Genesis 4:4 - Jiñi Tsiji' bʌ Wen T'añ cha'añ Estudio

⁴ Che' ja'el Abel tsi' ch'ʌmʌ tilel ñaxan bʌ i yal tac i tʌñʌme' wen jujp'em tac bʌ, tsi' tsʌnsʌbe i majtañ Dios. Lac Yum tsi' q'uele ti uts'at Abel yic'ot i majtañ;

Chol de Tumbalá Bible

⁴ Abel tsi' yʌq'ue ñaxan bʌ i yal tiñʌme' tac. Tsi' tsʌnsʌbe i majtan Dios. Tsi' yajcʌbe wen c'oc' bʌ tiñʌme'. Lac Yum tsi' q'uele ti uts'at Abel yic'ot i majtan.

Chol: I T’an Dios

⁴ Abel tsi' yʌq'ue ñaxan bʌ i yal tiñʌme' tac. Tsi' tsʌnsʌbe i majtan Dios. Tsi' yajcʌbe wen c'oc' bʌ tiñʌme'. Lac Yum tsi' q'uele ti uts'at Abel yic'ot i majtan.

Genesis 4:4 Iomraidhean Croise

Genesis 15:17

Che' bʌ tsa' bʌjli q'uiñ, che' ac'ʌlelix, tsi' pʌsʌ i bʌ jump'ejl horno am bʌ i buts'il yic'ot xutunte' woli bʌ ti lejmel, tsa' ñumi ti ojlil ba'añ jiñi majtañʌl t'oxbil bʌ ti ojlil tac.

Genesis 4:3

Che' ñuquix Caín tsi' ch'ʌmʌ tilel i wut i pʌc'ʌb cha'añ mi' yʌq'ueñ i majtañ lac Yum.

Exodo 13:12

mi caj la' wʌq'uen lac Yum jiñi ñaxan bʌ la' walobil. Che' ja'el, pejtelel ñaxan tac bʌ i yal la' wʌlac', mi' tat, i cha'añʌch lac Yum.

Levitico 9:24

Tsa' loq'ui tilel c'ajc ti' tojlel lac Yum. Tsi' laj pulu jiñi majtañʌl yic'ot i lewil tac am bʌ ti' pam jiñi pulʌntib. Che' bʌ tsi' q'ueleyob jiñi wiñicob x'ixicob, tsi' ch'ujutesayob lac Yum yic'ot tsa' ñocleyob, tsi' ñucchocoyob i bʌ ti' tojlel.

Numeros 16:15

Jiñi cha'añ Moisés tsa' wen mich'a, tsi' su'be lac Yum Dios: —¡Mach a ch'ʌmbeñob a majtañ mu' bʌ i yʌq'ueñetob! Mi juncojtic burro tsa' c ch'ʌmbeyob, mi añic chuqui leco tsa' c melbeyob mi juntiquilic.

Numeros 16:35

Che' ja'el lac Yum tsi' choco ju'bel c'ajc cha'añ mi' pulob jiñi lujunc'al yic'ot lujuntiquil i yuxc'al (250) wiñicob woli bʌ i pulob pom.

Numeros 18:12

Jiñi olivo aceite yic'ot jiñi tsiji' bʌ i ya'lel ts'usub yic'ot trigo, pejtelel jiñi wen yajcʌbil tac bʌ, jiñi ñaxan tac bʌ i wut pʌc'ʌbʌl, mu' bʌ i yʌjq'uel ti' tojlel lac Yum, la' cha'añʌch tsa' cʌq'ueyetla.

Numeros 18:17

Pero mach yomic ma' ch'ʌmben i tojol ñaxan tac bʌ i yal wacax, yic'ot ñaxan tac bʌ i yal tʌñʌme', yic'ot ñaxan tac bʌ i yal chivo, come ch'ujulʌch. Mi caj a c'ʌmben i ch'ich'el cha'añ ma' tsijcan jiñi pulʌntib, ixcu i lewil mi caj a pul cha'añ c majtañ, jiñʌch xojocña bʌ i yujts'il tic tojlel.

Hebreos 11:4

Cha'añ tsi' ñopo Dios Abel tsi' yʌq'ue ñumen wen bʌ i majtañ bajche' Caín, jiñi cha'añ Dios tsi' q'uele ti toj, tsi' su'bu cha'añ uts'at i majtañ tsa' bʌ i yʌc'ʌ Abel; anquese chʌmeñix, woli to i cʌntesañonla cha'añ tsi' ñopo Dios.

Hebreos 9:22

Che' bajche' mi' yʌl jiñi mandar, cojach yic'ot ch'ich' mi' sʌc-esʌntel ti pejtelel; machic mi' bejq'uel i ch'ich'el i majtañ Dios, ma'añic i ñusʌntel mulil.

Apocalipsis 13:8

Pejtelel woliyo' bʌ ti chumtʌl ti pañimil, mach bʌ otsʌbilic i c'aba' ti jiñi juñ ba' otsʌbilob i c'aba' jiñi año' bʌ i cuxtʌlel c'ʌlʌl ti' tejchibal pañimil, mi caj i ch'ujutesañob jiñi bʌte'el, jiñi juñ i cha'añʌch jiñi Tʌñʌme' tsa' bʌ tsʌnsʌnti.