Genesis 12:3 - Jiñi Tsiji' bʌ Wen T'añ cha'añ Estudio

³ Mi caj cʌq'uen i wenlel jiñi mu' bʌ i yʌq'ueñet i yutslel i t'añ yic'ot jiñi mu' bʌ i ts'a'leñet, mi caj c ts'a'len; cha'añet mi caj i tajob i wenlel wiñicob x'ixicob ti jujunmojt ti pañimil.

Chol de Tumbalá Bible

³ Mi caj c wen pejcan jini mu' bʌ i wen pejcañet. Mi caj c ts'a'len jini mu' bʌ i ts'a'leñet. Cha'añet mi caj i tajob i wenlel winicob x'ixicob ti jujunmojt ti pañimil, che'en lac Yum.

Chol: I T’an Dios

³ Mi caj c wen pejcan jini mu' bʌ i wen pejcañet. Mi caj c ts'a'len jini mu' bʌ i ts'a'leñet. Cha'añet mi caj i tajob i wenlel winicob x'ixicob ti jujunmojt ti pañimil, che'en lac Yum.

Genesis 12:3 Iomraidhean Croise

Genesis 18:18

che' mi caj i yochel Abraham ti ñuc bʌ tejclum, p'ʌtʌl bʌ yic'ot ba' mi caj i tajob i yutslel c t'añ pejtelel wiñicob x'ixicob año' bʌ ti pañimil?

Genesis 18:19

Come cujil mi caj i su'beñob i yalobilob yic'ot pejtelel año' bʌ ti' yotot, cha'añ mi' cha'leñob xʌmbal ti' bijlel lac Yum, cha'añ mi' melob chuqui tac uts'at yic'ot chuqui tac toj, cha'añ che' jiñi mi caj c ts'ʌctesan c t'añ tsa' bʌ cʌlʌ ti' tojlel Abraham.”

Genesis 22:18

Ti a p'olbal mi caj i tajob i wenlel pejtelel wiñicob x'ixicob ti pañimil, cha'añ tsa' jac'beyon c t'añ.

Genesis 24:35

Lac Yum Dios tsi' yʌq'ue ca'bʌl i wenlel c yum Abraham, tsi' yʌq'ue i ñuclel; lac Yum tsi' yʌq'ue ca'bʌl tʌñʌme', yic'ot wacax, yic'ot plata, yic'ot oro, yic'ot x'e'telob, yic'ot criadajob, yic'ot camello tac, yic'ot burro tac.

Genesis 25:11

Che' chʌmeñix Abraham, Dios tsi' yʌq'ue i yutslel i t'añ Isaac i yalobil Abraham. Tsa' chumle Isaac ba'añ jiñi pozo i c'aba' “Jiñi Cuxul bʌ mu' bʌ i q'uelon.”

Genesis 26:29

Ma'añic mi caj a tic'lañon lojon, come ma'añic tsa' c tic'layet lojon ja'el; tsa' c melbeyet lojon chuqui uts'at yic'ot tsa' c chocoyet lojon majlel ti' ñʌch'tʌlel a pusic'al. Añ i yutslel i t'añ lac Yum a wic'ot.

Genesis 26:4

Mi caj c p'ojlesan a p'olbal che' bajche' ec' ti panchan; mi caj cʌq'uen a p'olbal pejtelel ili lum; ti' tojlel a p'olbal mi caj i yʌq'ueñtelob i yutslel c t'añ wiñicob x'ixicob ti pejtelel pañimil,

Genesis 27:29

La' i yumañetob wiñicob x'ixicob ti' mojt ti' mojt. La' i c'uchchocoñob i bʌ jiñi tejclumob ti a tojlel. La' i yumañetob a werañob. La' i c'uchchocoñob i bʌ a wijts'iñob ti a tojlel. La' chojquicob pejtelel mu' bʌ i p'ajet. La' i tajob i yutslel Dios pejtelel mu' bʌ i yʌq'ueñet i yutslel i t'añ.”

Genesis 28:14

Lajal ti tsicol a p'olbal che' bajche' i ts'u'bejñal lum. Mi caj i pam pujquelob majlel c'ʌlʌl ba' mi' bʌjlel q'uiñ yic'ot ba' mi' pasel q'uiñ, yic'ot ti norte yic'ot ti sur. Cha'añet yic'ot cha'añ a p'olbal mi caj i yʌq'ueñtelob i yutslel c t'añ wiñicob x'ixicob ti jujunmojt.

Genesis 30:27

Labán tsi' jac'be: —Awocolic pʌsbeñon i yutslel a pusic'al, mach a cʌyon; come cujil lac Yum woli i yʌq'ueñon c wenlel cha'añet.

Genesis 30:30

come ts'ita' jach a chu'bʌañ che' bʌ tsa' juliyon, wʌle tsa'ix wen p'ojli; lac Yum tsi' yʌc'ʌ ti p'ojlel a chu'bʌañ cha'añ ti' caj que'tel. Wʌle yomix mic tech que'tel cha'añ jiñi año' bʌ ti cotot.

Genesis 39:5

Ti jim bʌ ora che' bʌ tsa' aq'uenti i ye'tel José ti xq'uel e'tel cha'añ pejtelel am bʌ ti yotot yic'ot i chu'bʌañ Potifar, lac Yum tsi' p'ojlesʌbe i chu'bʌañ ti yotot yic'ot ti' lum cha'añ ti' caj José.

Exodo 23:22

Mi ti isujm mi la' jac'ben i t'añ yic'ot mi mux la' mel che' bajche' mic su'beñetla, mi caj j contrajin la' contrajob yic'ot mi caj c tic'lan jiñi mu' bʌ i tic'lañetla.

Numeros 24:9

Mi' mel yic'ot mi' pʌctʌl che' bajche' bajlum, che' bajche' i ña'al bajlum. ¿Majqui mi' mejlel i ñijcan ch'ojyel? ¡Tijicñayob jiñi mu' bʌ i yʌq'ueñetob i yutslel i t'añ, pero mi' tajob wocol jiñi mu' bʌ i cha'leñob ch'ʌcojel ti a contra!”

Mateo 25:40

Jiñi Rey mi caj i su'beñob: “Isujm mic su'beñetla, che' bʌ tsa' la' colta juntiquil c quermañu, anquese mach ñuquic, joñon tsa' la' coltayon.”

Mateo 25:45

Che' jiñi, mi caj i su'beñob: “Isujm mic su'beñetla, che' bʌ ma'añic tsa' la' colta juntiquil c cha'añ bʌ anquese mach ñuquic, ma'añic tsa' la' coltayon.”

Lucas 24:27

Jesús tsa' caji i su'beñob isujmlel pejtelel i Ts'ijbujel Dios ba' tsa' tajle ti t'añ c'ʌlʌl ti' juñ Moisés c'ʌlʌl ti' juñ pejtelel x'alt'añob.

Romanos 4:11

Ti wi'il tsa' tsepbenti i pʌchʌlel Abraham cha'añ i yejtal yic'ot i sellojlel toj bʌ i pusic'al tsa' bʌ aq'uenti cha'añ tsi' ñopo Dios che' maxto tsepbilic i pʌchʌlel, cha'añ mi' yochel ti' tat pejtelelob mu' bʌ i ñopob Dios che' mach tsepbilobic i pʌchʌlel, cha'añ che' jiñi mi' q'uejlelob ti toj ja'el cha'añ tsi' ñopoyob.

1 Corintios 1:30

Come Dios tsi' yʌq'ueyetla la' wajñel ti Cristo Jesús, Dios tsi' yʌq'ueyonla Cristo jiñʌch lac ña'tʌbal tilem bʌ ti Dios, tsa' bʌ i q'ueleyonla ti toj, tsa' bʌ i sʌc-esayonla, yic'ot tsa' bʌ i yʌc'ʌyonla ti libre,

Gálatas 3:16

Dios tsi' yʌq'ue Abraham xuc'ul bʌ t'añ yic'ot i p'olbal. Ma'añic tsi' yʌlʌ i p'olbalob, pero tsi' yʌlʌ a p'olbal, come juntiquil jach, jiñʌch Cristo.

Gálatas 3:28

Come ma'añix judío bʌ, mi griegojic, mi am bʌ ti yum, o mi librejix añ, ma'añic wiñic mi x'ixic, come ti la' pejtelel jump'ejl jach añetla ti Cristo Jesús.

Gálatas 3:8

Wʌn ts'ijbubilʌch ti' t'añ Dios, cha'añ mi caj i ñusʌbeñob i mul ja'el jiñi gentilob che' xuc'ul mi' ñopob Dios, jiñi cha'añ tsa' wʌn su'benti Abraham jiñi wen t'añ: “Ti a tojlel mi caj i tajob i wenlel pejtel tejclum tac.”

Efesios 1:3

La' sujbic i ñuclel Dios, i Tat lac Yum Jesucristo, tsa' bʌ i yʌq'ueyonla lac majtañ yic'ot pejtel chuqui uts'at ti Cristo,

Colosenses 3:11

ti Cristo mach jelchojquic mi' q'uejlelob wiñicob x'ixicob mi griego, mi judío, mi tsepbil i pʌchʌlel, mi mach tsepbilic i pʌchʌlel, mi ñajt ch'oyolob, mi mach yujilic juñ, mi añ ti' yum, o mi ma'añic i yum, pero Cristo i Yumʌch pejtelel wiñicob yic'ot pejtelel chuqui tac añ.

Apocalipsis 7:9

Awilan, ti wi'il tsa' j q'uele motocñayob wiñicob x'ixicob. Ma'añic majqui tsa' mejli i tsicob, ch'oyolob ti pejtelel tejclum tac, ti jujunmojt wiñicob, ti pejtelel lum yic'ot ti pejtelel t'añ tac. Wa'alob ti' tojel i buchlib Dios, ti' tojlel jiñi Tʌñʌme', lʌpʌl i cha'añob pʌl bʌ i bujc sʌsʌc bʌ, añ i yopol xañ ti' c'ʌb.