Juan 6:9 - Jiñi Tsiji' bʌ Wen T'añ cha'añ Estudio

⁹ —Wʌ'an juntiquil ch'itoñ am bʌ i cha'añ jo'q'uejl waj melbil bʌ ti cebada yic'ot cha'cojt chʌy, ¿jasʌl ba che' ca'bʌlonla?

Chol de Tumbalá Bible

⁹ Wʌ'an juntiquil ch'iton am bʌ i cha'an jo'q'uejl waj melbil bʌ ti cebada yic'ot cha'cojt chʌy. ¿Jasʌl ba che' cabʌlonla? che'en.

Chol Tila

⁹ Umba'an juntiquil alob am bʌ joq'uej i waj melel bʌ ti cebada. An cha'cojt i chʌy je'el. ¿Pero chʌ bʌ yes i c'ʌjnibal jini che' ñoj cabʌl quixtyañu? Che' ti yʌlʌ Andrés.

Chol: I T’an Dios

⁹ Wʌ'an juntiquil ch'iton am bʌ i cha'an jo'q'uejl waj melbil bʌ ti cebada yic'ot cha'cojt chʌy. ¿Jasʌl ba che' cabʌlonla? che'en.

Juan 6:9 Iomraidhean Croise

Mateo 14:17

Tsi' jac'beyob: —Cojach añ jo'q'uejl waj yic'ot cha'cojt chʌy.

Mateo 16:9

¿Maxto añic woli la' ch'ʌmben isujm, mi c'ajalic to la' cha'añ jiñi jo'q'uejl caxlan waj tsa' bʌ i c'uxuyob jo'p'ejl mil wiñicob, jayp'ejl chiquib tsa' la' loto i colojbal?

Marcos 6:38

Jesús tsi' c'ajtibeyob: —¿Jayq'uejl waj añ la' cha'añ? Cucula, q'uelela. Che' yujilobix, tsi' su'beyob: —Jo'q'uejl yic'ot cha'cojt chʌy.

Marcos 8:19

Che' bʌ tsa' c xet'e jiñi jo'q'uejl waj cha'añ jo'p'ejl mil, ¿jayp'ejl chiquib but'ul ti colojbal tsa' la' loto? Tsi' su'beyob: —Lajchʌmp'ejl.

Lucas 9:13

Jesús tsi' su'beyob: —Aq'uenla jatetla chuqui tac mi' c'uxob. Tsi' su'beyob: —Cojach añ c cha'añ lojon jo'q'uejl waj yic'ot cha'cojt chʌy pero mach jastiyic, cojach mi mux majlel c mʌn lojon i bʌl ñʌc'ʌl cha'añ pejtelel ili bajc'ʌl wiñicob x'ixicob.

Juan 11:21

Jiñi Marta tsi' su'be Jesús: —C Yum, che' wʌ'ic añet ma'añic tsa' chʌmi cʌscun.

Juan 11:32

Che' bʌ tsa' c'oti María ba'añ Jesús, che' bʌ tsi' q'uele, tsi' ñocchoco i bʌ ti' tojel, tsi' su'be: —C Yum, che' wʌ'ic jax añet ma'añic tsa' chʌmi cʌscun.

Juan 21:10

Jesús tsi' su'beyob: —Ch'ʌmʌla tilel lamital jiñi chʌy tsa' bʌ ujti la' chuc.

Juan 21:13

Tsa' tili Jesús, tsi' ch'ʌmʌ waj tsi' yʌq'ueyob, che' ja'el jiñi chʌy.

Juan 21:9

Che' bʌ tsa' c'otiyob ti ti' mar, tsi' q'ueleyob xic'bilix c'ajc, ya' c'ʌcʌl chʌy yic'ot waj.

Juan 6:11

Jesús tsi' ch'ʌmʌ jiñi waj, che' bʌ tsi' su'be wocolix i yʌlʌ Dios, tsi' yʌq'ueyob xcʌnt'añob; jiñi xcʌnt'añob tsi' pucbeyob jiñi buchulo' bʌ, che' ja'el jiñi chʌy tsi' c'uxuyob bajche' c'amel yomob.

Juan 6:7

Felipe tsi' jac'be: —Mach jasʌlic lujunc'al denario cha'añ mi' lac mʌn waj cha'añ mi' ts'ita' c'uxob ti jujuntiquil.

2 Corintios 8:9

Come cʌñʌlix la' cha'añ i yutslel i pusic'al lac Yum Jesucristo, jiñi wen chumul bʌ tsa' ochi ti p'ump'un come c'ux tsi' yu'biyetla, jiñi cha'añ tsa' ochi ti p'ump'un cha'añ wen chumul mi la' wajñel.

Deuteronomio 32:14

tsi' yʌq'ueyob mantequilla loq'uem bʌ ti' ya'lel i chu' wacax yic'ot tsi' yʌq'ueyob i jap i ya'lel i chu' tʌñʌme'; yic'ot tsi' yʌq'ueyob i lewil tʌñʌme' yic'ot tat tʌñʌme' tac am bʌ ti Basán yic'ot tat chivo tac; yic'ot tsi' yʌq'ueyob wen uts'at bʌ trigo, yic'ot tsi' japʌyob wen bʌ i ya'lel ts'usub.

Deuteronomio 8:8

jiñʌch lum mu' bʌ i yʌc' ti colel trigo yic'ot cebada, yic'ot ts'usub, yic'ot higuera yic'ot te' lajal bʌ i wut che' bajche' alaxax; jiñʌch lum ba' mi' yʌc' i wut olivo te', yic'ot olivo aceite yic'ot cha'b;

Apocalipsis 6:6

Tsa' cu'bi t'añ loq'uem bʌ ti' yojlil jiñi chʌntiquil querubiñob. Tsi' yʌlʌ: Jump'ejl kilo trigo jiñʌch i tojol jump'ejl q'uiñ e'tel. Uxp'ejl kilo cebada, jiñʌch i tojol jump'ejl q'uiñ e'tel, pero mach ma' letsʌben i tojol jiñi ts'usubil mi olivojil.