Genesis 26:4 - Jiñi Tsiji' bʌ Wen T'añ cha'añ Estudio

⁴ Mi caj c p'ojlesan a p'olbal che' bajche' ec' ti panchan; mi caj cʌq'uen a p'olbal pejtelel ili lum; ti' tojlel a p'olbal mi caj i yʌq'ueñtelob i yutslel c t'añ wiñicob x'ixicob ti pejtelel pañimil,

Chol de Tumbalá Bible

⁴ Mi caj c p'ojlesan a p'olbal che' bajche' jini ec' ti panchan. Mi caj cʌq'uen a p'olbal pejtel ili lum. Ti' tojlel a p'olbal mi caj i yʌq'uentelob i yutslel c t'an winicob x'ixicob ti pejtelel pañimil

Chol: I T’an Dios

⁴ Mi caj c p'ojlesan a p'olbal che' bajche' jini ec' ti panchan. Mi caj cʌq'uen a p'olbal pejtel ili lum. Ti' tojlel a p'olbal mi caj i yʌq'uentelob i yutslel c t'an winicob x'ixicob ti pejtelel pañimil

Genesis 26:4 Iomraidhean Croise

Genesis 13:16

Mi caj c p'ojlesan a p'olbal che' bajche' i ts'u'bejñal lum. Mi añ majqui mi' mejlel i tsic i ts'u'bejñal lum, mi caj i mejlel i tsic a p'olbal ja'el.

Genesis 15:18

Ti jimbʌ q'uiñ lac Yum tsi' yʌc'ʌ jump'ejl xuc'ul bʌ t'añ ti' tojlel Abram, tsi' yʌlʌ: —Jiñi a p'olbal mi caj cʌq'ueñob ili lum, c'ʌlʌl ti jiñi ja' am bʌ ti Egipto c'ʌlʌl ti colem ja' i c'aba' Éufrates:

Genesis 15:5

Jiñi cha'añ lac Yum tsi' pʌyʌ loq'uel Abram ti jumpat, tsi' su'be: —Q'uele wʌle jiñi panchan, tsiqui jiñi ec' tac mi tsa' mejli a tsic. Tsi' cha' alʌ: —Che'ʌch mi' caj ti p'ojlel a p'olbal.

Genesis 18:18

che' mi caj i yochel Abraham ti ñuc bʌ tejclum, p'ʌtʌl bʌ yic'ot ba' mi caj i tajob i yutslel c t'añ pejtelel wiñicob x'ixicob año' bʌ ti pañimil?

Genesis 26:24

Ti jiñi jach bʌ ac'ʌlel lac Yum tsi' pʌsʌ i bʌ ba'añ Isaac, tsi' su'be: “Joñon i Dioson a tat Abraham. Mach a cha'len bʌq'uen, come añon quic'otet. Mi caj cʌq'ueñet i yutslel c t'añ yic'ot mi caj c p'ojlesan a walobil cha'añ i c'uxbintel c wiñic Abraham.”

Genesis 28:14

Lajal ti tsicol a p'olbal che' bajche' i ts'u'bejñal lum. Mi caj i pam pujquelob majlel c'ʌlʌl ba' mi' bʌjlel q'uiñ yic'ot ba' mi' pasel q'uiñ, yic'ot ti norte yic'ot ti sur. Cha'añet yic'ot cha'añ a p'olbal mi caj i yʌq'ueñtelob i yutslel c t'añ wiñicob x'ixicob ti jujunmojt.

Genesis 28:3

La' i yʌq'ueñet i yutslel i t'añ jiñi Dios Mach Bʌ Añic i P'isol i P'ʌtʌlel; la' i yʌq'ueñet ca'bʌl a walobilob; la' i p'olbeñet a walobilob ti' mojt ti' mojt;

Genesis 35:12

Jiñi lum tsa' bʌ cʌq'ue Abraham yic'ot Isaac mi caj cʌq'ueñet, yic'ot mi caj cʌq'ueñob a p'olbal mu' bʌ caj i tilelob.”

Genesis 47:27

Che'ʌch tsa' chumle Israel ti' lumal Egipto ya' ti lum i c'aba' Gosén; ya'i tsa' chumleyob, tsa' wen p'ojliyob i yalobilob.

Exodo 32:13

Ña'tan Abraham yic'ot Isaac yic'ot Israel, jiñi a wiñicob, tsa' bʌ a wʌq'ueyob a t'añ che' bʌ tsa' wʌlʌ: “Joñon mi caj c p'ojlesan la' p'olbal, che' bajche' c'amel añ ec' ti panchan yic'ot mi caj cʌq'ueñob la' p'olbal pejtelel ili lum tsa' bʌ c su'beyetla yic'ot mi caj i ch'ʌmob ti' wenta ti pejtelel ora.”

Exodo 6:4

Che' ja'el tsa' cʌq'ueyob xuc'ul bʌ c t'añ cha'añ mi caj cʌq'ueñob i lumal Canaán ba' tsa' poj chumleyob.

Hechos 3:25

Jatetla i yalobiletla jiñi x'alt'añob, yic'ot jiñi albil bʌ t'añ su'bil bʌ i cha'añ Dios ti' tojlel lac ñojte'el che' bʌ tsi' su'be Abraham: “Ti a p'olbal, pejtelel jiñi año' bʌ ti pañimil mi caj i tajob i wenlel.”

Gálatas 3:16

Dios tsi' yʌq'ue Abraham xuc'ul bʌ t'añ yic'ot i p'olbal. Ma'añic tsi' yʌlʌ i p'olbalob, pero tsi' yʌlʌ a p'olbal, come juntiquil jach, jiñʌch Cristo.

Gálatas 3:8

Wʌn ts'ijbubilʌch ti' t'añ Dios, cha'añ mi caj i ñusʌbeñob i mul ja'el jiñi gentilob che' xuc'ul mi' ñopob Dios, jiñi cha'añ tsa' wʌn su'benti Abraham jiñi wen t'añ: “Ti a tojlel mi caj i tajob i wenlel pejtel tejclum tac.”

Deuteronomio 13:17

Ma'añic mi caj a wis ch'ʌm jiñi chocbilix bʌ i cha'añ Dios, cha'añ mi' lajmel i mich'ajel lac Yum, cha'añ mi' pʌs i yutslel i pusic'al yic'ot cha'añ mi' p'untañetla, yic'ot cha'añ mi' p'ojlesañetla che' bajche' tsi' wʌn su'beyob la' ñojte'elob;

Deuteronomio 9:5

Mach cha'añic tojetla mi cha'añic wen la' pusic'al mi caj la' wochel ti chumtʌl ti' lumob, pero cha'añ ti' caj jontolob jiñi tejclum tac, lac Yum Dios mi' chocob loq'uel ti la' tojlel yic'ot cha'añ mi' ts'ʌctiyel i t'añ lac Yum tsa' bʌ i wʌn su'beyob la' ñojte'elob, Abraham, Isaac yic'ot Jacob.

Hebreos 11:2

Che'ʌch tsi' ñopoyob Dios jiñi ñaxan bʌ wiñicob, jiñi cha'añ Dios tsi' q'ueleyob ti uts'at.