tel ti' tojlel xñopt'añob, yom tojob i melbal, mach yomic cha'chajpob i t'añ, mach yomic mi' mulañob ca'bʌl lembal, mach yomic mi' mulan taq'uiñ mach bʌ tilemic ti toj bʌ e'tel;

1 Timoteo 5:23

Mach cojic jach ja' yom ma' chʌn jap, pero japʌ ts'ita' vino cha'añ a ñʌc', come ca'bʌl mi' tajet c'am-ʌjel.

Tito 1:7

Come wersa yom mi' wa'chocontel xcʌntaya mach bʌ añic i mul cha'añ mi' cʌntan i cha'año' bʌ Dios; mach yomic mi' chañ-esan i bʌ, mach yomic ora mi' mich'an, mach yomic mi' mulan lembal, mach yomic mi' jats' i pi'ʌlob, mach yomic mi' mulan taq'uiñ mach bʌ tilemic ti ye'tel.