Genesis 17:1 - Jiñi Tsiji' bʌ Wen T'añ cha'añ Estudio

¹ Che' bolomlujump'ejlix i jo'c'al (99) i ja'bilel Abram, lac Yum tsi' pʌsbe i bʌ Abram, tsi' su'be: —Joñon jiñi Dios Mach Bʌ Añic i P'isol i P'ʌtʌlel. Yom ma' wajñel tic tojlel yic'ot yom wen uts'at ma' wajñel.

Chol de Tumbalá Bible

¹ Che' lujump'ejlix yic'ot bolomp'ejl i jo'c'al (99) i jabilel Abram, lac Yum tsi' pʌsbe i bʌ Abram. Tsi' sube: Joñon P'ʌtʌl bʌ Dioson. Yom ma' wajñel tic tojlel. Ts'ʌcʌl yom i wenlel a pusic'al ti pejtelel ora. Ts'ʌcʌl yom i yuts'atlel a pusic'al.

Chol: I T’an Dios

¹ Che' lujump'ejlix yic'ot bolomp'ejl i jo'c'al (99) i jabilel Abram, lac Yum tsi' pʌsbe i bʌ Abram. Tsi' sube: Joñon P'ʌtʌl bʌ Dioson. Yom ma' wajñel tic tojlel. Ts'ʌcʌl yom i wenlel a pusic'al ti pejtelel ora. Ts'ʌcʌl yom i yuts'atlel a pusic'al.

Genesis 17:1 Iomraidhean Croise

Genesis 12:1

Lac Yum tsi' su'be Abram: Loq'uen ti a lumal ba'añ a pi'ʌlob yic'ot ti' yotot a tat, cucu ya' ti jiñi lum mu' bʌ caj c pʌsbeñet.

Genesis 12:7

Tsi' pʌsʌ i bʌ lac Yum ti' wut Abram, tsi' su'be: “Mi caj cʌq'uen a p'olbal ili lum.” Abram tsi' wa'chocobe i pulʌntib i majtañ lac Yum, ba' tsi' pʌsʌ i bʌ ti' wut Abram.

Genesis 16:16

Añix wʌcp'ejl i jo'c'al (86) i ja'bilel Abram che' bʌ tsi' yila pañimil Ismael tsa' bʌ i yʌc'ʌ ti pañimil Agar.

Genesis 18:1

Lac Yum tsi' pʌsʌ i bʌ ti' tojlel Abraham ba'añ jiñi alʌ te'el ya' ti Mamre, che' ya' buchul Abraham ti ti' pisil bʌ i yotot, che' wen c'uxix q'uiñ.

Genesis 18:14

¿Am ba chuqui wocol mach bʌ mejlic i mel Dios? Che' mi' ts'ʌctiyel i yorajlel mi caj c cha' tilel ba'añet, ti jim bʌ ora Sara mi caj i yilan pañimil ch'itoñ bʌ i yalobil.

Genesis 24:40

Che' jiñi tsi' jac'beyon: “Jiñi lac Yum Dios woli bʌ i yajñel quic'ot, mi caj i choc majlel i yángel a wic'ot cha'añ mi' coltañet ti a xʌmbal; mi caj a sʌclʌben i yijñam calobil ti' tojlel c pi'ʌlob ti yotot c tat.

Genesis 26:2

Lac Yum tsi' pʌsʌ i bʌ ba'añ Isaac, tsi' su'be: “Mach ma' majlel ti Egipto; yom ma' chumtʌl ti jiñi lum ba' mi caj c su'beñet.

Genesis 28:3

La' i yʌq'ueñet i yutslel i t'añ jiñi Dios Mach Bʌ Añic i P'isol i P'ʌtʌlel; la' i yʌq'ueñet ca'bʌl a walobilob; la' i p'olbeñet a walobilob ti' mojt ti' mojt;

Genesis 35:11

Che' ja'el Dios tsi' su'be: “Joñoñʌch jiñi Dios Mach Bʌ Añic i P'isol i p'ʌtʌlel: La' p'ojlic a walobilob; la' ochiquet ti ñuc bʌ tejclum yic'ot la' loq'uicob ca'bʌl tejclum tac ti a tojlel, yic'ot mi caj i loq'uel reyob tilemo' bʌ ti a p'olbal.

Genesis 43:14

Jiñi Dios Mach Bʌ Añic i P'isol i P'ʌtʌlel, la' i melben i pusic'al jiñi wiñic cha'añ mi' p'untañetla yic'ot la' i colbeñetla la' weran yic'ot Benjamín; mi tsa' cʌleyon che' ma'añix calobil, la' ajñicon ti me'ba'.

Genesis 46:3

Dios tsi' su'be: —Joñon Dioson, i Dioson a tat; mach a bʌc'ñan majlel ti Egipto, come ya'i mi caj c wen p'ojlesan a walobilob.

Genesis 48:15

Jacob tsi' yʌq'ue José i yutslel i t'añ, tsi' yʌlʌ: “Jiñi Dios tsa' bʌ i tsajcayob majlel c tatob, Abraham yic'ot Isaac, jiñʌch tsa' bʌ i we'sayon che' bʌ tsa' quila pañimil c'ʌlʌl wʌle,

Genesis 48:3

tsi' su'be José: —Jiñi Dios mach bʌ añic i p'isol i p'ʌtʌlel, tsi' pʌsbeyon i bʌ ya' ti Luz am bʌ ti' lumal Canaán, tsi' yʌq'ueyon i yutslel i t'añ,

Genesis 5:22

Che' bʌ tsi' yila pañimil Matusalén, xuc'ul tsa' ajñi Enoc ti' ñopol Dios jo'lujunc'al (300) ja'b; tsi' yila pañimil ch'itoñ bʌ yic'ot xch'oc bʌ i yalobilob.

Genesis 5:24

Wen xuc'ul tsi' cha'le xʌmbal Enoc ti' bijlel Dios; ma'añix tsiquil baqui tsa' majli Enoc, come Dios tsi' pʌyʌ majlel.

Genesis 6:9

Jiñobʌch i p'olbal Noé. Toj jiñi Noé, uts'at ti' wut wiñicob x'ixicob; tsi' chʌn cha'le xʌmbal Noé ti' bijlel Dios.

Exodo 6:3

Tsa' c pʌsʌ c bʌ ti' tojlel Abraham, yic'ot Isaac yic'ot Jacob, che' bajche' Dios Mach Bʌ Añic i P'isol i P'ʌtʌlel, pero ma'añic tsa' c tsictesʌbeyob j c'aba' che' bajche' Yumʌl.

Numeros 11:23

Jiñi cha'añ lac Yum tsi' jac'be Moisés: —¿Tsa'ix ba jili c p'ʌtʌlel? Mu' to caj a q'uel mi ma'añic mi' ts'ʌctiyel c t'añ.

Numeros 24:16

mi yʌl jiñi tsa' bʌ i ñʌch'tʌbe i t'añ lac Yum, jiñi cʌmbil bʌ i cha'añ i ña'tʌbal jiñi C'ax Ñuc Bʌ, jiñi tsa' bʌ pʌsbenti ti' tojlel jiñi Mach bʌ Añic i P'isol i P'ʌtʌlel; tsa' yajli, pero cañal i wut:

Mateo 19:26

Jesús, tsi' ch'ujch'uj q'ueleyob, tsi' su'beyob: —Jiñi wiñicob mach mejlicob, pero Dios mi mejlel i mel ti pejtelel.

Mateo 5:48

Jiñi cha'añ yom ts'ʌcʌl i yutslel la' pusic'al che' bajche' ts'ʌcʌl i yutslel i pusic'al la' Tat am bʌ ti panchan. Isujmlel Ba mi lac taj ti lac Biblia Dios mi' ñusʌben i mul wiñicob x'ixicob Ex 34.7,9; Lv 24.15; Sal 32.1; 51.2; Is 1.18; Mt 6.12. Mc 1.4; Lc 1.77; Hch 2.38; 13.38,39. I tojol jiñi mulil Lv 16. Heb 9.3,4; 6.7,12; 13.10-12. Jesús mi' ñusan mulil Mt 9.1-8; Lc 7.36-50. Tsa' chʌmi Jesús cha'añ i ñusʌntel lac mul Mt 26.28; Ef 1.7; Heb 10.12-18. Oración yic'ot i ñusʌntel mulil Stg 5.15,16; 1 Jn 5.16. Mulil mach bʌ añix i ñusʌntel Mc 3.29,30. Jesús tsi' cʌntesa xcʌnt'añob cha'añ i ñusʌntel mulil Jn 20.21-23.

Lucas 1:6

Ti' cha'ticlelob tojob ti' tojlel Dios. Ts'ʌcʌl tsi' jac'ʌyob pejtelel i su'bal lac Yum yic'ot i mandar.

Hechos 23:1

Jiñi cha'añ Pablo tsi' ch'ujch'uj q'uele jiñi año' bʌ i ye'tel, tsi' yʌlʌ: —Hermañujob, ma'añic mi' tejchel t'añ tic pusic'al come uts'at tsa' c ñusa q'uiñ ti' wut Dios, c'ʌlʌl wʌle.

Hechos 24:16

Jiñi cha'añ mic chʌn cha'len wersa c mel chuqui toj ti' wut wiñicob yic'ot ti' wut Dios cha'añ ma'añic mi' cajel ti t'añ c pusic'al.

Efesios 3:20

Jiñi wen p'ʌtʌl bʌ woli ti e'tel ti lac pusic'al cha'añ mi' mel ñumen ñuc bʌ i ye'tel che' bajche' pejtelel chuqui mi laj c'ajtiben yic'ot pejtelel mu' bʌ lac ña'tan,

Deuteronomio 10:17

Come lac Yum Dios, i Diosʌch jiñi diosob, i Yumʌch jiñi yumʌlob; wen ñuc bʌ Dios, wen p'ʌtʌl bʌ yic'ot wen bʌc'ñʌbil bʌ, mach bʌ jelchojquic mi' c'uxbin wiñicob x'ixicob, mi muq'uic i ch'ʌm i majtañ cha'añ mi' ñusan jontolil,

Deuteronomio 18:13

Yom toj ma' wajñel ti' tojlel a Yum Dios.

Deuteronomio 30:20

cha'añ mi la' chʌn c'uxbin lac Yum Dios, cha'añ mi la' chʌn ñʌch'tʌben i t'añ yic'ot cha'añ mi la' chʌn tsajcan, come jiñʌch la' cuxtʌlel jiñi lac Yum yic'ot jiñʌch mu' bʌ i ñajt-esan la' ja'bilel, cha'añ mi la' chumtʌl ya' ti lum mu' bʌ caj i yʌq'ueñetla lac Yum che' bajche' tsi' wʌn su'be la' ñojte'elob, Abraham, Isaac, yic'ot Jacob.

Filipenses 4:13

Ti Cristo mu' bʌ i p'ʌt-esañon mi mejlel c mel pejtelel chuqui com.

Hebreos 12:28

Jiñi cha'añ la' lac chʌn su'ben Dios wocolix i yʌlʌ cha'añ ochemoñixla ti' yumʌntel mach bʌ yujilic ñijcʌyel, la' lac ch'ujutesan Dios ti uts'at yic'ot pejtel lac pusic'al yic'ot bʌq'uen,

Hebreos 7:25

Jiñi cha'añ mi mejlel i junyajlel coltañ pejtelel jiñi mu' bʌ i lʌc'tesañob i bʌ ba'añ Dios ti' tojlel Jesús, come chʌn cuxul ti pejtelel ora, woli' chʌn tajob ti oración ti' tojlel Dios.