Genesis 15:1 - Jiñi Tsiji' bʌ Wen T'añ cha'añ Estudio

¹ Che' ujtemix iliyi tsa' tili i t'añ lac Yum ba'añ Abram che' bajche' ti' ñajal, tsi' yʌlʌ: —Abram, mach a cha'len bʌq'uen, joñon a mʌctʌjibon, wen ñuc a chobejtʌbal mi caj a taj.

Chol de Tumbalá Bible

¹ Che' ujtemix iliyi tsa' tili i t'an lac Yum ba'an Abram ti ñajal: Abram, mach a cha'len bʌq'uen. Joñon a mʌctʌjibon. Wen ñuc a chobejtʌbal mu' bʌ caj a wʌq'uentel. Che' tsi' yʌlʌ lac Yum.

Chol: I T’an Dios

¹ Che' ujtemix iliyi tsa' tili i t'an lac Yum ba'an Abram ti ñajal: Abram, mach a cha'len bʌq'uen. Joñon a mʌctʌjibon. Wen ñuc a chobejtʌbal mu' bʌ caj a wʌq'uentel. Che' tsi' yʌlʌ lac Yum.

Genesis 15:1 Iomraidhean Croise

Genesis 15:2

Abram tsi' jac'ʌ: —C Yum Dios, ¿Chuqui ye'tel c chu'bʌañ che' c'ʌlʌl wʌle ma'añic woli a wʌq'ueñon calobil, che' cojach añ x'e'tel c cha'añ ti cotot jiñi Eliezer ch'oyol bʌ ti Damasco?

Genesis 15:4

Ti wi'il lac Yum tsi' su'be: —Ma'añic mi caj i ch'ʌm a chu'bʌañ ili wiñic, jiñi mu' bʌ caj i ch'ʌm a chu'bʌañ jiñʌch ch'itoñ bʌ a walobil.

Genesis 21:17

Dios tsi' yu'bibe i t'añ jiñi ch'itoñ. I yángel Dios ti panchan tsi' pʌyʌ Agar, tsi' su'be: “¿Chuqui woli a cha'len Agar? Mach a cha'len bʌq'uen, come Dios tsi' yu'bibe i t'añ jiñi ch'itoñ ya' ba'añ.

Genesis 22:1

Che' bʌ tsa' ujti iliyi, Dios tsi' q'uelbe i pusic'al Abraham. Tsi' su'be: —Abraham. Abraham tsi' jac'ʌ: —Wʌ'añon.

Genesis 22:20

Ti wi'il tsa' caji i yu'bin Abraham cha'añ Milca tsa'ix i yila pañimil i yalobil, i yijñam bʌ i yeran i c'aba' Nacor:

Genesis 26:24

Ti jiñi jach bʌ ac'ʌlel lac Yum tsi' pʌsʌ i bʌ ba'añ Isaac, tsi' su'be: “Joñon i Dioson a tat Abraham. Mach a cha'len bʌq'uen, come añon quic'otet. Mi caj cʌq'ueñet i yutslel c t'añ yic'ot mi caj c p'ojlesan a walobil cha'añ i c'uxbintel c wiñic Abraham.”

Genesis 31:7

pero la' tat tsi' lotiyon, lujunyajl tsi' q'uexta i t'añ cha'añ i tojol que'tel, pero Dios tsi' tiq'ui cha'añ ma'añic mi' tic'lañon.

Exodo 14:13

Moisés tsi' jac'be jiñi israelob: —Mach la' cha'len bʌq'uen; yom chʌn xuc'uletla yic'ot q'uelela bajche' mi caj i coltañet lac Yum wʌle, come jiñi egiptojob woli bʌ la' q'uel wʌle, ma'añix ba' ora mi caj la' chʌn q'uel.

Numeros 12:6

Lac Yum tsi' su'beyob: “Ñʌch'tanla ili c t'añ. Che' bʌ añix x'alt'añ ti la' tojlel mi caj c pejcañob ti' ñajal. Mi caj c pejcañob che' añob ti' wʌyib.

Numeros 18:20

Lac Yum tsi' su'be Aarón: Ma'añic mi caj c t'oxbeñetla i lumob jiñi israelob mi muq'uic caj cʌq'ueñetla chuqui añ i cha'añob. Joñon la' cha'añon yic'ot la' lumon ti' tojlel israelob.

Numeros 24:4

mi yʌl jiñi tsa' bʌ i ñʌch'tʌbe i t'añ Dios, jiñi tsa' bʌ pʌsbenti ti' tojlel jiñi Mach bʌ Añic i P'isol i P'ʌtʌlel; tsa' yajli, pero cañal i wut:

Mateo 28:5

Jiñi ángel tsi' su'be jiñi x'ixicob: Jatetla mach mi la' cha'len bʌq'uen, come cujil woli la' sajcan Jesús, jiñi tsa' bʌ ch'ijle ti cruz.

Mateo 8:26

Jesús tsi' su'beyob: —¿Chucoch woliyetla ti bʌq'uen, jatetla mach bʌ añic mi la' ñop ti pejtelel la' pusic'al? —Tsa' ch'ojyi. Tsi' tiq'ui jiñi ic' yic'ot jiñi mar. Ñʌch'ʌcña tsa' lajmi jiñi ic' yic'ot jiñi mar.

Lucas 1:13

Pero jiñi ángel tsi' su'be: —Zacarías, mach a cha'len bʌq'uen, come tsa' u'binti a woración. A wijñam Elisabet mi caj i yʌc' ti pañimil ch'itoñ bʌ a walobil, mi caj a wotsʌben i c'aba' Juan.

Lucas 1:30

Jiñi ángel tsi' su'be: —María, mach ma' cha'len bʌq'uen, come uts'at woli' q'uelet Dios.

Lucas 12:32

Mach mi la' cha'len bʌq'uen anquese mach ca'bʌleticla, come la' Tat tsi' ña'ta i yotsañetla ti' yumʌntel.

Hechos 10:22

Tsi' jac'ʌyob: —Jiñi Cornelio, i yaj capitán jo'c'al soldadojob, jiñi toj bʌ wiñic, mu' bʌ i bʌc'ñan Dios, cʌmbil i cha'añ pejtelel israelob cha'añ weñʌch i melbal. Juntiquil ch'ujul bʌ ángel tsi' su'be Cornelio cha'añ mi' pʌyet majlel ti' yotot cha'añ mi' yu'bin chuqui ti t'añ ma' su'ben.

1 Corintios 3:22

mi Pablo, mi Apolos, mi Pedro, mi jiñi pañimil yic'ot chuqui woli' yujtel wʌle yic'ot chuqui mi' caj ti ujtel che' cuxuletla yic'ot che' mi la' chʌmel, laj la' cha'añʌch.

Deuteronomio 18:2

Ma'añobic i lum che' bajche' i pi'ʌlob ti Israel, come lac Yum i wentajʌch i lumob, che' bajche' tsi' wʌn su'beyob.

Deuteronomio 31:6

P'ʌt-esan la' bʌ yic'ot ch'ejl-esan la' bʌ, mach mi la' bʌc'ñañob, come lac Yum Dios temel mi caj i majlel la' wic'ot; ma'añic mi caj i cʌyetla yic'ot ma'añic mi caj i choquetla.

Hebreos 1:1

Ti oñiyi, Dios tsi' c'ʌñʌ jiñi x'alt'añob cha'añ mi' pejcan lac ñojte'el, ca'bʌl tsi' pejcayob ti' chajp ti' chajp che' bajche' yom i pejcañob ti jujunyajl,

Apocalipsis 1:17

Che' bʌ tsa' j q'uele, tsa' yajliyon ti yoc che' bajche' chʌmeñ bʌ, tsi' yʌc'ʌ ñoj bʌ i c'ʌb tic jol, tsi' su'beyon: Mach a cha'len bʌq'uen, añon ti ñaxan, añon ti' yujtibal.