Levitico 1:4 - Jiñi Tsiji' bʌ Wen T'añ cha'añ Estudio

⁴ Jiñi woli bʌ i yʌq'ueñon wacax, yom mi' c'ʌcchocon i c'ʌb ya' ti' jol jiñi majtañʌl. Che' jiñi mi caj c ch'ʌm jiñi alʌc'ʌl ti' q'uexol jiñi wiñic cha'añ mi' ñusʌbentel i mul.

Chol de Tumbalá Bible

⁴ Jini woli bʌ i yʌq'ueñon wacax, yom mi' c'ʌcchocon i c'ʌb ya' ti' jol jini majtañʌl. Che' jini joñon mi caj c ch'ʌm jini alʌc'ʌl cha'an ti' wenta jini winic. Che' mi' chʌmel jini alʌc'ʌl, ma'anic mi caj i chʌmel jini winic cha'an i mul.

Chol: I T’an Dios

⁴ Jini woli bʌ i yʌq'ueñon wacax, yom mi' c'ʌcchocon i c'ʌb ya' ti' jol jini majtañʌl. Che' jini joñon mi caj c ch'ʌm jini alʌc'ʌl cha'an ti' wenta jini winic. Che' mi' chʌmel jini alʌc'ʌl, ma'anic mi caj i chʌmel jini winic cha'an i mul.

Levitico 1:4 Iomraidhean Croise

Exodo 28:38

Che'ʌch mi caj i yajñel ti' pam Aarón, cha'añ mi' ch'ʌm majlel Aarón i mul israelob tsa' bʌ i tajayob che' bʌ tsi' yʌc'ʌyob ch'ujul bʌ majtañʌl tac. Yom mi' yajñel ti' pam Aarón ti pejtelel ora cha'añ mi tajob i yutslel i pusic'al lac Yum.

Exodo 29:10

Ti wi'il mi caj a pʌy majlel jiñi alʌ tat wacax ba'añ jiñi Tabernáculo ba' mi' tempañob i bʌ, jiñi Aarón yic'ot i yalobilob mi caj i yʌc'ob i c'ʌb ya' ti' jol jiñi alʌ tat wacax.

Exodo 29:15

Che' ja'el mi caj a pʌy tilel juncojt tat tʌñʌme', jiñi Aarón yic'ot i yalobilob la' i yʌc'ob i c'ʌb ya' ti' jol jiñi tat tʌñʌme'.

Exodo 29:19

Ti wi'il mi caj a ch'ʌm jiñi yam bʌ tat tʌñʌme', jiñi Aarón yic'ot i yalobilob mi caj i c'ʌcchocoñob i c'ʌb ti' jol jiñi tat tʌñʌme'.

Exodo 29:33

Mi caj i c'uxob pejtelel tsa' bʌ ajq'ui cha'añ i tojol mulil tsa' bʌ c'ʌjñi cha'añ mi' wa'chocontelob ti ye'tel yic'ot cha'añ i sʌc-esʌntelob. Pero jiñi joch wiñic bʌ mach mejlic i c'ux come ch'ujulʌch.

Levitico 16:21

Aarón mi caj i c'ʌcchocon ti' cha'ts'ijtlel i c'ʌb ti' jol jiñi tat chivo cuxul to bʌ, mi caj i tsictesan pejtelel i mul israelob yic'ot i ñusa t'añob. Che'ʌch mi yʌc' ti' jol jiñi tat chivo, mi caj i choc majlel ti jochol bʌ lum ti' wenta juntiquil wiñic wa'chocobil bʌ.

Levitico 16:24

Ti jiñi jach bʌ ora mi caj i cha'len ts'ʌmel ya' ti ch'ujul bʌ ajñibʌl; che' bʌ tsa'ix i lʌpʌ i pislel, mi caj i loq'uel i yʌc' pulbil bʌ majtañʌl cha'añ i bajñel mul yic'ot cha'añ i mul wiñicob x'ixicob; mi caj i ñusʌbentel i bajñel mul yic'ot i mul jiñi israelob,

Levitico 22:21

“Che' ja'el mi añ majqui mi yʌq'ueñon c majtañ cha'añ i tijicñʌyel i pusic'al cha'añ mi' ts'ʌctesan jiñi tsa' bʌ i wʌn ña'ta o majtañʌl tilem bʌ ti' bajñel pusic'al, mi' ña'al wacax, mi' ña'al tʌñʌme', yom mach bʌ wis añic i c'am-ʌjel cha'añ uts'at mij q'uel.

Levitico 22:27

“Che' mi yilan pañimil i yal i ña'al wacax, o i yal i ña'al tʌñʌme', o mi i yal i ña'al chivo, wucp'ejl q'uiñ yom mi' cha'len chu', che' añix waxʌcp'ejl q'uiñ o che' ñumeñix uts'at mi' mejlel c pulbentel tic majtañ.”

Levitico 3:13

Mi caj i c'ʌcchocon i c'ʌb ti' jol, che' jiñi mi caj i tsʌnsan ya' ti' tojel jiñi Tabernáculo ba' mi la' tempan la' bʌ. Jiñi i yalobilob Aarón mi caj i tsijcañob i joytʌlel jiñi pulʌntib ya' ti' ch'ich'el alʌc'ʌl.”

Levitico 3:2

La' i c'ʌcchocon i c'ʌb ti' jol jiñi alʌc'ʌl, la' i tsʌnsan ya' ti ti' jiñi Tabernáculo ba' mi la' tempan la' bʌ, ti wi'il jiñi motomajob, i yalobilob Aarón mi caj i tsijcañob ti' ch'ich'el jiñi alʌc'ʌl ti' joytʌlel jiñi pulʌntib.”

Levitico 3:8

Mi caj i yʌc' i c'ʌb ti' jol jiñi alʌc'ʌl, ti wi'il mi caj i tsʌnsan ya' ti ti' jiñi Tabernáculo ba' mi la' tempan la' bʌ. Ti wi'il i yalobilob Aarón mi caj i tsijcʌbeñob i ch'ich'el jiñi alʌc'ʌl ti' joytʌlel jiñi pulʌntib.”

Levitico 4:15

Jiñi xñoxob ya' ti tejclum mi caj i c'ʌcchocoñob i c'ʌb ya' ti' jol jiñi alʌ tat wacax, che' jiñi mi' tsʌnsañob ya' tic tojlel.

Levitico 4:20

che'ʌch mi caj i mel ja'el yic'ot jiñi alʌ tat wacax che' bajche' tsi' mele yic'ot jiñi majtañʌl cha'añ i ñusʌntel mulil. Che'ʌch mi caj i mel jiñi motomaj cha'añ mi' ñusʌbentelob i mul ti' pejtelelob.

Levitico 4:24

Mi caj i c'ʌcchocon i c'ʌb ti' jol jiñi chivo, che' jiñi mi caj i tsʌnsan ya' baqui mi' tsʌnsʌntel jiñi pulbil tac bʌ majtañʌl ya' tic tojel. Jiñʌch majtañʌl cha'añ i ñusʌntel mulil.

Levitico 4:26

Pejtelel i lewil tac mi' laj pulel ya' ti jiñi pulʌntib, che' bajche' mi' pulel i lewil tac majtañʌl cha'añ i ñʌch'tʌlel la' pusic'al. Che'ʌch mi caj i yʌc' majtañʌl jiñi motomaj cha'añ i tojol i mul jiñi yumʌl, che' jiñi mi caj i ñusʌbentel i mul.”

Levitico 4:29

Yom mi' c'ʌcchocon i c'ʌb ya' ti' jol jiñi alʌc'ʌl jiñʌch jiñi ofrenda cha'añ i ñusʌntel mulil. Che' jiñi mi caj i tsʌnsan ya' ti ajñibʌl ba' mi' tsʌnsʌntel jiñi alʌc'ʌl ba'añ jiñi pulʌntib.

Levitico 4:31

Che' ja'el yom mi' loc'sʌbentel i lewil, che' bajche' tsa' loc'sʌnti i lewil jiñi majtañʌl cha'añ i ñʌch'tʌlel la' pusic'al. Añ ti' wenta jiñi motomaj cha'añ mi' pul ya' ti pam jiñi pulʌntib che' bajche' xojocña bʌ i yujts'il majtañʌl cha'añon. Che'ʌch yom mi' mel jiñi motomaj cha'añ mic ñusʌben i mul jiñi wiñic.”

Levitico 4:33

Mi caj i c'ʌcchocon i c'ʌb ya' ti' jol jiñi tʌñʌme' cha'añ i ñusʌntel mulil, che' jiñi mi caj i tsʌnsan jiñi tʌñʌme' cha'añ i mul ya' ba'añ jiñi pulʌntib.

Levitico 4:35

Mi caj i loc'sʌben pejtelel i lewil jiñi majtañʌl che' bajche' tsa' loc'sʌbenti i lewil jiñi majtañʌl cha'añ i ñʌch'tʌlel la' pusic'al. Añ ti' wenta jiñi motomaj cha'añ mi' pul ya' ti pulʌntib che' bajche' yan tac bʌ pulbil bʌ c majtañ. Che'ʌch mi caj i mel jiñi motomaj, cha'añ i ñusʌntel mulil, che' jiñi mi caj i ñusʌbentel i mul jiñi wiñic.”

Levitico 4:4

Yom mi' pʌy tilel jiñi alʌ tat wacax ya' ti ti' jiñi Tabernáculo ba' mi la' tempan la' bʌ tic tojlel, mi caj i c'ʌcchocon i c'ʌb ya' ti' jol jiñi alʌ tat wacax, che' jiñi mi caj i tsʌnsan tic tojlel.

Levitico 5:6

yic'ot yom mi yʌc' tic tojlel jump'ejl ofrenda cha'añ i ñusʌntel i mul tsa' bʌ i mele, yom juncojt xch'oc tʌñʌme' o xch'oc chivo. Che'ʌch mi caj i mel jiñi motomaj cha'añ mi' ñusʌbentel i mul jiñi wiñic.”

Levitico 6:7

Jiñi motomaj mi caj i yʌq'ueñon tsʌnsʌbil bʌ c majtañ cha'añ i tojol i mul jiñi wiñic. Che' jiñi mi caj i taj i ñusʌbentel pejtelel i mul.”,

Levitico 8:14

Ti wi'il tsi' c'ajti cha'añ mi' ch'ʌjmel tilel jiñi alʌ tat wacax, jiñi majtañʌl cha'añ i ñusʌntel mulil, jiñi cha'añ Aarón yic'ot i yalobilob tsi' yʌc'ʌyob i c'ʌb ya' ti' jol jiñi alʌ tat wacax cha'añ mi' ñusʌbentelob i mul,

Levitico 8:18

Ti wi'il Moisés tsi' pʌyʌ tilel jiñi tat tʌñʌme' cha'añ mi' pulben lac Yum. Aarón yic'ot i yalobilob tsi' c'ʌcchocoyob i c'ʌb ya' ti' jol jiñi tat tʌñʌme'.

Levitico 8:22

Ti wi'il Moisés tsi' c'ajti tilel yam bʌ i tat tʌñʌme' cha'añ mi' wa'chocon jiñi motomajob ti' ye'tel. Aarón yic'ot i yalobilob tsi' c'ʌcchocoyob i c'ʌb ya' ti' jol jiñi tat tʌñʌme',

Levitico 9:7

Ti wi'il Moisés tsi' su'be Aarón: “Lʌc'tesan a bʌ ya' ti' t'ejl jiñi pulʌntib, aq'uen tsʌnsʌbil bʌ i majtañ cha'añ i ñusʌntel a mul yic'ot jiñi pulbil bʌ majtañʌl cha'añ jiñi tejclum yic'ot cha'añet; aq'uen ja'el i majtañ lac Yum cha'añ i ñusʌntel i mul pejtelel wiñicob x'ixicob, che' bajche' tsi' yʌc'ʌ mandar lac Yum.”

Numeros 15:25

Che' jiñi, jiñi motomaj mi caj i yʌc' jiñi majtañʌl cha'añ pejtelel israelob, che' jiñi mux i ñusʌbentelob i mul, come jiñi mulil tsa' bʌ i meleyob mach tsajilobic i cha'añ. Mi caj i yʌq'ueñoñob c majtañ mu' bʌ i pulel cha'añ i sajtemalob.

Numeros 15:28

Jiñi motomaj mi caj i yʌc' ti ñusʌntel i mul jiñi tsa' bʌ i cha'le mulil tij contra che' mach tsajilic i cha'añ, che' jiñi mux i cha' ajñel ti uts'at yic'oton, yic'ot mux i ñusʌbentel i mul.

Numeros 25:13

Mi caj cotsan ti motomaj yic'ot i yalobilob ti pejtelel ora, jiñi xuc'ul bʌ c t'añ cha'añ i motomajil xuc'ulʌch, come tsi' pʌsʌ i mich'ajel cha'añon yic'ot tsi' yʌc'ʌ i tojol mulil cha'añ israelob.”

Numeros 8:10

Che' bʌ tsa'ix a pʌyʌ tilel jiñi levijob tic tojlel, jiñi israelob mi caj i sʌts'ob i c'ʌb ti' tojlel jiñi levijob.

Numeros 8:12

Ti wi'il jiñi levijob mi caj i yʌc'ob i c'ʌb ya' ti' jol jiñi cha'cojt tat wacax: Juncojt mi caj a wʌc' cha'añ i ñusʌntel mulil, jiñi yam bʌ mi caj a pulbeñon tic majtañ, cha'añ mi' ñusʌbentelob i mul jiñi levijob.

Romanos 12:1

Jiñi cha'añ hermañujob, ti wocol t'añ mic su'beñetla cha'añ ti' p'untaya Dios, aq'uenla Dios la' bʌc'tal che' bajche' tsʌnsʌbil bʌ i majtañ anquese cuxulet to la, jiñʌch ch'ujul bʌ i majtañ yic'ot uts'at bʌ mi' q'uel, jiñʌch i ch'ujutesʌntel ti' isujm.

Romanos 3:25

come Dios tsi' yʌc'ʌ Cristo cha'añ mi' tojbeñonla lac mul ti' ch'ich'el, cha'añ mi' lajmel i mich'ajel ti' tojlel pejtelel mu' bʌ i ñopob; che' jiñi tsiquil tojʌch Dios tsa' bʌ i cuchbeyob i mul wiñicob x'ixicob ti yam bʌ ora,

Romanos 5:11

Mach cojic jach jiñi, pero tijicñayonla ti Dios cha'añ lac Yum Jesucristo, come Cristo tsi' yuts-esa lac pusic'al yic'ot Dios.

Filipenses 4:18

Tsa'ix la' wʌq'ueyon pejtelel chuqui yom, añ i ñumel; jasʌlix, Epafrodito tsi' ch'ʌmbeyon tilel ti pejtelel; la' wofrenda, xojocña i yujts'il yilal, lajal bajche' pulbil bʌ i majtañ Dios mu' bʌ i mulan, uts'at bʌ mi' q'uel.

Hebreos 10:4

come i ch'ich'el tat wacax yic'ot i ch'ich'el tat chivo mach mejlic i junyajlel jisan mulil.

1 Juan 2:2

Jiñʌch tsa' bʌ i yu'bi i mich'ajel Dios ti' caj lac mul, mach jiñic jach lac mul pero i mul ja'el pejtelel año' bʌ ti pañimil.