Juan 8:14 - Jiñi Tsiji' bʌ Wen T'añ cha'añ Estudio

¹⁴ Jesús tsi' jac'beyob: —Anquese mic bajñel su'b c bʌ, isujmʌch c t'añ, come cujil baqui ch'oyolon, che' ja'el cujil baqui mic majlel; pero jatetla mach la' wujilic baqui ch'oyolon, mi baqui mic majlel.

Chol de Tumbalá Bible

¹⁴ Jesús tsi' jac'beyob: Anquese mic bajñel sub c bʌ, isujmʌch c t'an, come cujil baqui ch'oyolon, cujil baqui mic majlel. Jatetla mach la' wujilic baqui ch'oyolon, mi baqui mic majlel.

Chol Tila

¹⁴ Jesús ti' jac'ʌ: Mu' bʌ cʌl añʌch i c'ʌjnibal aunque mic bajñel sub c bʌ como joñon cujil isujm ba' ch'oyolon. Cujil baqui mi quejel c cha' majlel. Pero jatyetla mach la' wujil isujm baqui tyʌlemon mi jinic baqui mi quejel c majlel.

Chol: I T’an Dios

¹⁴ Jesús tsi' jac'beyob: Anquese mic bajñel sub c bʌ, isujmʌch c t'an, come cujil baqui ch'oyolon, cujil baqui mic majlel. Jatetla mach la' wujilic baqui ch'oyolon, mi baqui mic majlel.

Juan 8:14 Iomraidhean Croise

Numeros 12:3

Uts i pusic'al Moisés ñumen bajche' pejtelel wiñicob ti pañimil.

Juan 10:15

Che' bajche' c Tat mi' cʌñon, joñon ja'el mij cʌn c Tat, mi cʌc' c bʌ ti chʌmel cha'añ jiñi tʌñʌme'.

Juan 10:36

Mi tsi' yajcayon Dios cha'añ mi chocon tilel ti' pañimil ¿Chucoch, che' jiñi, mi la' wʌl tsa' c cha'le p'ajoñel cha'añ tsa' c su'beyetla i Yalobilon Dios?

Juan 13:3

Yujil Jesús cha'añ añix ti' wenta pejtelel chuqui tac añ, come i Tat tsi' yʌq'ue ti' wenta, yujil ja'el tsa' tili ti Dios, yujil ya' mi' cha' majlel ba'añ Dios.

Juan 14:10

¿Mach ba añic ma' ñop añon tic Tat, jiñi c Tat añ ti joñon? Jiñi t'añ mu' bʌ c su'beñetla, ma'añic mic su'b tic bajñelil; jiñʌch c Tat mu' bʌ i yajñel ti joñon woli' mel jiñi e'tel quic'ot.

Juan 16:28

Tsa' loq'uiyon tilel ba'añ c Tat, tsa' tiliyon ti pañimil; wʌle mic cha' cʌy pañimil, come mi caj c cha' majlel ba'añ c Tat.

Juan 17:8

Come jiñi t'añ tsa' bʌ a wʌq'ueyon, tsa'ix cʌq'ueyob, tsi' ñopoyob, yujilobix ti' isujm tsa' loq'uiyon tilel ba' añet, tsi' ñopoyob chocbilon tilel a cha'añ.

Juan 18:37

Jiñi cha'añ Pilato tsi' c'ajtibe: —¿Reyet ba che' jiñi? Jesús tsi' jac'ʌ: —Jatet woli a wʌl cha'añ joñoñʌch jiñi Rey. Jiñʌch cha'añ tsa' quila pañimil. Jiñi cha'añ tsa' tiliyon ti pañimil cha'añ mi cʌc' ti cʌjñel isujmlel Dios. Pejtelel majqui mi' ñop isujmlel mi' yu'bin c t'añ.

Juan 5:31

Mi tsa' c bajñel su'bu c bʌ, mach isujmic c t'añ.

Juan 8:42

Jiñi cha'añ Jesús tsi' su'beyob: —Che' la' Tatic jiñi Dios, che' jiñi mi' la' c'uxbiñon, come ch'oyolon ti Dios i wʌ'añon la' wic'ot, ma'añic tsa' tiliyon tic bajñel pusic'al, Dios tsi' chocoyon tilel.

2 Corintios 11:31

Yujil Dios ma'añic woliyon ti lot. Jiñi Dios i Tatʌch lac Yum Jesucristo, mu' bʌ i sujbel ti uts'at ti pejtelel ora.

2 Corintios 12:11

Tsa' c su'bu c ñuclel che' bajche' tonto bʌ, jatetla tsa' la' ñijcayon c su'b, mach che'ic yom, yom mi la' su'b c ñuclel jatetla, anquese ma'añic c bajñel ñuclel, come mach ñucobic bajche'on jiñi mu' bʌ i lon cuyob i bʌ ti ñuc bʌ apóstolob.

2 Corintios 12:19

¿Mu' ba la' lon al wolic su'b lojon c bʌ ti toj cha'añ jach mi la' q'uelon ti uts'at? Mic cha'len lojon t'añ ti Cristo ti' tojlel Dios. C'uxbibilet bʌ la, tsa'ix c su'bu lojon ti pejtelel cha'añ mic xuc'chocoñetla.

Apocalipsis 1:5

yic'ot ja'el Jesucristo, jiñi xuc'ul bʌ Testigo mu' bʌ i yʌc' ti cʌjñel isujmlel, jiñʌch tsa' bʌ ñaxan tejchi loq'uel ba'añ chʌmeño' bʌ; i yumʌch jiñi reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.

Apocalipsis 3:14

Ts'ijbuben jiñi xcʌntaya i cha'añ xñopt'añob mu' bʌ i tempañob i bʌ ya' ti Laodicea: “Awilan; jiñi lac Yum, jiñi xuc'ul bʌ Testigo, jiñi ñaxan bʌ mu' bʌ i cha'len yumʌl ti' tojlel pejtel i melbal Dios, jiñʌch mu' bʌ i yʌl ili t'añ: