Juan 11:51 - Jiñi Tsiji' bʌ Wen T'añ cha'añ Estudio

⁵¹ Mach tilemic jiñi t'añ ti' bajñel pusic'al, cha'añ ti' caj tsi' mele i ye'tel ti ñuc bʌ motomaj ti jiñi ja'bil, jiñi cha'añ tsi' wʌn alʌ mi caj i chʌmel Jesús cha'añ i q'uexol wiñicob x'ixicob ti' lumal.

Chol de Tumbalá Bible

⁵¹ Mach tilemic jini t'an ti' bajñel pusic'al. Pero cha'an tsi' cha'le i ye'tel ti ñuc bʌ motomaj ti jini jabil, jini cha'an tsi' yʌlʌ mi caj i chʌmel Jesús cha'an i q'uexol winicob x'ixicob ti' lumal.

Chol Tila

⁵¹ Pero mach'an ti bajñel yʌlʌ iliyi Caifás cha'an ti' bajñel i pensal. Pero cha'an ñoj ñuc bʌ cura ti jim bʌ jabil ñijcʌbil ti Dios i wʌ ale' cha'an Jesús mi quejel i sajtyel cha'an ti pejtyelel israelob.

Chol: I T’an Dios

⁵¹ Mach tilemic jini t'an ti' bajñel pusic'al. Pero cha'an tsi' cha'le i ye'tel ti ñuc bʌ motomaj ti jini jabil, jini cha'an tsi' yʌlʌ mi caj i chʌmel Jesús cha'an i q'uexol winicob x'ixicob ti' lumal.

Juan 11:51 Iomraidhean Croise

Exodo 28:30

Mi caj a wotsan ya' ti' tajñ jiñi bujcʌl cha'añ bʌ meloñel cha'p'ejl xajlel i c'aba' Urim yic'ot Tumim, cha'añ mi yajñel ti' tojel i pusic'al Aarón che' mi' yochel ya' ba'añ lac Yum. Ya'i mi' caj i chʌn ch'ʌm majlel Aarón i c'aba'ob i yalobilob Israel ti' tojel i pusic'al jajayajl mi' yochel ba'añ lac Yum.

Numeros 22:28

Che' jiñi lac Yum tsi' yʌc'ʌ ti t'añ i ña'al burro, tsa' caji i su'ben Balaam: —¿Chuqui tsa' c tumbeyet che' uxyajlix tsa' jats'ʌyon?

Numeros 24:2

Che' bʌ tsi' can q'uele pañimil, tsi' q'uele israelob che' bajche' añob ti' mojt ti' mojt. I yEspíritu Dios tsa' tili ba'añ Balaam,

Mateo 20:28

Che' bajche' i Yalobil Wiñic ma'añic tsa' tili cha'añ mi' coltʌntel, pero tsa' tili cha'añ mi' coltañ wiñicob x'ixicob, cha'añ mi' yʌc' i bʌ ti chʌmel cha'añ i tojol i mul ca'bʌlob.

Juan 10:15

Che' bajche' c Tat mi' cʌñon, joñon ja'el mij cʌn c Tat, mi cʌc' c bʌ ti chʌmel cha'añ jiñi tʌñʌme'.

Juan 11:49

Jiñi cha'añ juntiquil motomaj i c'aba' Caifás, tsa' bʌ i mele i ye'tel ti ñuc bʌ motomaj ti jiñi jach bʌ ja'bil, tsi' su'beyob: —Ma'añic chuqui la' wujil jatetla.

Juan 18:13

Tsi' ñaxan pʌyʌyob majlel ba'añ Anás, i ñij-al Caifás, jiñi ñuc bʌ motomaj ti jiñi ja'bil.

1 Corintios 13:2

Añic j c'ʌjñibal ti subt'añ yic'ot c ña'tʌbal ti pejtelel isujmlel mach bʌ tsictiyemic ti yam bʌ ora, yic'ot pejtelel ña'tʌbalʌl ti pañimil, muq'uic c ñop Dios ti xuc'ul bʌ c pusic'al cha'añ mic tʌts' wits, pero mi ma'añic j c'uxbiya, ma'añic j c'ʌjñibal.

2 Corintios 5:21

Come Cristo ma'añic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'añ mi' yʌq'ueñonla toj bʌ lac pusic'al ti Cristo.

Gálatas 3:13

Pero ya' ti cruz Cristo tsi' mʌñʌyonla loq'uel ti' p'ʌtʌlel jiñi mandar mu' bʌ i yʌc'onla ti chojquel, come Cristo tsa' chojqui ti Dios cha'añonla, jiñi cha'añ ts'ijbubil: “Chocbil ti Dios majqui jach mi' joc'chocontel ti te'”,

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'añ mi' jilel i p'ʌtʌlel mulil ti lac tojlel, cuxuloñixla cha'añ mi lac mel chuqui toj. Lajmesʌbiletla cha'añ tsa' lojwi lac Yum.

1 Pedro 3:18

Come Cristo junyajl jach tsi' yu'bi wocol cha'añ mulil. Jiñi toj bʌ tsi' yʌc'ʌ i bʌ ti chʌmel cha'añ jiñi mach bʌ tojobic, cha'añ mi' pʌyonla ti' tojlel Dios. Isujmʌch tsa' tsʌnsʌnti ti' bʌc'tal, pero tsa' cha' cuxtʌyi ti jiñi espíritu;

1 Juan 2:2

Jiñʌch tsa' bʌ i yu'bi i mich'ajel Dios ti' caj lac mul, mach jiñic jach lac mul pero i mul ja'el pejtelel año' bʌ ti pañimil.