Juan 3:36 - Jiñi Tsiji' bʌ Wen T'añ cha'añ Estudio

³⁶ Jiñi mu' bʌ i ñop i Yalobil Dios, añ i cha'añ i cuxtʌlel mach bʌ añic mi' jilel; jiñi mach bʌ añic mi' ñop i Yalobil Dios mach mejlic i yʌq'uentel i cuxtʌlel, mi' yajñel ti' mich'lel Dios.

Chol de Tumbalá Bible

³⁶ Jini mu' bʌ i ñop i Yalobil Dios, an i cha'an i cuxtʌlel mach bʌ anic mi' jilel. Jini mach bʌ anic mi' ñop i Yalobil Dios mach mejlic i yʌq'uentel i cuxtʌlel. Mi' yajñel ti' mich'lel Dios.

Chol Tila

³⁶ Jini mu' bʌ i ch'ujbin cha'an Ajcotyaya i cha'an i Yalobil Dios, anix i cha'an i cuxtyʌlel mach'ʌ yujil jilel. Jini mach bʌ ba'an mi' ch'ujbin i Yalobil Dios, mach ch'ujbi i yʌq'uentyel i cuxtyʌlel. Mi yajñel ti' mich'lel Dios.

Chol: I T’an Dios

³⁶ Jini mu' bʌ i ñop i Yalobil Dios, an i cha'an i cuxtʌlel mach bʌ anic mi' jilel. Jini mach bʌ anic mi' ñop i Yalobil Dios mach mejlic i yʌq'uentel i cuxtʌlel. Mi' yajñel ti' mich'lel Dios.

Juan 3:36 Iomraidhean Croise

Numeros 32:11

“Jiñi wiñicob tsa' bʌ loq'uiyob ti Egipto año' bʌ jujunc'al i ja'bilel c'ʌlʌl ti' ñoxlel, ma'añic mi caj i q'uelob jiñi lum tsa' bʌ c wʌn su'beyob ti xuc'ul bʌ c t'añ jiñi Abraham, Isaac, yic'ot Jacob, come mach xuc'ulobic i pusic'al tic tojlel,

Mateo 25:46

Jiñi cha'añ ili jontolo' bʌ mi caj i majlelob ti tojmulil mach bʌ añic mi' jilel, jiñi tojo' bʌ mi caj i tajob i cuxtʌlel mach bʌ añic mi' jilel.

Marcos 16:16

Jiñi mu' bʌ i ñop mu' bʌ i ch'ʌmja' mi caj i coltʌntel. Jiñi mach bʌ añic mi' ñop mi caj i yʌjq'uel ti tojmulil.

Lucas 2:30

Come wʌle tsa'ix j q'uele tic wut jiñi Xcoltaya

Lucas 3:6

Pejtelel wiñicob x'ixicob mi caj i q'uelob jiñi Xcoltaya woli bʌ i choc tilel Dios.”

Juan 1:12

Pejtelel tsa' bʌ i ch'ʌmʌyob ti' wenta, tsa' bʌ i ñopbeyob i c'aba', tsa' aq'uentiyob i p'ʌtʌlel cha'añ mi' yochelob ti' yalobilob Dios.

Juan 10:28

Mi cʌq'ueñob i cuxtʌlel mach bʌ añic mi' jilel, ma'añic mi caj i jilelob ti pejtelel ora, ma'añic majch mi caj i chilbeñon tij c'ʌb.

Juan 3:3

Jesús tsi' jac'be Nicodemo: —Isujm, isujm mic su'beñet, jiñi mach bʌ añic mi' cha' ilan pañimil, mach mejlic i q'uel i yumʌntel Dios.

Juan 4:36

Jiñi mu' bʌ i cha'len c'ajbal mi' taj i tojol yic'ot mi' tempan i chobejtʌbal cha'añ i cuxtʌlel mach bʌ añic mi' jilel. Cha'añ junlajal tijicña mi' yu'bin jiñi mu' bʌ i cha'len pac' yic'ot jiñi mu' bʌ i cha'len c'ajbal.

Juan 5:24

Isujm, isujm mic su'beñetla: Jiñi mu' bʌ i yu'bin c t'añ, mu' bʌ i ñop jiñi tsa' bʌ i chocoyon tilel, añix i cuxtʌlel mach bʌ añic mi' jilel, ma'añic mi yʌjq'uel ti tojmulil, tsa'ix i mʌlbe chʌmel, aq'uebilix i cuxtʌlel.

Juan 6:58

Jiñʌch jiñi Waj tsa' bʌ ju'bi tilel ti panchan, mach che'ic bajche' jiñi maná tsa' bʌ i c'uxuyob la' ñojte'el anquese tsi' c'uxuyob tsa' chʌmiyob, jiñi mu' bʌ i c'uxob jiñi Waj mu' bʌ cʌq'ueñob, chʌn cuxul mi' yajñelob ti pejtelel ora.

Juan 8:51

Isujm, isujm mic su'beñetla, jiñi mu' bʌ i jac'beñon c t'añ, ma'añic mi' caj i chʌmel ti pejtelel ora.

Hechos 14:2

Pero jiñi judíojob mach bʌ añic tsi' ñopoyob, tsi' ñijcayob ti mich'ajel jiñi gentilob ti' contra jiñi hermañujob.

Romanos 4:15

Come i ñusʌntel jiñi mandar mi' techben i mich'ajel Dios, pero che' ma'añic mandar ma'añic chuqui mi' ñusʌntel.

Romanos 5:9

Jiñi cha'añ wʌle mi laj q'uejlel ti toj cha'añ jach i ch'ich'el Cristo; jiñi cha'añ mi caj laj coltʌntel ti Cristo che' mi' tsictiyel i mich'ajel Dios.

Romanos 8:1

Jiñi cha'añ ma'añix tojmulil ti tojlelob jiñi año' bʌ ti Cristo Jesús, [jiñi mach bʌ añix mi' chʌn jac'beñob i tsuculel i pusic'al, pero mi' jac'beñob jiñi Espíritu,]

Gálatas 3:10

Come pejtelel jiñi mu' bʌ i ñop i coltañob i bʌ ti' jac'ol jiñi mandar mi caj i chojquelob ti Dios. Come ts'ijbubil: “Mux i chojquelob ti Dios pejtelel jiñi mach bʌ añic mi' melob ti ts'ʌcʌl chuqui tac ts'ijbubil ti' juñilel jiñi mandar.”

Efesios 5:6

Ma'añic majqui yom mi' lotiñetla yic'ot lolom jach bʌ t'añ, come jiñi cha'añ tal i mich'ajel Dios ti' contra xñusa mandarob.

1 Tesalonicenses 1:10

yic'ot cha'añ mi la' pijtan i Yalobil Dios mu' bʌ caj i tilel ti panchan, jiñʌch Jesús tsa' bʌ tejchi ch'ojyel ba'añ chʌmeño' bʌ, mu' bʌ i coltañonla cha'añ ma'añic mi' tajonla i mich'ajel Dios mu' bʌ caj i tilel.

1 Tesalonicenses 5:9

come Dios ma'añic tsi' yajcayonla cha'añ mi' yotsañonla ti' mich'ajel, pero tsi' yajcayonla cha'añ mi' yʌq'ueñonla laj coltʌntel ti lac Yum Jesucristo,

Hebreos 10:29

¿Mach ba ñumeñic mi caj i toj i mul jiñi mu' bʌ i ts'a'len i Yalobil Dios, jiñi mu' bʌ ñusan jiñi xuc'ul bʌ t'añ yic'ot i ch'ich'el mu' bʌ i sʌc-esañonla, yic'ot jiñi woli' bʌ i ts'a'len jiñi Espíritu woli bʌ i pʌyonla ti' yutslel i pusic'al?

Hebreos 2:3

¿Bajche' mi mejlel lac puts'el joñonla mi woli lac ñusan jiñi ñuc bʌ laj coltʌntel? Lac Yum tsi' teche i su'b laj coltʌntel, jiñi tsa' bʌ i yu'bibeyob i t'añ, tsa'ix i cha' su'beyonla ja'el cha'añ isujmʌch,

Hebreos 3:18

¿Majquiyob jiñi tsa' bʌ su'bentiyob cha'añ ma'añic mi caj i tajob c'aj-o? ¿Mach ba jiñobic tsa' bʌ i ñusʌbeyob i t'añ?

Hebreos 3:19

Tsiquil che' jiñi, ma'añic tsa' mejliyob ti ochel, come ma'añic tsi' ñopoyob.

Apocalipsis 21:8

Pero jiñi muc'o' bʌ ti bʌq'uen, yic'ot jiñi mach bʌ añic mi' ñopob, yic'ot jiñi bi'bi'o' bʌ, yic'ot xtsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre, jiñʌch i cha'yajlel mi' chʌmelob.”