Genesis 12:4 - Jiñi Tsiji' bʌ Wen T'añ cha'añ Estudio

⁴ Tsa' majli Abram che' bajche' lac Yum tsi' su'be, tsa' majli yic'ot Lot. Añix jo'lujump'ejl i chʌnc'al (75) i ja'bilel Abram che' bʌ tsa' loq'ui ti Harán.

Chol de Tumbalá Bible

⁴ Jini cha'an tsa' majli Abram che' bajche' tsi' sube lac Yum. Tsa' majli Lot yic'ot. An jo'lujump'ejl i chʌnc'al (75) i jabilel Abram che' bʌ tsa' loq'ui ti Harán.

Chol: I T’an Dios

⁴ Jini cha'an tsa' majli Abram che' bajche' tsi' sube lac Yum. Tsa' majli Lot yic'ot. An jo'lujump'ejl i chʌnc'al (75) i jabilel Abram che' bʌ tsa' loq'ui ti Harán.

Genesis 12:4 Iomraidhean Croise

Genesis 11:27

Jiñʌch i p'olbal Taré: Taré i tatʌch Abram, Nacor yic'ot Harán; jiñi Harán i tatʌch Lot.

Genesis 11:31

Taré tsi' pʌyʌ majlel Abram i yalobil yic'ot Lot jiñi i buts i yalobil bʌ Harán, yic'ot Sarai i yʌ'lib, i yijñam bʌ Abram. Temel tsa' loq'uiyob ti Ur i cha'añ caldeojob cha'añ mi' majlelob ti' lumal Canaán, pero che' bʌ tsa' c'otiyob ti Harán, ya' tsa' cʌleyob ti chumtʌl.

Genesis 13:5

Che' ja'el Lot tsa' bʌ majli yic'ot Abram, añ i cha'añ tʌñʌme', wacax yic'ot pisil tac bʌ i yotot.

Genesis 16:16

Añix wʌcp'ejl i jo'c'al (86) i ja'bilel Abram che' bʌ tsi' yila pañimil Ismael tsa' bʌ i yʌc'ʌ ti pañimil Agar.

Genesis 16:3

Che' lujump'ejlix ja'b chumul Abram ti' lumal Canaán, Sarai i yijñam Abram, tsi' pʌyʌ Agar i criada ch'oyol bʌ ti Egipto, tsi' yʌq'ue Abram i ñoxi'al cha'añ mi' pi'len.

Genesis 25:7

I ja'bilel Abraham che' bʌ wʌ'an ti pañimil jiñʌch jo'lujump'ejl i bolonc'al (175).

Genesis 28:10

Jacob tsa' loq'ui ti Beerseba, tsa' majli ti Harán.

Hechos 7:4

Che' jiñi, Abraham tsa' loq'ui ti' lumal caldeojob tsa' majli ti chumtʌl ti Harán. Che' bʌ tsa' chʌmi i tat, Dios tsi' pʌyʌ c'axel ti ili lum wʌ' ba' chumuletla wʌle.

Hebreos 11:8

Abraham tsi' ñopo Dios, jiñi cha'añ tsi' jac'ʌ i pʌyol, tsa' majli i taj i lum tsa' bʌ su'benti mi caj i yʌq'uentel; tsa' loq'ui ti' lumal anquese mach yujilic baqui woli' majlel.

Hebreos 6:15

Abraham jal tsi' pijta ti' xuc'tʌlel i pusic'al, Dios tsi' ts'ʌctesa chuqui albil i cha'añ.