Genesis 39:2 - Jiñi Tsiji' bʌ Wen T'añ cha'añ Estudio

² Pero lac Yum añ yic'ot José, uts'at tsa' loq'ui majlel i ye'tel José ya' ti yotot i yum chumul bʌ ti Egipto.

Chol de Tumbalá Bible

² An lac Yum yic'ot José. Uts'at tsa' majli i ye'tel José ya' ti' yotot i yum chumul bʌ ti Egipto.

Chol: I T’an Dios

² An lac Yum yic'ot José. Uts'at tsa' majli i ye'tel José ya' ti' yotot i yum chumul bʌ ti Egipto.

Genesis 39:2 Iomraidhean Croise

Genesis 21:20

Dios tsi' cʌnta jiñi ch'itoñ, tsa' coli, tsa' chumle ti jochol bʌ lum yic'ot wen yujil julbʌl ti jalʌjb.

Genesis 21:22

Ti jim bʌ ora Abimelec yic'ot i wiñic Ficol, i yum soldadojob, tsi' su'beyob Abraham: —Dios woli' coltañet ti pejtelel chuqui ma' mel.

Genesis 26:24

Ti jiñi jach bʌ ac'ʌlel lac Yum tsi' pʌsʌ i bʌ ba'añ Isaac, tsi' su'be: “Joñon i Dioson a tat Abraham. Mach a cha'len bʌq'uen, come añon quic'otet. Mi caj cʌq'ueñet i yutslel c t'añ yic'ot mi caj c p'ojlesan a walobil cha'añ i c'uxbintel c wiñic Abraham.”

Genesis 26:28

Tsi' yʌlʌyob: —Woli j q'uel lojon añ lac Yum a wic'ot, jiñi cha'añ tsa' cʌlʌ lojon: “Yom mi lac tem lac t'añ.” Mi caj cʌq'ueñet lojon xuc'ul bʌ t'añ:

Genesis 28:15

Añon quic'otet, mi caj cʌntañet baqui jach ma' majlel, mi caj c cha' pʌyet tilel ti ili lum, come ma'añic mi caj j cʌyet jinto mic mel jiñi tsa' bʌ c su'beyet.”

Genesis 39:23

Jiñi xcʌnta mʌjquibʌl ma'añix tsi' chʌn q'uele chuqui tac añ ti' wenta José come uts'at tsi' mele, come lac Yum ya'añ yic'ot José, pejtelel chuqui tsi' mele, lac Yum tsi' yʌc'ʌ ti loq'uel ti uts'at,

Genesis 39:3

I yum José tsi' q'uele añ lac Yum yic'ot. Lac Yum tsi' wen colta ti pejtelel chuqui tsi' mele.

Mateo 1:23

“Juntiquil tsiji' bʌ xch'oc mi caj i cʌntan alʌl, mi caj i yʌc' ti pañimil ch'itoñ bʌ i yalobil. Mi caj i yotsʌbentel i c'aba' Emanuel.” (Añ isujmlel Emanuel ti lac t'añ: “Jiñʌch Dios la quic'ot”).

Hechos 8:31

Jiñi wiñic tsi' yʌlʌ: —¿Bajche' mi mejlel c ch'ʌmben isujm mi ma'añic majqui mi' cʌntesañon? Tsi' c'ajtibe ti wocol t'añ cha'añ mi' letsel Felipe ti buchtʌl yic'ot.

1 Timoteo 6:1

Pejtelel x'e'telob año' bʌ ti' yum, la' i wen q'uelob ti ñuc i yum, ame p'ajlec i c'aba' Dios yic'ot i cʌntesa.