Juan 4:34 - Jiñi Tsiji' bʌ Wen T'añ cha'añ Estudio

³⁴ Jesús tsi' su'beyob: —Jiñi c waj jiñʌch che' mic mel chuqui yom c Tat tsa' bʌ i chocoyon tilel, yic'ot che' ts'ʌcʌl mic melben i ye'tel.

Chol de Tumbalá Bible

³⁴ Jesús tsi' subeyob: Jiñʌch c we'el che' mic mel chuqui yom c Tat tsa' bʌ i chocoyon tilel. Jiñʌch c we'el che' ts'ʌcʌl mic melben i ye'tel.

Chol Tila

³⁴ Pero Jesús ti' subeyob: Che' bajche' cuch'el che' mic cha'len chʌ bʌ yom jini tsa' bʌ i chocoyon tyʌlel yic'ot che' mic jolontisan i toñel, che'en.

Chol: I T’an Dios

³⁴ Jesús tsi' subeyob: Jiñʌch c we'el che' mic mel chuqui yom c Tat tsa' bʌ i chocoyon tilel. Jiñʌch c we'el che' ts'ʌcʌl mic melben i ye'tel.

Juan 4:34 Iomraidhean Croise

Mateo 26:39

Tsa' to i ts'ita' xʌñʌ majlel, tsi' pʌcchoco i bʌ, tsi' cha'le oración, tsi' yʌlʌ: C Tat mi che'ʌch a wom, tʌts'beñon ili vaso i yejtal bʌ wocol; pero mach a mel che' bajche' com, mele che' bajche' yom a pusic'al.

Mateo 3:15

Jesús tsi' su'be Juan: —La' aq'uenticon ch'ʌmja' wʌle. Come che'ʌch yom mi lac mel cha'añ mi lac ts'ʌctesan pejtelel chuqui toj. Juan tsi' jac'ʌ i yʌq'ueñ ch'ʌmja' che' bajche' tsi' c'ajti.

Mateo 9:19

Jesús tsa' wa'le, tsi' tsajca majlel temel yic'ot jiñi xcʌnt'añob i cha'añ.

Lucas 15:10

Che' ja'el mic su'beñetla, tijicñayob i yÁngel Dios cha'añ juntiquil xmulil mu' bʌ i cʌy i mul.

Lucas 19:10

Come i Yalobil Wiñic tsa' tili i sʌclan jiñi sajtem bʌ, tsa' tili i coltañ.

Lucas 2:49

Jesús tsi' su'beyob: —¿Chucoch tsa' la' sʌclayon? ¿Mach ba la' wujilic yom mic melben i ye'tel c Tat?

Juan 17:4

Tsa' c pʌsʌ a ñuclel ti pañimil; tsa'ix c ts'ʌctesa jiñi e'tel tsa' bʌ a wʌq'ueyon cha'añ mic mel.

Juan 19:28

Yujilix Jesús ts'ʌctiyemix ti' pejtelel, tsi' yʌlʌ cha'añ mi' ts'ʌctiyel i Ts'ijbujel Dios: —Tiquiñix c ti'.

Juan 19:30

Che' bʌ Jesús tsi' leme jiñi vinagre, tsi' yʌlʌ: —Tsa'ix ts'ʌctiyi. Tsi' ju'sa i jol, tsi' yʌc'ʌ majlel i ch'ujlel.

Juan 4:32

Jesús tsi' su'beyob: —Añ junchajp c waj yom bʌ mi c'ux mach bʌ la wujilic.

Juan 5:30

Tic bajñelil ma'añic chuqui mi mejlel c mel; che' bajche' mi cu'bin che'ʌch mic cha'len meloñel, tojʌch c meloñel, come ma'añic mic mel chuqui com tic bajñelil, mic mel chuqui yom c Tat tsa' bʌ i chocoyon tilel.

Juan 5:36

Pero añ c cha'añ ñumen ñuc bʌ mu' bʌ i yʌc'on ti cʌjñel che' bajche' Juan; jiñʌch que'tel tsa' bʌ i yʌq'ueyon c Tat cha'añ mic mel ti ts'ʌcʌl. Jiñi c melbal, mi' yʌc'on ti cʌjñel cha'añ mi la' ña'tan tsi' chocoyon tilel c Tat.

Juan 6:33

Come jiñi waj ch'oyol bʌ ti Dios, jiñʌch tsa' bʌ ju'bi tilel ti panchan mu' bʌ i yʌq'ueñob i cuxtʌlel jiñi año' bʌ ti pañimil.

Juan 6:38

Come tsa' ju'biyon tilel ti panchan, mach cha'añic mic mel chuqui yom c bajñel pusic'al, cha'añʌch mic mel chuqui yom c Tat tsa' bʌ i chocoyon tilel

Juan 8:29

Come jiñi tsa' bʌ i chocoyon tilel añ quic'ot. Ma'añic tsi' cʌyʌyon c Tat tic bajñelil come ti pejtelel ora mic mel chuqui tac mi' mulan.

Hechos 20:35

Ti' pejtelel tsa' bʌ c pʌsbeyetla, cha'añ che' mi lac cha'len e'tel che' bajche' iliyi, mi' mejlel laj coltañ jiñi mach bʌ jasʌlobic i chu'bʌañ. Yom mi la' ña'tan i t'añ lac Yum Jesús tsa' bʌ i yʌlʌ: “Ñumen tijicña jiñi mu' bʌ yʌc' majtañʌl che' bajche' jiñi mu' bʌ i ch'ʌm i majtañ.”

Hebreos 12:2

Toj jach yom mi lac tsajcan majlel Jesús jiñi mu' bʌ i yʌq'ueñonla lac ñop, come ya'ʌch ch'oyol lac xuc'tʌlel jiñʌch mu' bʌ i ts'ʌctesʌbeñonla chuqui mi lac ñop, Jesús tsi' ch'ʌmʌ i cruz ma'añic tsi' ch'ʌmʌ ti ñuc mi quisintic jax, che' bʌ tsa' chʌmi ti cruz come yujil che' ñumeñix jiñi wocol mi caj i taj jiñi tijicña bʌ woli bʌ i pijtan; jiñi cha'añ wʌle buchul ti' ñoj Dios ya' ti' yumʌntel.