Levitico 1:13 - Jiñi Tsiji' bʌ Wen T'añ cha'añ Estudio

¹³ Mi caj i ñaxan pocob ti ja' i soyta' yic'ot i ya', jiñi motomaj mi caj i pul ti pejtelel ya' ti pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Chol de Tumbalá Bible

¹³ Mi caj i ñaxan pocbeñob ti ja' i soyta' yic'ot i yoc. Che' jini, jini motomajob mi caj i pulob ti' pejtelel, come tijicña mij q'uel pulbil bʌ c majtan.

Chol: I T’an Dios

¹³ Mi caj i ñaxan pocbeñob ti ja' i soyta' yic'ot i yoc. Che' jini, jini motomajob mi caj i pulob ti' pejtelel, come tijicña mij q'uel pulbil bʌ c majtan.

Levitico 1:13 Iomraidhean Croise

Genesis 8:21

Che' bʌ tsi' yu'bi lac Yum jiñi xojocña bʌ i yujts'il, tsi' yʌlʌ ti' pusic'al: “Ma'añix mi caj c chʌn jisan jiñi pañimil cha'añ i mul wiñicob x'ixicob come jontol chuqui mi' ña'tañob ti' pusic'al c'ʌlʌl che' ch'itoñob to; ma'añix mi caj c chʌn jisan pejtelel cuxul tac bʌ che' bajche' tsa' c jisa.”

Levitico 1:9

Mi caj i pocbeñob ti ja' i ya' yic'ot i soyta', che' jiñi, jiñi motomajob mi caj i pulob ya' ti' pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 2:11

“Mi junchajpic majtañʌl mi caj la' pulbeñon xʌbil bʌ ti cha'b o ti levadura.

Levitico 2:2

La' i yʌq'ueñob i yalobilob Aarón, jiñi motomajob. Juntiquil motomaj mi caj i ch'ʌm junmujch' majtañʌl loq'uem bʌ ti juch'bil bʌ trigo yic'ot olivo aceite yic'ot pom cha'añ mi' pul ti' pam i pulʌntib majtañʌl cha'añ mic chʌn ña'tʌntel. Jiñʌch majtañʌl xojocña bʌ i yujts'il mi cu'bin.

Levitico 3:5

Jiñi i yalobilob Aarón mi caj i pulob pejtelel iliyi ya' ti pulʌntib. Jiñi alʌc'ʌl mi caj i pulel ya' ti' pam jiñi si' ba'añ c'ajc. Jiñʌch ofrenda xojocña bʌ i yujts'il tic tojlel.”

Levitico 4:31

Che' ja'el yom mi' loc'sʌbentel i lewil, che' bajche' tsa' loc'sʌnti i lewil jiñi majtañʌl cha'añ i ñʌch'tʌlel la' pusic'al. Añ ti' wenta jiñi motomaj cha'añ mi' pul ya' ti pam jiñi pulʌntib che' bajche' xojocña bʌ i yujts'il majtañʌl cha'añon. Che'ʌch yom mi' mel jiñi motomaj cha'añ mic ñusʌben i mul jiñi wiñic.”

Levitico 6:14

“Jiñʌch jiñi mandar cha'añ majtañʌl bʌ i wut pʌc'ʌbʌl: Añ ti' wenta i yalobilob Aarón cha'añ mi' pulbeñon ti' pam jiñi pulʌntib.

Levitico 8:21

Ti wi'il Moisés tsi' pocbe i soyta' yic'ot i yoc tac, tsi' laj otsa ti c'ajc ya' ti pam pulʌntib, come jiñʌch pulbil bʌ i majtañ lac Yum, xojocña bʌ mi' yu'bin, che' bajche' lac Yum tsi' su'be Moisés.

Numeros 15:3

mi mux la' wʌq'ueñon pulbil tac bʌ c majtañ, yic'ot tsʌnsʌbil tac bʌ c majtañ, mi i ña'al wacax tac o mi tʌñʌme' tac, mi cha'añ tsa' la' wʌc'ʌ xuc'ul bʌ la' t'añ o cha'añ tilem bʌ ti la' pusic'al, o cha'añ mi la' wʌq'ueñon che' ti yorajlel la' q'uiñijel tac xojocña bʌ i yujts'il tic tojlel,

Numeros 15:4

che' jiñi, jiñi mu' bʌ i ch'ʌmbeñon tilel c majtañ, la' i ch'ʌmbeñon tilel cha'p'ejl kilo jiñi wen chʌmeñ bʌ juch'bil bʌ i ñich harina xajc'ubil bʌ yic'ot jump'ejl litro olivo aceite.

Numeros 28:11

“Che' ti' tejchibal tac jujump'ejl uw, mi caj la' wʌc' ti pulbil bʌ c majtañ cha'cojt tat wacax yic'ot juncojt tat tʌñʌme' yic'ot wuccojt tʌñʌme' am bʌ jujump'ejl i ja'bilel mach bʌ i p'ajomalic;

Numeros 28:8

Mi caj la' tsʌnsan yam bʌ juncojt che' wolix ti bʌjlel q'uiñ; lajal mi caj la' wʌc' jiñi majtañʌl che' bajche' tsa' la' wʌc'ʌ che' ti sʌc'ajel yic'ot jiñi lʌmʌl bʌ majtañʌl. Jiñʌch pulbil bʌ c majtañ xojocña bʌ mi cu'bin.

Deuteronomio 12:27

Mi caj la' wʌc' jiñi pulbil tac bʌ majtañʌl ti' pam jiñi pulʌntib i cha'añ lac Yum Dios, temel yic'ot i bʌc'tal yic'ot i ch'ich'el; i ch'ich'el jiñi tsʌnsʌbil bʌ majtañʌl mi caj la' bec'ben ti' pam jiñi pulʌntib i cha'añ lac Yum Dios, pero mi' mejlel la' c'uxben i bʌc'tal jiñi majtañʌl.