Genesis 19:3 - Jiñi Tsiji' bʌ Wen T'añ cha'añ Estudio

³ Pero Lot tsi' wersa su'beyob cha'añ mi' majlelob ti yotot. Jiñi cha'tiquil tsi' jac'ʌyob majlel, tsa' ochiyob ti yotot. Lot tsi' chajpʌbeyob i bʌl i ñʌc', tsi' pojpobeyob waj mach bʌ añic i levadurajlel, tsi' c'uxuyob.

Chol de Tumbalá Bible

³ Lot tsi' wersa subeyob ochel. Tsi' jac'ʌyob. Tsa' ochiyob ti' yotot. Lot tsi' chajpʌbeyob i bʌl i ñʌc'. Tsi' pojpobeyob waj. Tsi' c'uxuyob.

Chol: I T’an Dios

³ Lot tsi' wersa subeyob ochel. Tsi' jac'ʌyob. Tsa' ochiyob ti' yotot. Lot tsi' chajpʌbeyob i bʌl i ñʌc'. Tsi' pojpobeyob waj. Tsi' c'uxuyob.

Genesis 19:3 Iomraidhean Croise

Genesis 19:2

Tsi' su'beyob: —Wʌle c yumob, la' wocolic, yom mi la' tilel ti yotot ili la' wiñic cha'añ mi la' c'aj la' woj yic'ot cha'añ mi la' poc la' woc. Che' ti sʌc'ajel mi' mejlel la' ch'ojyel cha'añ mi la' cha' majlel. Jiñi cha'tiquil tsi' jac'ʌyob: —Ma'añic, mi caj c ñusan lojon ac'ʌlel ti jumpat.

Genesis 21:8

Tsa' coli jiñi alʌ ch'itoñ, tsa' chilbenti i chu'. Abraham tsi' mele q'uiñijel che' bʌ tsa' chilbenti i chu' Isaac.

Genesis 24:31

Labán tsi' su'be: —La', c'uxbibilet bʌ i cha'añ lac Yum. ¿Chucoch añet ti jumpat? Tsa'ix c chajpʌbeyet a wotot yic'ot yajñib camello tac.

Genesis 26:30

Jiñi cha'añ Isaac tsi' melbeyob q'uiñijel, tsi' cha'leyob we'el uch'el.

Exodo 12:15

Wucp'ejl q'uiñ mi caj la' c'ux waj mach bʌ añic i levadurajlel. Che' ti' tejchibal jiñi q'uiñijel mach yomic mi ts'ita'ic levadura ti la' wotot, come majqui jach mi' c'ux añ tac bʌ i levadurajlel che' woli jiñi q'uiñijel, mi caj i chojquel loq'uel ti' tojlel israelob.

Exodo 12:39

Jiñi sa' tsa' bʌ i ch'ʌmʌyob loq'uel ti Egipto tsi' meleyob ti waj che' ma'añic i levadurajlel, come maxto xʌc'bilic ti levadura, come che' bʌ tsa' chojquiyob loq'uel ti Egipto ma'añix tsi' tajbeyob i yorajlel cha'añ mi chajpañob i waj.

Lucas 11:8

Mic su'beñetla: Anquese cʌñʌlet i cha'añ, mach yomic ch'ojyel i yʌq'ueñet jiñi waj, pero che' ma' chʌn c'ajtiben mi caj i ch'ojyel i yʌq'ueñet pejtelel chuqui yom.

Lucas 14:23

I yum tsi' su'be jiñi x'e'tel i cha'añ: “Cucu ti bij tac yic'ot ti mucu bij, wersa pʌyʌyob tilel cha'añ mi' bujt'el cotot.

Lucas 5:29

Ti wi'il Leví tsi' mele q'uiñijel ti' yotot; ya'añ ja'el ca'bʌl xch'ʌm tojoñelob yic'ot yaño' bʌ ya' ti' mesa.

Juan 12:2

Che' ti ic'ajel ya'i tsi' tem c'uxuyob waj, Marta tsi' we'sayob, ya' buchul Lázaro yic'ot Jesús yic'ot yaño' bʌ ti' t'ejl mesa.

1 Corintios 5:8

Jiñi cha'añ la' lac mel q'uiñijel ti uts'at, mach yic'otic tsucul bʌ levadura, jiñʌch jontolil yic'ot mulil, yom jiñi isujm bʌ waj mach bʌ añic i levadurajlel, jiñʌch i sʌclel lac pusic'al.

2 Corintios 5:14

Come i c'uxbiya Cristo mi' wersa xic'beñon lojon, come mic ña'tan lojon mi tsa' chʌmi juntiquil wiñic cha'añ pejtelel wiñicob x'ixicob, che' jiñi, ti Cristo tsa' laj chʌmiyonla cha'añ mi' jilel i p'ʌtʌlel mulil ti lac tojlel,

Hebreos 13:2

Mach ñajʌyic ti la' pusic'al i p'untʌntel jiñi xñumelob mach bʌ cʌñʌlobic la' cha'añ, añ i tajol tsi' yotsayob ángelob ti yotot lac tatob che' mach cʌmbilobic i cha'añob.