Genesis 20:3 - Jiñi Tsiji' bʌ Wen T'añ cha'añ Estudio

³ Pero Dios tsi' su'be Abimelec ti' ñajal che' ti ac'ʌlel: “Mi caj a chʌmel cha'añ jiñi x'ixic tsa' bʌ a pʌyʌ, come ñujpuñijem añ i ñoxi'al”.

Chol de Tumbalá Bible

³ Pero Dios tsi' sube Abimelec ti ñajal che' ti ac'ʌlel: Awilan, mi caj a chʌmel cha'an jini x'ixic tsa' bʌ a pʌyʌ, come i yijñamʌch winic.

Chol: I T’an Dios

³ Pero Dios tsi' sube Abimelec ti ñajal che' ti ac'ʌlel: Awilan, mi caj a chʌmel cha'an jini x'ixic tsa' bʌ a pʌyʌ, come i yijñamʌch winic.

Genesis 20:3 Iomraidhean Croise

Genesis 12:17

Pero lac Yum tsi' yʌq'ue wocol faraón yic'ot ca'bʌl c'am-ʌjel ti' tojlel jiñi año' bʌ ti' yotot cha'añ ti' caj Sarai, i yijñam Abram.

Genesis 12:18

Jiñi cha'añ faraón tsi' pʌyʌ tilel Abram, tsi' su'be: “¿Chucoch tsa' melbeyon che' bajche' iliyi? ¿Chucoch ma'añic tsa' su'beyon mi a wijñam jiñi x'ixic?

Genesis 20:7

Wʌle mi caj a cha' aq'uen i yijñam jiñi wiñic, come x'alt'añʌch, mi caj i mel oración cha'añet cha'añ cuxul ma' wajñel. Pero mi ma'añic ma' cha' sutq'uin jiñi x'ixic, yom ma' ña'tan ti isujm mi caj a chʌmel yic'ot pejtelel a cha'año' bʌ.”

Genesis 28:12

Tsi' cha'le ñajal: Tsi' q'uele jump'ejl tec'oñib wa'al bʌ ti lum, c'ʌlʌl tsi' taja panchan. I yángelob Dios mi' letselob mi' ju'belob ya' ti tec'oñib.

Genesis 31:24

Pero ti jiñi ac'ʌlel Dios tsi' su'be Labán jiñi arameo ti' ñajal, tsi' su'be: “Tsajiletme, mach me a pejcan Jacob ti tsʌts bʌ t'añ.”

Genesis 37:5

José tsi' cha'le ñajal, tsi' su'be i yʌscuñob chuqui tsi' q'uele ti' ñajal; ixcu i yʌscuñob tsa' caji ñumen ts'a'leñob.

Genesis 37:9

Ti wi'il tsi' cha' cha'le ñajal, tsi' cha' su'beyob i yʌscuñob, tsi' yʌlʌ: —Tsa' c cha' cha'le ñajal. Tsa' c ñajle cha'añ jiñi q'uiñ yic'ot uw yic'ot junlujump'ejl ec' tsi' c'uchchocoyob i bʌ tic tojlel.

Genesis 40:5

Ti jump'ejl bʌ ac'ʌlel jiñi cha'tiquil ñup'ulo' bʌ ti mʌjquibʌl, jiñi xñusa vino yic'ot jiñi xmel pan i cha'añ jiñi rey ti Egipto, tsi' cha'leyob ñajal ti jujuntiquil ti jiñi jach bʌ ac'ʌlel, mach lajalic jiñi ñajal tsa' bʌ i cha'leyob, mach lajalic isujmlel ja'el.

Genesis 40:8

Tsi' jac'ʌyob: —Tsa' c cha'le lojon ñajal, ma'añic majqui mi' mejlel i su'beñon lojon isujmlel. José tsi' su'beyob: —¿Mach ba tilemic ti Dios isujmlel? Su'beñonla chuqui tsa' la' ñajle.

Genesis 46:2

Dios tsi' pejca Israel ti' ñajal che' ti ac'ʌlel, tsi' su'be: —Jacob, Jacob. —Israel tsi' jac'ʌ: —Umba'añon.

Numeros 22:9

Che' jiñi tsa' tili Dios i pejcan Balaam, tsi' c'ajtibe: —¿Majquiyob ili wiñicob wʌ' bʌ añob a wic'ot?

Mateo 1:20

Che' bʌ woli' ña'tan ti' pusic'al, awilan, tsa' tsictiyi i yÁngel lac Yum ti' ñajal. Jiñi ángel tsi' yʌlʌ: “José i yalobilet bʌ David, mach a bʌc'ñan a pʌy María cha'añ a wijñam, come jiñʌch jiñi Ch'ujul bʌ Espíritu tsa' bʌ i yʌq'ue i yalobil María mu' bʌ i caj ti tsictiyel.

Mateo 27:19

Che' buchul Pilato ti melobʌjʌl, i yijñam tsi' chocbe tilel t'añ tsi' yʌlʌ: —Ma'añic chuqui yom ma' tumben jiñi toj bʌ wiñic, come sajmʌl wen ca'bʌl tsa' cu'bi wocol tic ñajal cha'añ jiñi wiñic.