Genesis 9:2 - Jiñi Tsiji' bʌ Wen T'añ cha'añ Estudio

² Mi caj i bʌc'ñañetla pejtelel bʌte'el ti pañimil yic'ot pejtelel xwejlel mut, yic'ot pejtelel jʌlʌcña bʌ mi' majlel ti lum, yic'ot chʌy tac am bʌ ti mar; ti pejtelel mi cʌq'ueñetla ti la' wenta.

Chol de Tumbalá Bible

² Mi caj i bʌc'ñañetla pejtel bʌte'el ti pañimil yic'ot pejtel mut, yic'ot pejtel jʌlʌcña bʌ mi' majlel ti lum, yic'ot chʌy. Ti pejtelel mi cʌq'ueñetla ti la' wenta.

Chol: I T’an Dios

² Mi caj i bʌc'ñañetla pejtel bʌte'el ti pañimil yic'ot pejtel mut, yic'ot pejtel jʌlʌcña bʌ mi' majlel ti lum, yic'ot chʌy. Ti pejtelel mi cʌq'ueñetla ti la' wenta.

Genesis 9:2 Iomraidhean Croise

Genesis 1:21

Che'ʌch tsi' mele Dios ñuc tac bʌ i chʌñil jiñi mar yic'ot pejtelel i chʌñil ja' ti jujunchajp. Ca'bʌl tsa' p'ojli, yic'ot tsi' mele pejtelel mut tac ti' chajp ti' chajp am bʌ i wich'. Dios tsi' q'uele cha'añ uts'atʌch.

Genesis 1:26

Jiñi cha'añ Dios tsi' yʌlʌ: “La' lac mel wiñic ti la quejtal, lajal bʌ bajche' joñonla; am bʌ i p'ʌtʌlel cha'añ mi' yuman jiñi chʌy tac am bʌ ti mar, jiñi mut tac mu' bʌ ti wejlel ñumel, jiñi alʌc'ʌl tac am bʌ ti pejtelel pañimil, yic'ot pejtelel jiñi jʌlʌcña bʌ mi' majlel ti lum.”

Genesis 1:28

Dios tsi' yʌq'ueyob i yutslel i t'añ, tsi' su'beyob: “La' tilic la' p'olbal, la' p'ojliquetla yic'ot but'ula jiñi pañimil, c'ʌñʌla; la' i yumañetla jiñi chʌy tac am bʌ ti mar yic'ot jiñi xwejlel mut tac am bʌ ti panchan yic'ot pejtelel cuxul tac bʌ mu' bʌ ti xʌmbal ti pañimil.”

Genesis 2:19

Lac Yum Dios tsi' c'ʌñʌ lum cha'añ mi' mel pejtelel bʌte'el yic'ot alʌc'ʌl yic'ot mut ti' chajp ti' chajp mu' bʌ ti wejlel; tsi' laj pʌyʌ tilel ba'añ jiñi wiñic cha'añ mi' yotsʌben i c'aba'; pejtelel jiñi cuxul tac bʌ tsa' bʌ i yotsʌbe i c'aba' Adán, che'ʌch tsa' cʌle.

Genesis 35:5

Che' bʌ tsa' loq'uiyob majlel. Jiñi año' bʌ ti tejclum tac ya' ti' joytʌlel tsa' cajiyob ti bʌq'uen cha'añ i Dios Jacob, jiñi cha'añ ma'añic tsi' yajñesayob majlel i yalobilob Jacob.

Genesis 9:1

Dios tsi' yʌq'ue i yutslel i t'añ Noé yic'ot i yalobilob, tsi' su'beyob: “La' tilic la' p'olbal, la' p'ojliquetla, but'ula jiñi pañimil.

Genesis 9:3

Pejtelel cuxul tac bʌ mu' bʌ ti xʌmbal, mi' mejlel la' c'ux, yic'ot ja'el jiñi pimel tac yic'ot yam bʌ i wut lum, mi cʌq'ueñetla ti' pejtelel cha'añ i bʌl la' ñʌc'.

Levitico 26:22

Mi caj c choc tilel ti la' tojlel jontol tac bʌ bʌte'el mu' bʌ caj i jisan la' walobilob yic'ot la' wacax cha'añ mi la' t'ox jilel, che' jiñi ma'añix majqui mi caj i chʌn ñumel ti la' bijlel.”

Levitico 26:6

Joñon mi caj cʌq'ueñetla i ñʌch'tʌlel la' pusic'al ila ti pañimil yic'ot tijicña mi caj la' wʌyel come ma'añic majqui mi caj i bʌc'tesañetla; mi caj c jisan jiñi jontol tac bʌ bʌte'el ya' ti la' lum yic'ot ma'añic mi caj la' jisʌntel ti espada ya' ti la' lumal.

Santiago 3:7

Mi mejlel la cuts-esan i bʌl mate'el, mut, lucum, yic'ot i chʌñil mar come ti chajp ti chajp tsa' uts-esʌnti cha'añ wiñicob.