Juan 3:17 - Jiñi Tsiji' bʌ Wen T'añ cha'añ Estudio

¹⁷ Come Dios ma'añic tsi' choco tilel i Yalobil ti pañimil cha'añ mi' yotsan ti tojmulil wiñicob x'ixicob. Tsi' choco tilel cha'añ mi' taj i coltʌntel ti' Yalobil.

Chol de Tumbalá Bible

¹⁷ Come Dios ma'anic tsi' choco tilel i Yalobil ti pañimil cha'an mi' yotsan ti tojmulil. Tsi' choco tilel cha'an mi' taj i coltʌntel ti' Yalobil.

Chol Tila

¹⁷ Como Dios mach'an ti' choco tyʌlel i Yalobil ti mulawil cha'an mi yotsan ti xot'mulil año' bʌ ti mulawil. Ti' choco tyʌlel cha'an mi' tyajob i cotyʌntyel ti Yalobil Dios jini año' bʌ ti mulawil.

Chol: I T’an Dios

¹⁷ Come Dios ma'anic tsi' choco tilel i Yalobil ti pañimil cha'an mi' yotsan ti tojmulil. Tsi' choco tilel cha'an mi' taj i coltʌntel ti' Yalobil.

Juan 3:17 Iomraidhean Croise

Mateo 1:23

“Juntiquil tsiji' bʌ xch'oc mi caj i cʌntan alʌl, mi caj i yʌc' ti pañimil ch'itoñ bʌ i yalobil. Mi caj i yotsʌbentel i c'aba' Emanuel.” (Añ isujmlel Emanuel ti lac t'añ: “Jiñʌch Dios la quic'ot”).

Mateo 18:10

Chʌcʌ q'uele la' bʌ cha'añ ma'añic mi la' q'uel ti lolom mi juntiquilic ch'och'oc bʌ, come mic su'beñetla, ya' ti panchan i yÁngel jiñi ch'och'oco' bʌ ti pejtelel ora mi' q'uelbeñob i wut c Tat am bʌ ti panchan.

Mateo 18:11

[Come i Yalobil Wiñic tsa' tili cha'añ mi' coltañ jiñi sajtemo' bʌ.]

Lucas 19:10

Come i Yalobil Wiñic tsa' tili i sʌclan jiñi sajtem bʌ, tsa' tili i coltañ.

Lucas 9:56

come i Yalobil Wiñic ma'añic tsa' tili cha'añ mi' jisan wiñicob x'ixicob, pero tsa' tili cha'añ mi' coltañob.] Ti wi'il tsa' majliyob ti yam bʌ xchumtʌl.

Juan 1:29

Ti yijc'ʌlal Juan tsi' q'uele woli i tilel Jesús ba'añ, Tsi' yʌlʌ: Q'uelela, jiñʌch i Tʌñʌme' Dios mu' bʌ i ch'ʌm majlel i mul pejtelel pañimil.

Juan 10:36

Mi tsi' yajcayon Dios cha'añ mi chocon tilel ti' pañimil ¿Chucoch, che' jiñi, mi la' wʌl tsa' c cha'le p'ajoñel cha'añ tsa' c su'beyetla i Yalobilon Dios?

Juan 11:42

Cujil ma' chʌn u'bibeñon c t'añ, tsa' cʌlʌ jiñi t'añ cha'añ mi' yu'biñob jiñi año' bʌ tic joytʌlel, cha'añ mi' ñopob, jatet tsa' chocoyon tilel.

Juan 17:18

Che' bajche' tsa' chocoyon tilel ti pañimil, che' ja'el tsa' c chocoyob majlel ti pejtelel pañimil.

Juan 17:21

cha'añ mi' yajñelob ti jump'ejl jach i pusic'al, che' bajche' añet ti joñon c Tat, che' ja'el añon ti jatet, la' ajñicob ja'el ti joñonla ti' junmojt cha'añ mi' ñopob jiñi año' bʌ ti pañimil cha'añ jatet tsa' chocoyon tilel.

Juan 17:23

Añon ti' tojlelob, añet ti joñon, aq'ueñob i taj ts'ʌcʌl bʌ i junmojtlel, cha'añ che' jiñi, jiñi año' bʌ ti pañimil mi caj i ña'tañob jatet tsa' chocoyon tilel, mi caj i ña'tañob c'ux tsa' wu'biyob, che' bajche' c'ux tsa' wu'biyon.

Juan 17:25

Toj bʌ c Tat, jiñi año' bʌ ti pañimil ma'añic tsi' cʌñʌyetob, joñon tsa' j cʌñʌyet, che' ja'el ili wiñicob x'ixicob yujilob cha'añ jatet tsa' chocoyon tilel.

Juan 17:3

Jiñʌch i cuxtʌlel mach bʌ añic mi' jilel che' mi' cʌñetob, jiñi cojach bʌ isujm bʌ Dios, yic'ot Jesucristo tsa' bʌ a choco tilel.

Juan 17:8

Come jiñi t'añ tsa' bʌ a wʌq'ueyon, tsa'ix cʌq'ueyob, tsi' ñopoyob, yujilobix ti' isujm tsa' loq'uiyon tilel ba' añet, tsi' ñopoyob chocbilon tilel a cha'añ.

Juan 20:21

Jiñi cha'añ Jesús tsi' cha' su'beyob: —La' ñʌch'lec la' pusic'al, che' bajche' tsi' chocoyon tilel c Tat, che' ja'el mic choquetla majlel.

Juan 3:34

Come jiñi tsa' bʌ chojqui tilel cha'añ Dios, mi' su'b i t'añ Dios, come ma'añic i p'isol bajche' mi' yʌc' Dios i yEspíritu.

Juan 5:36

Pero añ c cha'añ ñumen ñuc bʌ mu' bʌ i yʌc'on ti cʌjñel che' bajche' Juan; jiñʌch que'tel tsa' bʌ i yʌq'ueyon c Tat cha'añ mic mel ti ts'ʌcʌl. Jiñi c melbal, mi' yʌc'on ti cʌjñel cha'añ mi la' ña'tan tsi' chocoyon tilel c Tat.

Juan 5:38

Ma'añic mi yajñel i t'añ ti la' pusic'al, come ma'añic mi la' ñop jiñi tsa' bʌ i choco tilel.

Juan 5:45

Mach mi la' ña'tan cha'añ joñon mi caj c su'b la' mul ti' tojlel c Tat; añʌch mu' bʌ caj i su'b la' mul, jiñʌch Moisés jiñi mu' bʌ la' ñop.

Juan 6:29

Jesús tsi' jac'beyob: —Jiñʌch i ye'tel Dios, che' mi la' ñop i Yalobil tsa' bʌ i choco tilel.

Juan 6:38

Come tsa' ju'biyon tilel ti panchan, mach cha'añic mic mel chuqui yom c bajñel pusic'al, cha'añʌch mic mel chuqui yom c Tat tsa' bʌ i chocoyon tilel

Juan 6:40

Come jiñi yom bʌ c Tat tsa' bʌ i chocoyon tilel jiñʌch cha'añ pejtelel mu' bʌ i q'uel i Yalobil Dios, yic'ot mu' bʌ i ñopob mi' tajob i cuxtʌlel mach bʌ añic mi' jilel; joñon mi caj c techob ch'ojyel ti jiñi cojix bʌ q'uiñ.

Juan 6:57

Che' bajche' cuxul c Tat tsa' bʌ i chocoyon tilel, che' bajche' añ j cuxtʌlel tic Tat, che' ja'el jiñi mu' bʌ i c'ux c bʌc'tal mi caj i taj i cuxtʌlel ti joñon.

Juan 7:29

Pero joñon mij cʌn come ya' ch'oyolon ya' ba'añ, jiñi tsi' chocoyon tilel.

Juan 8:11

Jiñi x'ixic tsi' jac'ʌ: —C Yum, ma'añic mi juntiquilic. Jiñi cha'añ Jesús tsi' su'be: —Joñon ja'el ma'añic mic julet cha'añ a mul, cucux; mach ma' chʌn cha'len mulil.

Juan 8:42

Jiñi cha'añ Jesús tsi' su'beyob: —Che' la' Tatic jiñi Dios, che' jiñi mi' la' c'uxbiñon, come ch'oyolon ti Dios i wʌ'añon la' wic'ot, ma'añic tsa' tiliyon tic bajñel pusic'al, Dios tsi' chocoyon tilel.

1 Juan 2:2

Jiñʌch tsa' bʌ i yu'bi i mich'ajel Dios ti' caj lac mul, mach jiñic jach lac mul pero i mul ja'el pejtelel año' bʌ ti pañimil.

1 Juan 4:14

Lac Tat tsi' choco tilel i Yalobil, i yaj Coltaya pañimil. Tsa'ix j q'uele lojon, che'ʌch mic su'b lojon ja'el.