Genesis 21:2 - Jiñi Tsiji' bʌ Wen T'añ cha'añ Estudio

² Sara tsa' caji i cʌntan i yalobil, tsi' yʌq'ue Abraham ch'itoñ bʌ i yalobil che' ñoxix che' bajche' tsi' wʌn su'be lac Yum.

Genesis 21:2 Iomraidhean Croise

Genesis 17:19

Dios tsi' jac'ʌ: —Isujm Sara jiñi a wijñam mi caj i yʌq'ueñet juntiquil ch'itoñ bʌ a walobil, mi caj a wotsʌben i c'aba' ti Isaac. Mi caj c wa'chocon xuc'ul bʌ c t'añ yic'ot Isaac, yic'ot i p'olbal ti pejtelel ora.

Genesis 17:21

Pero joñon mi caj c wa'chocon xuc'ul bʌ c t'añ yic'ot Isaac mu' bʌ caj i yʌc' ti pañimil Sara che' bajche' ti ili ora ti yam bʌ ja'b.

Genesis 18:10

Che' jiñi tsi' yʌlʌ: —Isujm ti yam bʌ ja'b mi caj c cha' tilel ba'añet, ti jimbʌ q'uiñ Sara a wijñam mi caj i yilan pañimil ch'itoñ bʌ i yalobil. Sara woli' ñʌch'tan ya' ti ti' yotot che' woliyob ti t'añ Abraham.

Genesis 18:14

¿Am ba chuqui wocol mach bʌ mejlic i mel Dios? Che' mi' ts'ʌctiyel i yorajlel mi caj c cha' tilel ba'añet, ti jim bʌ ora Sara mi caj i yilan pañimil ch'itoñ bʌ i yalobil.

Lucas 1:36

Awilan, a pi'ʌl Elisabet jiñi a cʌñʌ bʌ wolix i cʌntan ch'itoñ bʌ i yalobil ja'el, anquese ca'bʌlix i ja'bilel. Wʌcp'ejlix uw woli' cʌntan alʌl jiñi tsa' bʌ ajli ti to'ol wa'al jach bʌ x'ixic.

Hechos 7:8

Dios tsi' yʌq'ue Abraham jiñi xuc'ul bʌ t'añ cha'añ tsep pʌchʌlel, jiñi cha'añ che' waxʌcp'ejl jaxto i q'uiñilel Isaac tsi' tsepbe i pʌchʌlel; lajal tsi' mele Isaac, tsi' tsepbe i pʌchʌlel i yalobil i c'aba' Jacob, yic'ot Jacob ti' tojlel jiñi lajchʌntiquil i yalobilob, i ñojte'elob Israel.

Romanos 9:9

come jiñi t'añ tsa' bʌ su'benti Abraham jiñʌch iliyi: “Ti yam bʌ ja'b cha' talon, Sara mi caj i yʌc' ti pañimil ch'itoñ bʌ i yalobil.”

Gálatas 4:22

Come ts'ijbubil añ cha'tiquil i yalobil Abraham, juntiquil i yalobilʌch criada, yam bʌ i yalobilʌch jiñi libre bʌ mach bʌ criadajic.

Hebreos 11:11

Che' ja'el Sara tsi' ñopo Dios, anquese to'ol wa'al jach bʌ x'ixic, pero tsa' aq'uenti i p'ʌtʌlel cha'añ mi cʌntan yic'ot cha'añ mi yilan pañimil i yalobil, anquese ca'bʌlix i ja'bilel, come tsi' ñopo cha'añ mi caj i ts'ʌctiyel i t'añ Dios che' bajche' tsi' su'be.