Levitico 1:16 - Jiñi Tsiji' bʌ Wen T'añ cha'añ Estudio

¹⁶ Jiñi motomaj mi caj i loc'sʌben i chuyib, yic'ot mi caj i tujtuñ, mi caj i yʌc' ya' ti' t'ejl i pulʌntib ba' mi' pasel q'uiñ ya' ba'añ i yajñib i tʌñʌl c'ajc.

Levitico 1:16 Iomraidhean Croise

Levitico 16:27

“Ti wi'il mi' ch'ʌjmel majlel ti junwejl i ti' tejclum jiñi alʌ tat wacax yic'ot jiñi tat chivo tsa' bʌ tsʌnsʌnti cha'añ mulil, tsa' bʌ c'ʌjñi i ch'ich'el ya' ti Ch'ujul bʌ Ajñibʌl cha'añ mi' ñusʌbentelob i mul wiñicob x'ixicob. Yom mi' pulel ti c'ajc i pʌchʌlel yic'ot i bʌc'tal yic'ot i soyta'.

Levitico 4:12

yic'ot ti' cotol jiñi alʌ tat wacax, yom mi' ch'ʌm majlel ya' ti' pat jiñi tejclum ba' jochol jiñi lum, ba' mi' chojquel jiñi tañ, yic'ot ba' mi' mejlel i pul ti c'ajc yic'ot si'. Ya' mi caj i pulel ba' mi' chojquel jiñi tañ.”

Levitico 6:3

o mi tsi' loto chuqui tsa' sajti pero ma'añic tsi' tsictesa, mi tsi' lon ac'ʌ xuc'ul bʌ i t'añ che' mach isujmic, che' bajche' i tilel mi' cha'leñob mulil wiñicob;

Lucas 1:35

Jiñi ángel tsi' su'be: —Mi caj i tilel jiñi Ch'ujul bʌ Espíritu ti a tojlel. I p'ʌtʌlel jiñi C'ax Ñuc Bʌ mi caj i moset. Jiñi cha'añ jiñi ch'ujul bʌ alʌl mu' bʌ caj i yilan pañimil mux i pejcʌntel ti' Yalobil Dios.

1 Pedro 1:2

yajcʌbiletla che' bajche' tsi' wʌn ña'ta Dios lac Tat, jiñi Espíritu woli' sʌc-esañetla cha'añ mi la' jac'ben Jesucristo, yic'ot ja'el cha'añ mi la' tsijcʌntel ti' ch'ich'el Jesucristo. La' p'ojlesʌntic i yutslel yic'ot i ñʌch'tʌlel la' pusic'al.