Genesis 48:13 - Jiñi Tsiji' bʌ Wen T'añ cha'añ Estudio

¹³ José tsi' pʌyʌ tilel ti' cha'ticlel i yalobilob; Efraín ti ñoj bʌ i c'ʌb, ba'añ ts'ej bʌ i c'ʌb Israel, Manasés ti ts'ej bʌ i c'ʌb, ba'añ ñoj bʌ i c'ʌb Israel; tsi' lʌc'tesayob tilel ba'añ i tat.

Chol de Tumbalá Bible

¹³ Che' jini José tsi' pʌyʌyob tilel ti cha'ticlel, Efraín ti ñoj bʌ i c'ʌb ba'an ts'ej bʌ i c'ʌb Israel, Manasés ti ts'ej bʌ i c'ʌb ba'an ñoj bʌ i c'ʌb Israel. Lʌc'ʌl tsi' pʌyʌyob tilel ba'an i tat.

Chol: I T’an Dios

¹³ Che' jini José tsi' pʌyʌyob tilel ti cha'ticlel, Efraín ti ñoj bʌ i c'ʌb ba'an ts'ej bʌ i c'ʌb Israel, Manasés ti ts'ej bʌ i c'ʌb ba'an ñoj bʌ i c'ʌb Israel. Lʌc'ʌl tsi' pʌyʌyob tilel ba'an i tat.

Genesis 48:13 Iomraidhean Croise

Genesis 41:51

José tsi' yotsʌbe i c'aba' jiñi ñaxan bʌ i yalobil ti Manasés, come tsi' yʌlʌ: “Dios tsi' yʌc'ʌ ti ñajʌyel tic pusic'al pejtelel c wocol yic'ot pejtelel c pi'ʌlob ti' yotot c tat.”

Genesis 46:20

I yalobilob José tsi' yilayob pañimil ti Egipto, jiñobʌch: Manasés yic'ot Efraín; jiñobʌch tsa' bʌ i yʌc'ʌ ti pañimil Asenat i yalobil bʌ Potifera, motomaj bʌ ti On.

Genesis 48:12

Jiñi cha'añ José tsi' chucuyob loq'uel i yalobilob ti' ya' Israel, tsi' c'uchchoco i bʌ ti lum ya' ti' tojel i tat.

Genesis 48:14

Israel tsi' sʌts'ʌ i c'ʌb, tsi' c'ʌcʌ ñoj bʌ i c'ʌb ti' jol Efraín jiñi ijts'iñʌl bʌ, ixcu i ts'ej bʌ i c'ʌb tsi' c'ʌcʌ ti' jol Manasés. Che'ʌch tsi' jele i c'ʌb, anquese Manasés jiñʌch jiñi ascuñʌl bʌ.

Numeros 26:28

I yalobilob José ti' mojt ti' mojt: Jiñobʌch: Manasés yic'ot Efraín.

Mateo 25:33

Mi' yʌc' tʌñʌme' ti' ñoj. Mi' yʌc' chivo ti' ts'ej.