Juan 6:70 - Jiñi Tsiji' bʌ Wen T'añ cha'añ Estudio

⁷⁰ Jesús tsi' jac'be: —¿Mach ba tsa'ic j yajcayetla jatetla jiñi lajchʌntiquil, pero juntiquil i cha'añʌch xi'ba?

Chol de Tumbalá Bible

⁷⁰ Jesús tsi' jac'be: ¿Mach ba tsa'ic c yajcayetla? Lajchʌntiquiletla. Juntiquil i cha'añʌch xiba, che'en.

Chol Tila

⁷⁰ Jesús ti' jac'ʌ: ¿Mach'a doce tic yajcʌyetla? Pero juntiquil i cha'an xiba. Che' ti yʌlʌ Jesús.

Chol: I T’an Dios

⁷⁰ Jesús tsi' jac'be: ¿Mach ba tsa'ic c yajcayetla? Lajchʌntiquiletla. Juntiquil i cha'añʌch xiba, che'en.

Juan 6:70 Iomraidhean Croise

Juan 13:27

Che' bʌ tsi' ch'ʌmʌ Judas jiñi ts'ajbil bʌ waj, tsa' ochi Satanás ti' pusic'al, jiñi cha'añ Jesús tsi' su'be: —Jiñi mu' bʌ caj a mel, mele ti ora.

Juan 13:2

Che' woli i c'uxob waj ti' ac'ʌlel, jiñi xi'ba tsi' ñijcʌbe i pusic'al Judas Iscariote, i yalobil bʌ Simón, cha'añ mi' yʌc' Jesús ti' c'ʌb i contra.

Juan 17:12

Che' wʌ' to añon quic'otob ti pañimil, tsa' j cʌntayob ti a c'aba'; jiñi tsa' bʌ a wʌq'ueyon, tsa' cʌntayob, ma'añic tsa' sajti mi juntiquilic, cojach jiñi mu' bʌ i majlel ti tojmulil cha'añ mi' ts'ʌctiyel i Ts'ijbujel Dios.

Juan 13:18

Ma'añic wolic pejcañetla ti la' pejtelel. Cujil majqui tsa' c yajca cha'añ mi' ts'ʌctiyel i Ts'ijbujel Dios mu' bʌ i yʌl: “Jiñi tsa' bʌ i c'uxu waj quic'ot tsi' contrajiyon.”

Juan 6:64

Pero añ lamitaletla ma'añic mi la' ñop. Come yujil Jesús c'ʌlʌl ti' cajibal majquiyob jiñi mach bʌ añic mi' ñopob yic'ot majqui jiñi mu' bʌ caj i yʌc' ti' c'ʌb i contra.

1 Juan 3:8

Jiñi mu' bʌ i cha'len mulil i cha'añʌch xi'ba, come jiñi xi'ba woli' chʌn cha'len mulil c'ʌlʌl ti' cajibal. Jiñi cha'añ tsa' tsictiyi i Yalobil Dios cha'añ mi' jisʌben i ye'tel xi'ba.

1 Timoteo 3:11

Che' ja'el i yijñamob, yom mi' yajñelob ti toj, mach yomic mi' cha'leñob jop't'añ, yom mi' wen ña'tañob pañimil, yom xuc'ulob ti pejtelel i melbal.

Hechos 1:17

Come jiñi Judas tsa' tsijqui quic'ot lojon, tsa' aq'uenti i ye'tel ja'el.

Juan 15:19

Che' i cha'añeticla pañimil mi' c'uxbiñetla, che' bajche' mi c'uxbiñob i bʌ, pero come mach i cha'añeticla pañimil. Joñon ñaxan tsa' c yajcayetla ti' pañimil, jiñi cha'añ ts'a' mi' q'ueletla jiñi i cha'año' bʌ pañimil.

Juan 15:16

Mach jateticla tsa' la yajcayon, joñon tsa' c yajcayetla, tsa' cʌq'ueyetla la' we'tel cha'añ mi la' majlel la' wʌc' la' wut mu' bʌ caj i jalijel, cha'añ che' jiñi, pejtelel chuqui mi la' c'ajtiben c Tat tij c'aba', mi caj i yʌq'ueñetla.

Juan 13:21

Che' bʌ tsa' ujti i su'b Jesús jiñi t'añ, wen ch'ijiyem tsa' caji i yu'bin ti' pusic'al, tsi' yʌlʌ: —Isujm, isujm mic su'beñetla, juntiquil wʌ' bʌ añ la' wic'ot mi caj i yʌc'on ti' c'ʌb j contra.

Juan 8:44

Jatetla la' tatʌch xi'ba, la' wom la' mel chuqui yom la' tat. Jiñi xi'ba xtsʌnsajʌch c'ʌlʌl ti' cajibal, ma'añic mi' yajñel ti' isujmlel Dios, come ma'añic chuqui isujm ti' pusic'al xi'ba. Che' mi' cha'len lot i tilelʌch come xlotʌch, ya' ch'oyol ti xi'ba pejtelel lot.

Tito 2:3

Che' ja'el su'beñob jiñi ñoxix bʌ x'ixicob cha'añ uts'at mi' yajñelob yic'ot i pi'ʌlob; mach yomic mi' cha'leñob jop't'añ, mach yomic mi' mulañob lembal, yom mi' pʌs wen bʌ i melbal;

Hechos 13:10

tsi' su'be: —¡I yalobilet xi'ba, but'ulet ti ca'bʌl lot yic'ot ca'bʌl jontolil, i contrajet pejtelel chuqui tac toj! ¿Chucoch ma'añic ma' cʌy a xoyben jiñi toj bʌ i bijlel lac Yum?

Juan 2:2

Tsa' pʌjyi Jesús ja'el temel yic'ot xcʌnt'añob i cha'añ ba' woli' melob q'uiñijel.

Juan 6:67

Jiñi cha'añ Jesús tsi' su'beyob jiñi lajchʌntiquil: —¿La' wom ba majlel ja'el?

Juan 6:71

Jesús tsi' taja ti t'añ Judas Iscariote, i yalobil Simón, come jiñʌch Judas tsa' bʌ i yʌc'ʌ Jesús ti' c'ʌb i contra. Jiñi Judas i pi'ʌlʌch jiñi junlujuntiquil. “Jiñi waj cha'añ bʌ laj cuxtʌlel” 6.35, 48, 51 “I sʌclel pañimil” 8.12 “I ti' otot” 10.7, 9 “Jiñi wen bʌ xcʌnta tʌñʌme'” 10.11, 14-15 “Jiñi mu' bʌ i yʌq'ueñ i cuxtʌlel chʌmeñ bʌ” 11.25 “I bijlel, isujmlel bʌ yic'ot i cuxtʌlel” 14.6 “Jiñi isujmlel bʌ ac'” 15.1, 5

Juan 20:24

Che' bʌ tsa' tili Jesús ba'añ xcʌnt'añob i cha'añ, mach ya'ic añ juntiquil i pi'ʌlob i c'aba' Tomás mu' bʌ i pejcʌntel ti xloj.