Juan 1:18 - Jiñi Tsiji' bʌ Wen T'añ cha'añ Estudio

¹⁸ Ma'añic majqui wis q'uelbil i cha'añ Dios; jiñi jach cojach bʌ i Yalobil, am bʌ ti' t'ejl i Tat, jiñi tsi' yʌc'ʌ ti cʌjñel i Tat.

Chol de Tumbalá Bible

¹⁸ Ma'anic majqui tsi' q'uele Dios ti pejtelel ora, jini jach cojach bʌ i Yalobil am bʌ ti' t'ejl i Tat. Jini tsi' yʌc'ʌ ti cʌjñel i Tat.

Chol Tila

¹⁸ Mach'an ba' bʌ ora an majch ti yilʌ Dios. Pero jin jach ti yilʌ cojach bʌ i Yalobil ya' bʌ an yic'ot i Tyat. Tsa'ix i pʌs'eyonla bajche' an Dios.

Chol: I T’an Dios

¹⁸ Ma'anic majqui tsi' q'uele Dios ti pejtelel ora, jini jach cojach bʌ i Yalobil am bʌ ti' t'ejl i Tat. Jini tsi' yʌc'ʌ ti cʌjñel i Tat.

Juan 1:18 Iomraidhean Croise

Genesis 16:13

Jiñi cha'añ Agar tsi' yotsʌbe i c'aba' lac Yum tsa' bʌ i pejca: “Jatetʌch jiñi Dios woli bʌ i q'uelon,” come tsi' yʌlʌ: “¿Mach ba tsa'ic q'uele jiñi woli bʌ i q'uelon?”

Genesis 18:33

Che' bʌ tsa' ujti ti t'añ lac Yum yic'ot Abraham, lac Yum tsa' majli, ixcu Abraham tsa' sujti majlel ti yotot.

Exodo 23:21

P'isi ti la' wenta, jac'benla i t'añ, mach mi la' ñusʌben i t'añ, come ma'añic mi caj i ñusʌbeñet la' mul, come mi caj i mel i ye'tel tij c'aba'.

Exodo 24:10

tsi' q'ueleyob i Dios Israel. Ya' ba' wa'al che' yilal bajche' tʌsbil bʌ zafiro xajlel, lajal bʌ che' bajche' panchan che' wen jamʌl.

Numeros 12:8

Mic caj c cha'len t'añ quic'ot Moisés che' bajche' mi la' pejcan la' bʌ ti jamʌl. Mach muculic c t'añ ti' tojlel. Mi caj i cʌñon che' bajche' quilal. ¿Chucoch ma'añic tsa' la' cha'le bʌq'uen che' bʌ tsa' la' wulwul a'le c wiñic Moisés?”

Mateo 11:27

Pejtelel chuqui tac añ, aq'uebilon i cha'añ c Tat. Ma'añic majqui mi' cʌñon, cojach c Tat, che' ja'el ma'añic majqui mi' cʌn c Tat, cojach joñon yic'ot majqui jach mi cʌq'uen i cʌn, come i Yalobilon.

Lucas 10:22

Pejtelel chuqui tac añ, aq'uebilon i cha'añ c Tat, ma'añic majqui mi' cʌñon cojach c Tat, che' ja'el, ma'añic majqui mi' cʌn c Tat cojach joñon come i Yalobilon, mi' cʌñob c Tat ja'el majqui jach mi cʌq'uen i cʌn.”

Juan 1:14

Jiñi T'añ tsi' ch'ʌmʌ i bʌc'tal. Tsa' chumle la quic'ot, tsa' laj q'uele i ñuclel, jiñʌch i ñuclel cojach bʌ i Yalobil Dios, but'ul bʌ ti' yutslel i pusic'al yic'ot isujmlel.

Juan 12:41

Che'i tsi' cha'le t'añ Isaías cha'añ tsi' wʌn q'uelbe i ñuclel Jesús.

Juan 13:23

Juntiquil xcʌnt'añ c'uxbibil bʌ i cha'añ, ya' ts'ej buchul ba'añ Jesús.

Juan 14:9

Jesús tsi' su'be: —Ca'bʌlix ora wʌ'añon la' wic'ot. ¿Mach ba añic tsa' cʌñʌyon, Felipe? Jiñi tsa' bʌ i q'ueleyon, tsa'ix i q'uele c Tat. ¿Chucoch ma' wʌl, che' jiñi: “Pʌsbeñon lojon a Tat”?

Juan 17:26

Tsa' cʌq'ueyob i cʌn a c'aba', mu' to caj c chʌn ac' ti cʌjñel, cha'añ mi' cha'leñob c'uxbiya che' bajche' tsa' c'uxbiyon, cha'añ mi cajñel ti' pusic'alob. Jesús: Comol oración (Mt 6.9-13); i su'bentel i ñuclel Dios (Mt 11.25-26; Lc 10.21); i su'bentel wocolix i yʌlʌ Dios (Jn 11.41-42); i c'ajtintel i coltaya Dios (Mt 26.39-44; Mc 14.35-41; Lc 22.41-42); ti' tojlel xcʌnt'añob i cha'añ (Jn 17.1-26), q'uele ja'el Lc 3.21; 5.16; 6.21; 9.18, 29; 11.1; 22.32; 23.34. Pablo: Cha'añ c'oc'lel (Hch 28.8); i c'ajtintel i coltaya Dios (2 Cor 12.8-9); ti tojlel woli bʌ i pejcʌbeñob i juñ (Ef 1.15-19; 3.14-21; Col 1.9-14) Pedro: Cha'añ tsa' cha' ch'ojyi Dorcas (Hch 9.40). Tsa' bʌ i tsajcayob Jesús: I c'ajtintel i coltaya Dios (Hch 4.24-31); ti' tojlel Pedro (Hch 12.5-12) Simeón: I su'bentel wocolix i yʌlʌ Dios (Lc 2.28-32)

Juan 17:6

Tsa' c tsictesʌbeyob a c'aba' jiñi wiñicob tsa' bʌ a wʌq'ueyon ti pañimil; a cha'añob, tsa' wʌq'ueyoñob, tsi' jac'ʌyob a t'añ.

Juan 3:11

Isujm, isujm mic su'beñet, mic cha'len lojon t'añ cha'añ chuqui tac cujil lojon. Mic su'b lojon ti isujm chuqui tsa' q'uele lojon, pero ma'añic mi la' ñop c t'añ lojon.

Juan 6:46

Ma'añic majch tsi' q'uele c Tat mi juntiquilic, jiñi jach jiñi tsa' bʌ tili ti Dios; jiñi tsa'ix i q'uele lac Tat.

2 Corintios 4:4

Satanás, jiñʌch i dios jiñi jontolo' bʌ ti pañimil, tsa'ix i mʌcbeyob i ña'tʌbal jiñi mach bʌ añic mi' ñopob Cristo, ame i q'uelob i sʌclel jiñi wen t'añ ba' tsiquil i ñuclel Cristo i yejtal bʌ Dios.

Deuteronomio 4:12

Che' jiñi lac Yum tsi' pejcayetla ya' ti yojlil jiñi c'ajc; tsa' la' wu'bibe i t'añ, pero ma'añic tsa' la' q'uele ti' wa'tʌlel.

Colosenses 1:15

Cristo i yejtalʌch Dios mach bʌ mejlic laj q'uel, jiñʌch jiñi am bʌ ti ñaxan ti pejtelel i melbal Dios.

1 Timoteo 1:17

La' q'uejlic ti ñuc jiñi Rey am bʌ ti pejtelel ora, mach bʌ yujilic chʌmel, mach bʌ tsiquilic ti lac wut, jiñʌch jiñi cojach bʌ Dios am bʌ i ña'tʌbal, la' tsictiyic i ñuclel ti pejtelel ora. Amén.

1 Timoteo 6:16

jiñi cojach bʌ mach bʌ añic mi' chʌmel, jiñi chumul bʌ ti' sʌclel ba' mach mejlic lac lʌc'tesan lac bʌ, jiñi mach bʌ q'uelbilic i cha'añ wiñicob mi juntiquilic, mach bʌ mejlic laj q'uel ja'el. La' q'uejlic ti ñuc, la' yumʌntic ti pejtelel ora. Amén.

1 Juan 4:12

Maxto añic mi' juntiquil tsa' bʌ i q'uele Dios, che' woli laj c'uxbin lac bʌ, Dios mi' yajñel ti joñonla, che' jiñi wolix i ts'ʌctiyel majlel i c'uxbiya ti lac pusic'al.

1 Juan 4:20

Che' añ mu' bʌ i yʌl: Wolij c'uxbin Dios, pero mi woli' ts'a'len i yermañu, xlotʌch, come mi mach c'uxic mi yu'bin i yermañu woli bʌ i q'uele, ¿bajche' mi mejlel i c'uxbin Dios mach bʌ añic tsi' q'uele?

1 Juan 4:9

Tsi' pʌsbeyonla i c'uxbiya Dios che' bʌ tsi' choco tilel ti pañimil cojach bʌ i Yalobil cha'añ mi lac taj laj cuxtʌlel ti Jesús.

1 Juan 5:20

La cujil tsa'ix tili i Yalobil Dios, tsa'ix i yʌq'ueyonla lac ña'tʌbal cha'añ mi laj cʌn jiñi mero isujm bʌ. Añonla ti jiñi mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ añic mi' jilel.