Levitico 1:9 - Jiñi Tsiji' bʌ Wen T'añ cha'añ Estudio

⁹ Mi caj i pocbeñob ti ja' i ya' yic'ot i soyta', che' jiñi, jiñi motomajob mi caj i pulob ya' ti' pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Chol de Tumbalá Bible

⁹ Jini i yoc yic'ot i soyta' yom mi' pocob ti ja'. Che' jini ti wi'il jini motomajob mi caj i pulob ya' ti' pulʌntib cha'an uts'at bʌ c majtan mu' bʌ c mulan.

Chol: I T’an Dios

⁹ Jini i yoc yic'ot i soyta' yom mi' pocob ti ja'. Che' jini ti wi'il jini motomajob mi caj i pulob ya' ti' pulʌntib cha'an uts'at bʌ c majtan mu' bʌ c mulan.

Levitico 1:9 Iomraidhean Croise

Genesis 8:21

Che' bʌ tsi' yu'bi lac Yum jiñi xojocña bʌ i yujts'il, tsi' yʌlʌ ti' pusic'al: “Ma'añix mi caj c chʌn jisan jiñi pañimil cha'añ i mul wiñicob x'ixicob come jontol chuqui mi' ña'tañob ti' pusic'al c'ʌlʌl che' ch'itoñob to; ma'añix mi caj c chʌn jisan pejtelel cuxul tac bʌ che' bajche' tsa' c jisa.”

Exodo 12:9

Mach yomic mi la' c'ux jiñi we'elʌl che' tsij to mi che' ch'ʌxbil ti ja', pero yom pojpobil; che' ja'el mi caj la' c'uxben i jol yic'ot i yoc yic'ot pejtelel am bʌ ti' malil.

Exodo 29:18

Ti wi'il mi caj a pul pejtelel jiñi tat tʌñʌme' ya' ti' pam jiñi pulʌntib. Jiñʌch yom bʌ mi' pulel xojocña bʌ i majtañ lac Yum. Jiñʌch majtañʌl pulbil bʌ i cha'añ lac Yum.

Exodo 29:25

Ti wi'il mi caj a ch'ʌmbeñob ti' c'ʌb cha'añ ma' pul ya' ti pulʌntib, temel yic'ot jiñi pulbil bʌ majtañʌl che' bajche' xojocña bʌ i yujts'il ti' tojlel lac Yum. Jiñʌch majtañʌl pulbil bʌ ti' tojlel lac Yum.

Levitico 1:13

Mi caj i ñaxan pocob ti ja' i soyta' yic'ot i ya', jiñi motomaj mi caj i pul ti pejtelel ya' ti pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 1:17

Che' jiñi mi' chuc ti' wich' cha'añ mi' tsep ti ojlil, pero mach yomic mi' junyajlel ts'ojquel i bʌc'tal; jiñi motomaj mi caj i pul ya' ti' pam pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 2:16

Cha'añ c ña'tʌntel, jiñi motomaj mi caj i pul ts'ita' jiñi juch'bil bʌ trigo yic'ot olivo aceite yic'ot pom. Jiñʌch pulbil bʌ majtañʌl cha'añon.” Alʌc'ʌl tac mu' bʌ i laj pulel: Lv 1.2-17; 6.8-13; 7.7-8; 8.14-17, 23-25 Majtañʌl tac i bʌl bʌ ñʌc'ʌl mu' bʌ i yʌq'uentel lac Yum: Ex 29.15-18; Lv 2.1-16; 8.18-21 Majtañʌl tac che' bajche' i wut cebada yic'ot trigo: Lv 2.1; 6.14-18; 7.9-10 Majtañʌl mu' bʌ i yʌjq'uel che' ti' q'uiñilel i ñusʌntel mulil: Lv 23.26-32; Nm 29.7-11 Majtañʌl ti' chajp ti' chajp: Ex 29.23-27; Lv 8.29 Majtañʌl tac cha'añ i q'uiñilel tsiji' bʌ ja'bil: Lv 23.23-25; Nm 29.1-6 Majtañʌl tac cha'añ i q'uiñilel lejchempat: Lv 23.33-34; Nm 29.12-38 Majtañʌl tac cha'añ jiñi ñaxan bʌ i wut pʌc'ʌbʌl: Lv 23.9-22; Nm 28.26-31 Majtañʌl tac cha'añ i q'uiñilel che' mi' pasel uw Nm 28.1-15 Majtañʌl tac cha'añ i q'uiñilel waj mach bʌ añic i levadurajlel: Lv 23.6-8; Nm 28.17-25 Majtañʌl tac che' mi' ch'ʌmob i ye'tel ti motomaj: Ex 29.19-22, 31-34; Lv 6.19-23; 8.22-28, 31-32 Majtañʌl tac cha'añ ñʌch'tʌlel: Lv 3.1-17; 7.11-21, 28-34 Majtañʌl tac che' ti' q'uiñilel c'aj-o: Nm 28.9-10 Majtañʌl tac mu' bʌ i yʌjq'uel ti jujump'ejl q'uiñ: Ex 29.38-46; Nm 28.1-8 Tsʌnsʌbil bʌ majtañʌl che' bʌ mach tsajilic i cha'añ: Lv 5.14—6.7; 7.1-6, 7-8; 14.11-18, 21-32 Tsʌnsʌbil bʌ majtañʌl cha'añ i ñusʌntel mulil: Ex 29.10-14; Lv 4.1—5.23; 6.24-30; Nm 15.22-29

Levitico 2:2

La' i yʌq'ueñob i yalobilob Aarón, jiñi motomajob. Juntiquil motomaj mi caj i ch'ʌm junmujch' majtañʌl loq'uem bʌ ti juch'bil bʌ trigo yic'ot olivo aceite yic'ot pom cha'añ mi' pul ti' pam i pulʌntib majtañʌl cha'añ mic chʌn ña'tʌntel. Jiñʌch majtañʌl xojocña bʌ i yujts'il mi cu'bin.

Levitico 2:9

Jiñi motomaj mi caj i pul lamital jiñi majtañʌl cha'añ c ña'tʌntel, jiñʌch pulbil bʌ majtañʌl xojocña bʌ i yujts'il mi cu'bin.

Levitico 3:11

Jiñi motomaj mi caj i pul ti' pejtelel iliyi ya' ti pulʌntib. Jiñʌch i bʌl ñʌc'ʌl pulbil bʌ ofrenda cha'añon.”

Levitico 3:5

Jiñi i yalobilob Aarón mi caj i pulob pejtelel iliyi ya' ti pulʌntib. Jiñi alʌc'ʌl mi caj i pulel ya' ti' pam jiñi si' ba'añ c'ajc. Jiñʌch ofrenda xojocña bʌ i yujts'il tic tojlel.”

Levitico 4:31

Che' ja'el yom mi' loc'sʌbentel i lewil, che' bajche' tsa' loc'sʌnti i lewil jiñi majtañʌl cha'añ i ñʌch'tʌlel la' pusic'al. Añ ti' wenta jiñi motomaj cha'añ mi' pul ya' ti pam jiñi pulʌntib che' bajche' xojocña bʌ i yujts'il majtañʌl cha'añon. Che'ʌch yom mi' mel jiñi motomaj cha'añ mic ñusʌben i mul jiñi wiñic.”

Levitico 6:14

“Jiñʌch jiñi mandar cha'añ majtañʌl bʌ i wut pʌc'ʌbʌl: Añ ti' wenta i yalobilob Aarón cha'añ mi' pulbeñon ti' pam jiñi pulʌntib.

Levitico 8:21

Ti wi'il Moisés tsi' pocbe i soyta' yic'ot i yoc tac, tsi' laj otsa ti c'ajc ya' ti pam pulʌntib, come jiñʌch pulbil bʌ i majtañ lac Yum, xojocña bʌ mi' yu'bin, che' bajche' lac Yum tsi' su'be Moisés.

Levitico 8:28

Ti wi'il Moisés tsi' cha' ch'ʌmʌ jiñi majtañʌl, tsi' pulu ya' ti' pam jiñi majtañʌl ya' ti pulʌntib. Jiñʌch i sʌc-esʌntelob ti jiñi pulbil bʌ majtañʌl xojocña bʌ i yujts'il ti' tojlel lac Yum.

Levitico 9:14

Ti wi'il che' bʌ tsa' ujti i sʌc'ben i soyta' yic'ot i ya' tac, tsa' caji i pul ya' ti' pulʌntib i majtañ lac Yum.

Numeros 15:3

mi mux la' wʌq'ueñon pulbil tac bʌ c majtañ, yic'ot tsʌnsʌbil tac bʌ c majtañ, mi i ña'al wacax tac o mi tʌñʌme' tac, mi cha'añ tsa' la' wʌc'ʌ xuc'ul bʌ la' t'añ o cha'añ tilem bʌ ti la' pusic'al, o cha'añ mi la' wʌq'ueñon che' ti yorajlel la' q'uiñijel tac xojocña bʌ i yujts'il tic tojlel,

Numeros 28:11

“Che' ti' tejchibal tac jujump'ejl uw, mi caj la' wʌc' ti pulbil bʌ c majtañ cha'cojt tat wacax yic'ot juncojt tat tʌñʌme' yic'ot wuccojt tʌñʌme' am bʌ jujump'ejl i ja'bilel mach bʌ i p'ajomalic;

Numeros 28:7

Jiñi lʌmʌl bʌ majtañʌl, jiñʌch jump'ejl litro vino cha'añ jujuncojt tʌñʌme'. Jiñi vino mi caj la' bec' ya' ti Ch'ujul bʌ Ajñibʌl ti' tojlel lac Yum.

Numeros 28:8

Mi caj la' tsʌnsan yam bʌ juncojt che' wolix ti bʌjlel q'uiñ; lajal mi caj la' wʌc' jiñi majtañʌl che' bajche' tsa' la' wʌc'ʌ che' ti sʌc'ajel yic'ot jiñi lʌmʌl bʌ majtañʌl. Jiñʌch pulbil bʌ c majtañ xojocña bʌ mi cu'bin.

2 Corintios 2:15

come xojocña mi' yu'biñonla Dios cha'añ woli' yajñel Cristo ti lac pusic'al, xojocña i yutslel Cristo ti' tojlel jiñi woli bʌ i coltʌntelob yic'ot ti' tojlel jiñi woliyo' bʌ ti sajtel.

Efesios 5:2

Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo, tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtañ Dios, che' bajche' ofrenda xojocña bʌ i yujts'il.

Deuteronomio 12:27

Mi caj la' wʌc' jiñi pulbil tac bʌ majtañʌl ti' pam jiñi pulʌntib i cha'añ lac Yum Dios, temel yic'ot i bʌc'tal yic'ot i ch'ich'el; i ch'ich'el jiñi tsʌnsʌbil bʌ majtañʌl mi caj la' bec'ben ti' pam jiñi pulʌntib i cha'añ lac Yum Dios, pero mi' mejlel la' c'uxben i bʌc'tal jiñi majtañʌl.

Filipenses 4:18

Tsa'ix la' wʌq'ueyon pejtelel chuqui yom, añ i ñumel; jasʌlix, Epafrodito tsi' ch'ʌmbeyon tilel ti pejtelel; la' wofrenda, xojocña i yujts'il yilal, lajal bajche' pulbil bʌ i majtañ Dios mu' bʌ i mulan, uts'at bʌ mi' q'uel.