Juan 1:15 - Jiñi Tsiji' bʌ Wen T'añ cha'añ Estudio

¹⁵ Juan tsi' yʌc'ʌ ti cʌjñel Cristo, c'am tsi' cha'le t'añ, tsi' yʌlʌ: Jiñʌch tsa' bʌ c wʌn su'beyetla: Jiñi tal bʌ tic pat, ñumen ñuc, come añʌch ti' ñaxan che' bajche' joñon.

Chol de Tumbalá Bible

¹⁵ Juan tsa' tili i yʌc' ti cʌjñel Cristo. C'am tsi' cha'le t'an. Tsi' yʌlʌ: Jiñʌch mu' bʌ i tilel tic pat che bajche' tsac subeyetla. Ñumen ñuc bajche' joñon come an ti ñaxan, che'en.

Chol Tila

¹⁵ Juan ti yʌc'ʌ ti cʌjñel jini yajcʌbil bʌ i cha'an Dios. Ti yʌlʌ ti c'am bʌ subt'an: Jiñʌch jini tsa' bʌ c tyaja tic t'an che' ñac ti cʌlʌ: Jini mu' bʌ i tyʌlel tic pat más an i ñuclel como an ti ñaxan c'ʌlʌ ti tyejchibal mulawil, che'en.

Chol: I T’an Dios

¹⁵ Juan tsa' tili i yʌc' ti cʌjñel Cristo. C'am tsi' cha'le t'an. Tsi' yʌlʌ: Jiñʌch mu' bʌ i tilel tic pat che bajche' tsac subeyetla. Ñumen ñuc bajche' joñon come an ti ñaxan, che'en.

Juan 1:15 Iomraidhean Croise

Mateo 3:11

Joñon mi cʌq'ueñetla ch'ʌmja' cha'añ mi la' cʌy la' mul. Pero tal to tic pat jiñi ñumen p'ʌtʌl bʌ. Joñon mach ñucoñic cha'añ mic ch'ʌmben majlel i warach. Jiñi mi caj i yʌq'ueñetla la' ch'ʌm Ch'ujul bʌ Espíritu yic'ot c'ajc.

Marcos 1:7

Tsi' cha'le subt'añ, tsi' yʌlʌ: Tal tic pat jiñi ñumen p'ʌtʌl bʌ bajche' joñon, mach ñucoñic cha'añ mic wutstʌl c ticben i ch'ajñal i warach.

Lucas 3:16

Juan tsi' su'beyob ti pejtelelob: —Joñon ti isujm mi cʌq'ueñetla ch'ʌmja', pero tal jiñi ñumen p'ʌtʌl bʌ bajche' joñon. Mach ñucoñic cha'añ mic ticben i ch'ajñal i warach. Jiñʌch mu' bʌ caj i yʌq'ueñetla la' ch'ʌm Ch'ujul bʌ Espíritu yic'ot c'ajc.

Juan 1:27

Jiñʌch am bʌ ti ñaxan mu' bʌ caj i tilel tic pat, mach ñucoñic cha'añ mic ticben i ch'ajñal i warach.

Juan 17:5

Wʌle, c Tat, pʌsʌ c ñuclel che' bajche' añ c cha'añ quic'otet che' maxto añic pañimil.

Juan 8:58

Jesús tsi' su'beyob: —Isujm, isujm mic su'beñetla, che' maxto añic Abraham añoñix.

Colosenses 1:17

Añʌch Jesús che' maxto añic chuqui añ, ti' p'ʌtʌlel Jesús xuc'ul mi' yajñel ti pejtelel;

Hebreos 13:8

Jesucristo ma'añic mi' q'uextʌyel, junlajalʌch ac'bi yic'ot wʌle yic'ot ti pejtelel ora.

Apocalipsis 1:11

tsi' yʌlʌ: Joñon tsa' c teche pejtelel chuqui tac añ, mi cʌq'uen i jilibal, añon ti ñaxan, añon ti' yujtibal. Ts'ijban ti juñ chuqui tac ma' q'uel, chocbeñob majlel jiñi wucmojt xñopt'añob mu' bʌ i tempañob i bʌ ya' ti Asia, jiñi año' bʌ ti Éfeso, ti Esmirna, ti Pérgamo, ti Tiatira, ti Sardis, ti Filadelfia, yic'ot ti Laodicea.

Apocalipsis 2:8

Ts'ijbuben juñ jiñi xcʌntaya i cha'añ xñopt'añob mu' bʌ i tempañob i bʌ ya' ti Esmirna: “Joñon añon ti ñaxan. Añon ti' yujtibal, tsa' chʌmiyon, tsa' cha' cuxtʌyiyon, woliyon ti t'añ.