Juan 8:41 - Jiñi Tsiji' bʌ Wen T'añ cha'añ Estudio

⁴¹ Jatetla mi la' mel che' bajche' i melbal la' tat. Jiñi cha'añ judíojob tsa' caji i su'beñob: —Joñon lojon mach tsa'ic quila lojon pañimil cha'añ ti' ts'i'lel wiñicob, juntiquil jach c Tat lojon, jiñʌch Dios.

Chol de Tumbalá Bible

⁴¹ Mi la' cha'len i melbal la' tat, che'en Jesús. Jini judíojob tsa' caji i subeñob: Joñon lojon mach lajalonic lojon bajche' jini tsa' bʌ i yilayob pañimil cha'an ti' ts'i'lel winicob. Juntiquil jach c tat lojon, jiñʌch Dios, che'ob.

Chol Tila

⁴¹ Mi' la' cha'len lajal bʌ bajche' mi' cha'len la' tyat. Che' ti yʌlʌ Jesús. Che' jini, ti' jac'ʌyob: Mach i yalobilon lojon quixtyañujob cha'an jach ti i tsuculel. An juntiquil jach lojon c tyat, jiñʌch Dios, che'ob.

Chol: I T’an Dios

⁴¹ Mi la' cha'len i melbal la' tat, che'en Jesús. Jini judíojob tsa' caji i subeñob: Joñon lojon mach lajalonic lojon bajche' jini tsa' bʌ i yilayob pañimil cha'an ti' ts'i'lel winicob. Juntiquil jach c tat lojon, jiñʌch Dios, che'ob.

Juan 8:41 Iomraidhean Croise

Exodo 4:22

Che' jiñi mi caj a su'ben faraón: “Lac Yum woli' yʌl che' bajche' iliyi: Israel jiñʌch ascuñʌl bʌ calobil.

Juan 8:38

Joñon mic su'b chuqui tac tsa' q'uele che' añon quic'ot c Tat; pero jatetla mi la' mel chuqui tac tsa' la' wu'bi ti tojlel la' tat.

Juan 8:44

Jatetla la' tatʌch xi'ba, la' wom la' mel chuqui yom la' tat. Jiñi xi'ba xtsʌnsajʌch c'ʌlʌl ti' cajibal, ma'añic mi' yajñel ti' isujmlel Dios, come ma'añic chuqui isujm ti' pusic'al xi'ba. Che' mi' cha'len lot i tilelʌch come xlotʌch, ya' ch'oyol ti xi'ba pejtelel lot.

Deuteronomio 14:1

Come i yalobiletla lac Yum Dios; mach mi la' tsep la' bʌc'tal, mi yomic mi la' jujchin i tsutsel la' jol cha'añ ti' caj jiñi chʌmeño' bʌ.

Deuteronomio 32:6

¿Che' ba yom mi la' melben lac Yum bajche' jiñi? Tontojetla yic'ot ma'añic mi la' ch'ʌmben isujm pañimil. ¿Mach ba la' tatic jiñi Dios, tsa' bʌ i meleyetla? Jiñʌch tsa' bʌ i meleyetla yic'ot tsa' bʌ i yʌq'ueyetla la' p'ʌtʌlel.

1 Juan 3:12

Mach yomic lajalonla bajche' Caín tsa' bʌ i tsʌnsa i yijts'in. ¿Chucoch tsi' tsʌnsa? Come Caín jontol i melbal pero toj i melbal i yijts'in.