Genesis 22:1 - Jiñi Tsiji' bʌ Wen T'añ cha'añ Estudio

¹ Che' bʌ tsa' ujti iliyi, Dios tsi' q'uelbe i pusic'al Abraham. Tsi' su'be: —Abraham. Abraham tsi' jac'ʌ: —Wʌ'añon.

Chol de Tumbalá Bible

¹ Che' bʌ tsa' ujti iliyi, Dios tsi' yʌc'ʌ ti prueba Abraham. Tsi' pejca: Abraham, che'en. Tsi' jac'ʌ: Wʌ' añon, che'en.

Chol: I T’an Dios

¹ Che' bʌ tsa' ujti iliyi, Dios tsi' yʌc'ʌ ti prueba Abraham. Tsi' pejca: Abraham, che'en. Tsi' jac'ʌ: Wʌ' añon, che'en.

Genesis 22:1 Iomraidhean Croise

Genesis 15:1

Che' ujtemix iliyi tsa' tili i t'añ lac Yum ba'añ Abram che' bajche' ti' ñajal, tsi' yʌlʌ: —Abram, mach a cha'len bʌq'uen, joñon a mʌctʌjibon, wen ñuc a chobejtʌbal mi caj a taj.

Genesis 21:11

Wen wocol tsi' yu'bi Abraham cha'añ i t'añ Sara come Ismael i yalobilʌch ja'el.

Genesis 22:11

Che' jiñi i yángel lac Yum am bʌ ti panchan tsi' pejca: —¡Abraham, Abraham! Abraham tsi' jac'ʌ: —Wʌ'añon.

Genesis 22:7

Ti wi'il Isaac tsi' su'be Abraham i tat: —C tat. Abraham tsi' jac'ʌ: —Calobil, wʌ'añon. Isaac tsi' su'be: —Añix laj c'ajc yic'ot lac si', pero ¿baqui añ jiñi tʌñʌme' cha'añ mi' pulel cha'añ i majtañ Dios?

Genesis 37:13

Jiñi cha'añ Israel tsi' su'be José: —Jiñi a wʌscuñob ya'añob ti Siquem cha'añ i buc'sʌntel tʌñʌme'. La', mi caj c choquet majlel ba'añ a wʌscuñob. —Wʌ'añon —che' tsi' jac'ʌ José.

Genesis 46:2

Dios tsi' pejca Israel ti' ñajal che' ti ac'ʌlel, tsi' su'be: —Jacob, Jacob. —Israel tsi' jac'ʌ: —Umba'añon.

Exodo 16:4

Lac Yum tsi' su'be Moisés: —Awilan, mi caj c chocbeñetla tilel waj tilem bʌ ti panchan. Jiñi wiñicob x'ixicob mi caj i loq'uelob cha'añ mi' tempañob bajche' c'amel mi' c'uxob ti jujump'ejl q'uiñ, cha'añ mij q'uel mi woli i jac'ob c mandar o mi ma'añic.

Exodo 3:4

Che' bʌ tsi' q'uele lac Yum cha'añ woli' lʌc'tesan majlel i bʌ Moisés cha'añ mi' q'uel jiñi alʌ te', che' jiñi Dios tsi' cha'le t'añ ya' ti jiñi alʌ te', tsi' yʌlʌ: —¡Moisés, Moisés! Tsi' jac'ʌ: —Wʌ'añon.

1 Corintios 10:13

Ma'añic mi junchajpic la' pʌyol ti mulil mach bʌ añic tsi' yu'biyob yaño' bʌ, pero xuc'ul i pusic'al Dios, ma'añic mi' yʌq'ueñetla la' taj la' pʌyol ti mulil mach bʌ mejlic la' cuch, che' mi la' pʌjyel ti mulil, Dios mi' yʌq'ueñetla la' p'ʌtʌlel cha'añ mi la' cuch, che' jiñi mi mejlel la' loq'uel ba' pʌybilet ti mulil.

Deuteronomio 13:3

mach mi la' ñʌch'tʌben i t'añ jiñi x'alt'añ yic'ot jiñi mu' bʌ i ñajlen chuqui tac mi' yujtel, come lac Yum Dios woli' q'uelbeñetla la' pusic'al cha'añ mi' tsictiyel mi woli la' c'uxbin lac Yum Dios ti pejtelel la' pusic'al yic'ot ti pejtelel la' ch'ujlel.

Deuteronomio 8:16

tsa' bʌ i yʌq'ueyetla la' c'ux maná ya' ti' tiquiñal lum, waj mach bʌ añic tsi' q'ueleyob la' ñojte'elob, tsa' bʌ i yʌq'ueyetla wocol yic'ot i q'uelol la' pusic'al, cha'añ mi yʌq'ueñetla la' wenlel ti wi'il,

Deuteronomio 8:2

Yom c'ajal la' cha'añ pejtelel jiñi bij tsa' bʌ la' xʌñʌ ya' ti' tiquiñal pañimil ba' tsi' pʌyʌyetla tilel lac Yum Dios, ili cha'c'al ja'b cha'añ mi' yʌq'ueñetla wocol, cha'añ mi' q'uel la' pusic'al, cha'añ mi' ña'tan chuqui añ ti la' pusic'al, mi mux la' jac'ben i mandar o mi ma'añic.

Hebreos 11:17

Cha'añ tsi' ñopo Dios Abraham, che' bʌ tsa' ilʌbenti i pusic'al tsi' yʌc'ʌ Isaac jiñi cojach bʌ i yalobil cha'añ i majtañ Dios,

Santiago 2:21

¿Mach ba añic tsa' q'uejli ti toj lac tat Abraham cha'añ ti wen bʌ i melbal che' bʌ tsi' yʌc'ʌ ti chʌmel i yalobil i c'aba' Isaac ya' ti' pulʌntib i majtañ Dios?

1 Pedro 1:7

cha'añ mi' tsictiyel mi xuc'ul woli la' ñop, ñumen uts'at i xuc'tʌlel la' pusic'al ti Cristo bajche' oro mu' bʌ i jilel, woli la' ñusan wocol che' bajche' mi' ñumel oro ti c'ajc cha'añ mi' q'uejlel mi mero orojʌch, che' tsa'ix ñumi la' wocol, mi caj i sujbel la' ñuclel, mi caj la' c'uxbintel, mi caj la' q'uejlel ti ñuc che' mi' tsictiyel Jesucristo,