Genesis 4:2 - Jiñi Tsiji' bʌ Wen T'añ cha'añ Estudio

² Ti wi'il tsi' yʌc'ʌ ti pañimil Abel i yijts'in Caín. Abel tsi' cʌnta tʌñʌme', Caín tsi' cha'le e'tel ti lum.

Chol de Tumbalá Bible

² Ti wi'il tsi' yʌc'ʌ ti pañimil Abel i yijts'in Caín. Abel tsi' cʌnta tiñʌme'. Caín tsi' cha'le e'tel ti lum.

Chol: I T’an Dios

² Ti wi'il tsi' yʌc'ʌ ti pañimil Abel i yijts'in Caín. Abel tsi' cʌnta tiñʌme'. Caín tsi' cha'le e'tel ti lum.

Genesis 4:2 Iomraidhean Croise

Genesis 3:23

Jiñi cha'añ lac Yum Dios tsi' choco loq'uel Adán ti pʌc'ʌbʌl i c'aba' Edén, cha'añ mi' cha'len e'tel ti jiñi lum tsa' bʌ i c'ʌñʌ Dios i mel Adán.

Genesis 37:13

Jiñi cha'añ Israel tsi' su'be José: —Jiñi a wʌscuñob ya'añob ti Siquem cha'añ i buc'sʌntel tʌñʌme'. La', mi caj c choquet majlel ba'añ a wʌscuñob. —Wʌ'añon —che' tsi' jac'ʌ José.

Genesis 4:1

Adán tsi' pi'le Eva i yijñam, tsa' caji i cʌntan i yalobil, tsi' yʌc'ʌ Caín ti pañimil, tsi' yʌlʌ: “Cha'añ che' yom lac Yum tsi' coltayon cha'añ mi cʌc' ti pañimil juntiquil ch'itoñ”.

Genesis 4:3

Che' ñuquix Caín tsi' ch'ʌmʌ tilel i wut i pʌc'ʌb cha'añ mi' yʌq'ueñ i majtañ lac Yum.

Genesis 47:3

Jiñi cha'añ faraón tsi' su'beyob: —¿Chuqui la' we'tel? Tsi' jac'beyob faraón: —Xcʌnta tʌñʌme'on lojon, x'e'telon bʌ lojon a cha'añ temel yic'ot c tat lojon.

Genesis 9:20

Noé tsa' caji i cha'len e'tel ti lum, tsi' pʌc'ʌ ts'usubil.

Exodo 3:1

Moisés tsa' caji cʌntʌben i tʌñʌme' i ñij-al i c'aba' Jetro. Jiñʌch motomaj am bʌ ti Madián, tsi' pʌyʌ majlel jiñi tʌñʌme' ba'añ colem bʌ i tiquiñal pañimil ya' ba' mi' bʌjlel q'uiñ, tsa' c'oti ya' ti Horeb jiñi wits yajcʌbil bʌ i cha'añ Dios.

Lucas 11:50

Jiñi cha'añ jiñi año' bʌ ti pañimil wʌle mi caj i tojbeñob i mul jiñi tsa' bʌ i tsʌnsayob x'alt'añob c'ʌlʌl ti' cajibal pañimil,

Lucas 11:51

c'ʌlʌl che' bʌ tsa' tsʌnsʌnti Abel, c'ʌlʌl che' bʌ tsa' tsʌnsʌnti Zacarías, jiñi tsa' bʌ tsʌnsʌnti ya' ti' tojel Templo ti junwejl jiñi pulʌntib. Isujm mic su'beñetla, jiñi año' bʌ ti pañimil wʌle mi caj i tojob.

Juan 8:44

Jatetla la' tatʌch xi'ba, la' wom la' mel chuqui yom la' tat. Jiñi xi'ba xtsʌnsajʌch c'ʌlʌl ti' cajibal, ma'añic mi' yajñel ti' isujmlel Dios, come ma'añic chuqui isujm ti' pusic'al xi'ba. Che' mi' cha'len lot i tilelʌch come xlotʌch, ya' ch'oyol ti xi'ba pejtelel lot.

1 Juan 3:10

Che' jiñi, tsiquil majqui i yalobilob Dios yic'ot majqui i yalobilob xi'ba. Come majqui jach ma'añic mi' mel chuqui toj yic'ot ma'añic mi' c'uxbin i yermañu mach i cha'añic Dios.

1 Juan 3:12

Mach yomic lajalonla bajche' Caín tsa' bʌ i tsʌnsa i yijts'in. ¿Chucoch tsi' tsʌnsa? Come Caín jontol i melbal pero toj i melbal i yijts'in.

1 Juan 3:15

Majqui jach mi' ts'a'len i yermañu, xtsʌnsajʌch, la' wujil ma'añic xtsʌnsa am bʌ i cuxtʌlel mach bʌ añic mi' jilel.