Genesis 27:41 - Jiñi Tsiji' bʌ Wen T'añ cha'añ Estudio

⁴¹ Esaú tsi' ts'a'le Jacob cha'añ i yutslel i t'añ i tat tsa' bʌ i yʌq'ue, tsi' yʌlʌ ti' pusic'al: “Tal i yorajlel che' mi caj i yuc'tʌntel c tat, che' jiñi mi caj c tsʌnsan Jacob.”

Chol de Tumbalá Bible

⁴¹ Esaú tsi' mich'le Jacob cha'an tsi' chilbe i wenlel. Tsi' ña'ta ti' pusic'al: Mach jalix mi caj i chʌmel lac tat. Che' ujtemix i yuc'tʌntel mi caj c tsʌnsan Jacob. Che'ʌch tsi' ña'ta.

Chol: I T’an Dios

⁴¹ Esaú tsi' mich'le Jacob cha'an tsi' chilbe i wenlel. Tsi' ña'ta ti' pusic'al: Mach jalix mi caj i chʌmel lac tat. Che' ujtemix i yuc'tʌntel mi caj c tsʌnsan Jacob. Che'ʌch tsi' ña'ta.

Genesis 27:41 Iomraidhean Croise

Genesis 27:42

Tsa' su'benti Rebeca chuqui tsi' yʌlʌ Esaú jiñi ascuñʌl bʌ i yalobil; jiñi cha'añ tsi' choco ti pʌyol Jacob jiñi ijts'iñʌl bʌ yalobil, tsi' su'be: —Jiñi a wʌscun, Esaú, woli' ñuq'uesan i pusic'al cha'añ mi caj i tsʌnsañet.

Genesis 32:11

Loc'sañon ti' c'ʌb cʌscun Esaú, come mic bʌc'ñan; ame tilic i lowon lojon yic'ot i ña'ob calobilob yic'ot jiñi alp'eñelob.

Genesis 32:3

Jacob tsi' ñaxan choco majlel wiñicob ba'añ Esaú i yʌscun ya' ti' lumal Seir, jiñʌch i lumal Edom.

Genesis 32:6

Jiñi wiñicob tsa' cha' sujtiyob ba'añ Jacob, tsi' su'beyob: —Tsajñiyon lojon ba'añ a wʌscun Esaú, woli i tilel i tajet ja'el, woli i tilel yic'ot jumbajc' i wiñicob.

Genesis 35:29

Tsa' chʌmi Isaac che' wen ñoxix. Esaú yic'ot Jacob tsi' mucuyob i tat.

Genesis 37:18

Ba' ora i yʌscuñob tsi' q'ueleyob che' ñajt to i tilel José, che' maxto c'otemic José ba'añob, tsi' tem ña'tayob cha'añ mi' tsʌnsañob.

Genesis 37:4

Che' bʌ tsi' q'ueleyob i yʌscuñob ñumen c'uxbibil José bajche'ob, tsi' ts'a'leyob yic'ot mach chʌn uts'atix tsa' caji pejcañob.

Genesis 37:8

I yʌscuñob José tsi' jac'beyob: —¿Mu' ba caj a cha'len yumʌntel tic tojlel lojon o mu' ba caj a wochel tic yum lojon? Ñumen tsa' caji ts'a'leñob José bajche' ti yam bʌ ora, cha'añ ti' caj i ñajal yic'ot i t'añ.

Genesis 50:15

Tsa' caji i yʌlob i yʌscuñob José che' bʌ chʌmeñix i tat, tsi' yʌlʌyob: —I tajolʌch mi caj i ts'a'leñonla José, tic'ʌl mi caj i q'uextʌbeñonla lac jontolil tsa' bʌ lac melbe.

Genesis 50:2

Ti wi'il José tsi' yʌq'ueyob mandar i wiñicob yujilo' bʌ ts'ʌcaya cha'añ mi' yotsʌbeñob bálsamo i bʌc'tal i tat cha'añ ma'añic mi' yoc'mʌl; jiñi xts'ʌcayajob tsi' yotsʌbeyob bálsamo i bʌc'tal Israel.

Deuteronomio 34:8

Jiñi israelob tsi' yuc'tayob ya' ti joctʌl ti' lum Moab lujump'ejl i cha'c'al (30) q'uiñ; che'ʌch tsa' joloñi i q'uiñilel i ch'ijiyemlelob cha'añ Moisés.

Tito 3:3

Come joñonla ja'el ti yam bʌ ora ma'añic lac pusic'al, xñusa t'añonla, tsa' laj cʌyʌ jiñi toj bʌ bij, tsa' jach lac jac'be pejtelel i colosojlel lac pusic'al yic'ot yan tac bʌ yom bʌ lac pusic'al, tsa' lac lon ñusa q'uiñ ti ts'a'leya yic'ot ti' tsʌytsʌyñʌyel lac pusic'al, tsa' ts'a'lentiyonla, tsa' lac ts'a'le lac bʌ.