Juan 9:34 - Jiñi Tsiji' bʌ Wen T'añ cha'añ Estudio

³⁴ Jiñi judíojob tsi' jac'beyob: —Jatet ca'bʌl jax a mul tsa' wila pañimil. ¿Mu' ba a cʌntesañon lojon? Tsi' chocoyob loq'uel.

Chol de Tumbalá Bible

³⁴ Jini judíojob tsi' jac'beyob: Jatet cabʌl jax a mul tsa' wila pañimil. ¿Mu' ba a cʌntesañon lojon? che'ob. Tsi' chocoyob loq'uel.

Chol Tila

³⁴ Che' jini, ti subenti: Jatyet an a mul ti ch'ocʌyet. ¿Mu' ba a cʌntisañon lojon je'el, ma' wʌl? che'ob. Ti' chocoyob loq'uel ti junyajlel ti i templo.

Chol: I T’an Dios

³⁴ Jini judíojob tsi' jac'beyob: Jatet cabʌl jax a mul tsa' wila pañimil. ¿Mu' ba a cʌntesañon lojon? che'ob. Tsi' chocoyob loq'uel.

Juan 9:34 Iomraidhean Croise

Genesis 19:9

Jiñi wiñicob tsi' jac'ʌyob: —¡Tʌts'ʌ a bʌ ya'i! Tsi' yʌlʌyob ja'el: —Tsa' tili ili wiñic mach bʌ laj cʌñʌyic cha'añ mi' chumtʌl la quic'ot, ¿jim ba mi caj i cha'len meloñel ti lac tojlel? Jiñi cha'añ wʌle ñumen mi caj c tic'lañet lojon che' bajche' jiñi wiñicob. Ti jiñi jach bʌ ora tsa' caji i xit xit chocob loq'uel Lot, tsi' lʌc'tesayob i bʌ cha'añ mi' top'ob i ti' otot.

Exodo 2:14

Tsi' jac'ʌ: —¿Majqui tsi' wa'chocoyet ti yumʌl tic tojlel lojon cha'añ ma' cha'len meloñel? ¿A wom ba a tsʌnsañon lojon che' bajche' tsa' tsʌnsa jiñi egipcio? Jiñi cha'añ Moisés tsa' caji ti bʌq'uen, tsi' ña'ta: “Tsa'ix tsictiyi jiñi tsa' bʌ c mele.”

Lucas 11:45

Juntiquil xcʌntesa mandar tsi' su'be Jesús: —Maestro, che' ma' cha'len t'añ bajche' jiñi wolix a wʌ'leñon lojon ja'el.

Lucas 14:11

Majqui jach chañ mi' mel i bʌ mi caj i peq'uesʌntel; jiñi pec' bʌ mi' mel i bʌ mi caj i chañ-esʌntel.

Lucas 18:17

Ti isujm mic su'beñetla, jiñi mach bʌ añic mi' ch'ʌm ti' wenta i yumʌntel Dios che' bajche' alob, ma'añic mi caj i yochel.

Lucas 6:22

Tijicñayetla che' mi' ts'a'leñetla wiñicob, che' mi' choquetla, che' mi p'ajetla yic'ot che' mi ts'a'leñob la' c'aba' cha'añ ti' caj tsa' la' ñopo i Yalobil Wiñic.

Juan 6:37

Pejtelel wiñicob x'ixicob mu' bʌ i yʌq'ueñon c Tat mi caj i tilelob ba'añon, majqui jach mi' tilel ba'añon ma'añic mi caj c choc loq'uel.

Juan 8:41

Jatetla mi la' mel che' bajche' i melbal la' tat. Jiñi cha'añ judíojob tsa' caji i su'beñob: —Joñon lojon mach tsa'ic quila lojon pañimil cha'añ ti' ts'i'lel wiñicob, juntiquil jach c Tat lojon, jiñʌch Dios.

Juan 9:2

Jiñi xcʌnt'añob i cha'añob tsi' c'ajtibeyob: —Maestro, ¿Chucoch xpots' jiñi wiñic che' bʌ tsi' yila pañimil? ¿Majqui tsi' cha'le mulil? ¿Jim ba jiñi wiñic? o ¿Jim ba i tat i ña'?

Juan 9:22

Che'ʌch tsi' cha'leyob t'añ i tat i ña' come tsi' bʌc'ñayob judíojob, come jiñi judíojob albilobix i cha'añ, wersa mi' chojquelob loq'uel wiñicob x'ixicob ti sinagoga mi tsi' su'buyob Cristojʌch jiñi Jesús.

Juan 9:35

Tsi' yu'bi Jesús chocbilix loq'uel jiñi wiñic, tsa' majli i taj, tsi' su'be: —¿Mu' ba a ñop i Yalobil Dios?

Juan 9:40

Ya' añob lamital fariseojob yic'ot Jesús, tsi' yu'bibeyob i t'añ, tsi' su'beyob: —¿Xpots'on ba lojon ja'el?

1 Corintios 5:13

Come Dios mi caj i mel jiñi mach bʌ ochemobic. Chocola loq'uel ti la' tojlel jiñi xjontolil.

Gálatas 2:15

Joñonla judíojonla tsa' la quila pañimil ti Israel, mach i pi'ʌloñicla jiñi xmulilob ti' tojlel gentilob.

Efesios 2:3

ti yam bʌ ora lajalʌch tsa' ajñiyonla che' bajche' yaño' bʌ, tsa' lac mele che' bajche' yom lac tsucul pusic'al yic'ot lac bʌc'tal yic'ot lac tsucul ña'tʌbal, jiñi cha'añ ochemonla ti' mich'ajel Dios lajal che' bajche' yaño' bʌ.

1 Pedro 5:5

Che' ja'el, ch'itoñ wiñicob, ac'ʌ la' bʌ ti' wenta ancianojob; ti la' pejtelel chʌn mele la' bʌ ti pec' ti' tojlel la' pi'ʌlob, come “Dios mi' contrajin jiñi mu' bʌ i chañ-esañob i bʌ. Mi' yʌq'ueñ i yutslel i pusic'al jiñi mu' bʌ i peq'uesañob i bʌ.”

3 Juan 1:10

Cha'añ ti' caj iliyi, che' mic majlel, mi caj c cha' c'ajtesʌbeñob i melbal yic'ot jontol bʌ i t'añ Diótrefes ti j contra lojon; mach cojic jach jiñi, ma'añic mi' ch'ʌm ti' wenta lac quermañujob ja'el. Mi' tic' ja'el jiñi yomo' bʌ i pʌyob ochel ti yotot, mi' chocob loq'uel ti tojlel xñopt'añob.

3 Juan 1:9

Tsa'ix c ts'ijbubeyob jiñi mu' bʌ i tempañob i bʌ. Pero jiñi Diótrefes mu' bʌ i mulan i wa'chocon i bʌ che' bajche' yumʌl ti' tojlelob, ma'añic mi' p'ison lojon ti' wenta.

Apocalipsis 13:17

yic'ot ma'añic majch tsa' mejli i cha'len choñoñel yic'ot mʌñoñel che' ma'añic i marcajlel, i marcajlel jiñʌch i c'aba' jiñi jontol bʌ bʌte'el o i númerojlel i c'aba'.