Juan 10:4 - Jiñi Tsiji' bʌ Wen T'añ cha'añ Estudio

⁴ Che' mi yujtel i pʌy loq'uel mi' majlel ti ñaxan, jiñi tʌñʌme' mi' tsajcan jiñi xcʌnta tʌñʌme' come mi cʌmben i t'añ.

Chol de Tumbalá Bible

⁴ Che' mi' yujtel i pʌy loq'uel mi' majlel ti ñaxan. Jini tiñʌme' mi' tsajcan jini xcʌnta tiñʌme' come mi' cʌmben i t'an.

Chol Tila

⁴ Che' tsa'ix i pʌyʌ loq'uel tiñʌme' ti i corral ñaxan mi majlel ajcʌñʌtya tiñʌme'. Jini tiñʌme' mi' tsʌclen majlel como mi' cʌmben i t'an.

Chol: I T’an Dios

⁴ Che' mi' yujtel i pʌy loq'uel mi' majlel ti ñaxan. Jini tiñʌme' mi' tsajcan jini xcʌnta tiñʌme' come mi' cʌmben i t'an.

Juan 10:4 Iomraidhean Croise

Mateo 16:24

Jiñi cha'añ Jesús tsi' su'be jiñi xcʌnt'añob i cha'añ: —Mi añ majqui yom i tsajcañon, la' i len cʌy pejtelel chuqui yom i bajñel pusic'al, la' i ch'ʌm i cruz, la' i tsajcañon.

Juan 10:16

Añ to yam bʌ c tʌñʌme' mach bʌ ochemic ti jiñi corral; wersa mic pʌy tilel ja'el, mi caj i yu'bin c t'añ, junmojt jach mi caj i yajñelob yic'ot juntiquil Xcʌnta tʌñʌme'.

Juan 10:27

C tʌñʌme'ob mi' yu'bibeñon c t'añ, joñon mij cʌñob, mi' tsajcañoñob.

Juan 10:3

Jiñi xcʌnta corral mi' jamben jiñi xcʌnta tʌñʌme', jiñi tʌñʌme' mi yu'biben i t'añ i yaj cʌntaya, mi' pejcan i tʌñʌme' ti' c'aba', mi' pʌy loq'uel.

Juan 10:5

Ma'añic mi' tsajcan yam bʌ wiñic, mi' puts'tan, come ma'añic mi' cʌmben i t'añ.

Juan 10:8

Pejtelel tsa' bʌ tiliyob ti ñaxan xujch'ob, xchiloñelob, pero jiñi tʌñʌme' ma'añic tsi' jac'beyob.

Juan 12:26

Majqui jach yom i melbeñon que'tel, la' i tsajcañon; ya' ba'añon ya'i mi caj i yajñel c wiñic ja'el. Mi añ majch mi' melbeñon que'tel, c Tat mi caj i q'uel ti ñuc.

Juan 13:15

Come joñon tsa'ix c pʌsbeyetla che' bajche' yom mi la' mel, cha'añ che' bajche' tsa' c mele, che'ʌch yom mi la' mel jatetla ja'el.

Juan 18:37

Jiñi cha'añ Pilato tsi' c'ajtibe: —¿Reyet ba che' jiñi? Jesús tsi' jac'ʌ: —Jatet woli a wʌl cha'añ joñoñʌch jiñi Rey. Jiñʌch cha'añ tsa' quila pañimil. Jiñi cha'añ tsa' tiliyon ti pañimil cha'añ mi cʌc' ti cʌjñel isujmlel Dios. Pejtelel majqui mi' ñop isujmlel mi' yu'bin c t'añ.

Juan 3:29

Jiñi mu' bʌ i pʌy i yijñam, jiñʌch ñoxi'alʌl; wen tijicña i pusic'al i cʌñʌ bʌ, che' añ ti' t'ejl jiñi xñujpuñijel che' mi' yu'biben i t'añ mi' yu'bin ca'bʌl i tijicñʌyel. Jiñi cha'añ c tijicñʌyel c pusic'al tsa'ix ts'ʌctiyi ti Cristo.

1 Corintios 11:1

Melela che' bajche'on, joñon ja'el mic mel che' bajche' Cristo.

Efesios 5:1

Tsajcanla i melbal Dios, come c'uxbibil bʌ i yalobiletla.

Deuteronomio 1:30

Jiñi lac Yum Dios jiñʌch mu' bʌ caj i majlel ti ñaxan ti la' tojlel, mi caj i cha'len guerra cha'añetla, che' bajche' tsa' la' q'uele che' bʌ tsi' coltayetla loq'uel ti Egipto

Hebreos 12:2

Toj jach yom mi lac tsajcan majlel Jesús jiñi mu' bʌ i yʌq'ueñonla lac ñop, come ya'ʌch ch'oyol lac xuc'tʌlel jiñʌch mu' bʌ i ts'ʌctesʌbeñonla chuqui mi lac ñop, Jesús tsi' ch'ʌmʌ i cruz ma'añic tsi' ch'ʌmʌ ti ñuc mi quisintic jax, che' bʌ tsa' chʌmi ti cruz come yujil che' ñumeñix jiñi wocol mi caj i taj jiñi tijicña bʌ woli bʌ i pijtan; jiñi cha'añ wʌle buchul ti' ñoj Dios ya' ti' yumʌntel.

Hebreos 6:20

ba' tsa' ñaxan ochi Jesús cha'añonla, tsa' ochi ti c'ax ñuc bʌ Motomaj lac cha'añ ti pejtelel ora, lajal che' bajche' i motomajil Melquisedec.

1 Pedro 2:21

Come pʌybiletla cha'añ mi la' wu'bin wocol; come Cristo ja'el tsi' yu'bi wocol cha'añonla, tsi' pʌsbeyonla bajche' yom mi lac mel, tsajcanla majlel.

1 Pedro 4:1

Cristo tsi' cuchu wocol ti' bʌc'tal cha'añonla, jiñi cha'añ yom chajpʌbil la' pusic'al cha'añ mi la' cuch wocol ja'el che' bajche' Cristo. Come majqui jach tsi' cuchu wocol ti' bʌc'tal che' bajche' Cristo tsa'ix i cʌyʌ i mul.

1 Pedro 5:3

mach yomic mi la' chañ-esan la' bʌ ti' tojlel jiñi tʌñʌme' año' bʌ ti la' wenta, pero yom mi la' pʌsbeñob ti la' melbal bajche' yom mi' melob.