Genesis 24:3 - Jiñi Tsiji' bʌ Wen T'añ cha'añ Estudio

³ Ac'ʌ a t'añ ti' c'aba' lac Yum, i Dios bʌ panchan yic'ot pañimil, cha'añ ma'añic mi caj a yajcʌben i yijñam calobil ti' tojlel xch'oc bʌ i yalobilob cananeojob wʌ' ba' chumulon.

Genesis 24:3 Iomraidhean Croise

Genesis 14:19

Melquisedec tsi' yʌq'ue i yutslel i t'añ Abram, tsi' yʌlʌ: “La' aq'uentic Abram i yutslel i t'añ jiñi C'ax Ñuc Bʌ Dios, tsa' bʌ i mele panchan yic'ot pañimil.

Genesis 14:22

Abram tsi' jac'be i rey Sodoma: —Tsa' cʌc'ʌ c t'añ ti' tojlel c Yum, jiñi C'ax Ñuc Bʌ Dios, jiñi tsa' bʌ i mele panchan yic'ot pañimil,

Genesis 21:23

Jiñi cha'añ wʌle yom ma' wʌc' a t'añ ti' tojlel Dios cha'añ ma'añic mi caj a tic'lañon mi jiñic calobil mi jiñic c buts, che' bajche' tsa' c melbeyet chuqui uts'at che'ʌch yom ma' melbeñon ja'el yic'ot jiñi año' bʌ ti ili lum ba' chumulet wʌle.

Genesis 24:7

Lac Yum, i Dios bʌ panchan, tsa' bʌ i pʌyʌyon loq'uel ti yotot c tat ya' tic lumal ba'añ c pi'ʌlob, jiñʌch tsa' bʌ i pejcayon, tsa' bʌ i yʌq'ueyon i t'añ, tsi' yʌlʌ: “Mi caj cʌq'uen a p'olbal ili lum.” Dios mi caj i choc majlel i yángel ti a tojel cha'añ ma' pʌy tilel i yijñam calobil ya'i.

Genesis 27:46

Ti wi'il Rebeca tsi' su'be Isaac: —Xc'ojyiyon cha'añ jiñi x'ixicob ch'oyolo' bʌ ti Het. Mi tsi' pʌyʌ Jacob ti yijñam i yalobilob Het, jiñi x'ixicob chumulo' bʌ ti ili lum, ¿chuqui to que'tel che' chʌn cuxulon?

Genesis 28:1

Jiñi cha'añ Isaac tsi' pʌyʌ tilel Jacob, tsi' yʌq'ue i yutslel i t'añ, tsi' yʌq'ue mandar: “Mach a pʌy a wijñam ba'añ i yalobilob Canaán.

Genesis 28:8

Che' bʌ tsi' q'uele Esaú cha'añ Isaac mach uts'atic tsi' q'uele xch'oc bʌ yalobilob jiñi año' bʌ ti Canaán;

Genesis 34:9

La' i cha'leñob ñujpuñijel la calobilob, aq'ueñon lojon xch'oc bʌ la' walobilob, che' ja'el pʌyʌla xch'oc bʌ calobilob lojon.

Genesis 38:2

Ya'i tsi' q'uele xch'oc i c'aba' Súa, i yalobil juntiquil cananeo; tsi' pʌyʌ cha'añ i yijñam, tsa' ajñi yic'ot.

Genesis 47:31

Israel tsi' yʌlʌ: —Yom ma' wersa aq'ueñon a t'añ. Jiñi cha'añ José tsi' wersa aq'ue i t'añ. Che' jiñi Israel tsi' c'uchchoco i bʌ ya' ti' jol i wʌyib.

Genesis 50:25

José tsi' su'be i yalobilob Israel cha'añ mi' yʌc'ob i t'añ ti' tojlel, tsi' yʌlʌ: —Isujm Dios mi caj i ña'tañetla, mi caj i yʌq'ueñetla la' q'uech majlel c bʌquel che' mi la' loq'uel ilayi.

Genesis 6:2

Che' bʌ tsi' q'ueleyob i yalobilob Dios jiñi xch'oc bʌ i yalobilob wiñicob che' wen i t'ojolob jax, tsi' pʌyʌyob ti yijñam che' bajche' jaytiquil tsi' mulayob.

Genesis 6:4

Añ wen chaño' bʌ wiñicob x'ixicob ti jim bʌ ora yic'ot ja'el che' bʌ tsi' pi'leyob i bʌ i yalobilob Dios yic'ot jiñi xch'oc bʌ i yalobilob wiñicob, tsa' tili i yalobilob; jiñobʌch ch'ejl bʌ wiñicob año' bʌ ti wajali, tsa' bʌ wen q'uejliyob ti ñuc.

Exodo 20:7

Mach a lon tajben i c'aba' a Yum Dios, come ma'añic mi caj i ñusʌben i mul jiñi mu' bʌ i lon tajben i c'aba'.

Exodo 22:11

jiñi wiñic mi caj i wa'chocon i t'añ ti' tojlel lac Yum cha'añ ma'añic tsi' xujch'ibe i chu'bʌañ i pi'ʌl: i yum jiñi chu'bʌañʌl, mi caj i ñopben i t'añ, che' jiñi ma'añic mi caj i yʌq'ueñ i toj.

Exodo 23:13

Ch'ʌmʌla ti la' wenta pejtelel chuqui tsa' c su'beyetla. Mach mi la' pejcan yam bʌ dios tac mi yomic mi la' wʌlben i c'aba'.

Exodo 34:16

yic'ot ame la' pʌyben xch'octaco' bʌ i yalobilob cha'añ i yijñam la' walobilob, che' mi' ch'ujutesañob i diosob jiñi xch'octacob, mi caj i xic'beñob la' walobilob cha'añ mi' ch'ujutesañob ja'el, che' jiñi la' walobilob mi caj i tsajcʌbeñob i diosob.

Levitico 19:12

“Mach mi la' lon wa'chocon la' t'añ tij c'aba', come che' jiñi mi la' bi'b-esan j c'aba', come Joñon, la' Yumon.”

Numeros 5:21

(jiñi motomaj mi caj i su'ben jiñi x'ixic ili xuc'ul bʌ t'añ mu' bʌ i ch'ʌm tilel wocol): La' i yʌq'ueñet a wocol lac Yum cha'añ mi' q'uelob pejtelel a pi'ʌlob, la' sijt'ic a ñʌc' yic'ot la' ochiquet ti to'ol wa'al bʌ x'ixic,

1 Corintios 7:39

Jiñi x'ixic añ ti' wenta i ñoxi'al che' cuxul to, mi tsa' chʌmi i ñoxi'al mi mejlel i cha' cha'len ñujpuñel mi yom, pero yom yic'ot wiñic ochem bʌ ti lac Yum.

Deuteronomio 10:20

Yom mi la' bʌc'ñan lac Yum Dios, jiñi jach yom mi la' melben i ye'tel, yom mi la' tsajcan yic'ot cojach yom mi la' wa'chocon la' t'añ ti' c'aba' lac Yum.

Deuteronomio 6:13

Yom mi la' bʌc'ñan lac Yum Dios, cojach jiñi mi caj la' ch'ujutesan, yic'ot ti' c'aba' mi caj la' wa'chocon la' t'añ.

Hebreos 6:16

Ti isujm, wiñicob mi' tajbeñob i c'aba' jiñi ñumen ñuc bʌ cha'añ mi' xuc'chocoñob i t'añ, che' mi' xuc'chocoñob ti' c'aba' yam bʌ, ma'añix majch mi mejlel i jem.