Genesis 12:2 - Jiñi Tsiji' bʌ Wen T'añ cha'añ Estudio

² Mi caj cʌq'ueñet ca'bʌl a p'olbal, mi caj cʌq'ueñet a wenlel, mi caj cʌc' ti cʌjñel a c'aba', yic'ot mi caj i tajob i wenlel wiñicob x'ixicob ti pejtelel pañimil cha'añet.

Chol de Tumbalá Bible

² Mi caj cʌq'ueñet cabʌl a p'olbal ti ñuc bʌ lum. Mi caj cʌq'ueñet a wenlel. Mi caj cʌc' ti cʌjñel a c'aba'. Mi caj i tajob i wenlel winicob x'ixicob ti pejtelel pañimil cha'añet.

Chol: I T’an Dios

² Mi caj cʌq'ueñet cabʌl a p'olbal ti ñuc bʌ lum. Mi caj cʌq'ueñet a wenlel. Mi caj cʌc' ti cʌjñel a c'aba'. Mi caj i tajob i wenlel winicob x'ixicob ti pejtelel pañimil cha'añet.

Genesis 12:2 Iomraidhean Croise

Genesis 13:16

Mi caj c p'ojlesan a p'olbal che' bajche' i ts'u'bejñal lum. Mi añ majqui mi' mejlel i tsic i ts'u'bejñal lum, mi caj i mejlel i tsic a p'olbal ja'el.

Genesis 15:5

Jiñi cha'añ lac Yum tsi' pʌyʌ loq'uel Abram ti jumpat, tsi' su'be: —Q'uele wʌle jiñi panchan, tsiqui jiñi ec' tac mi tsa' mejli a tsic. Tsi' cha' alʌ: —Che'ʌch mi' caj ti p'ojlel a p'olbal.

Genesis 17:20

Ixcu Ismael, mi caj cʌq'uen i yutslel c t'añ ja'el che' bajche' tsa' c'ajtibeyon. Mi caj c p'ojlesʌben i yalobil, ca'bʌl mi' caj ti p'ojlelob. Mi caj cʌq'uen lajchʌntiquil i yalobilob mu' bʌ i caj i yochelob ti rey. I p'olbal mi caj i sujtel ti colem tejclum.

Genesis 18:18

che' mi caj i yochel Abraham ti ñuc bʌ tejclum, p'ʌtʌl bʌ yic'ot ba' mi caj i tajob i yutslel c t'añ pejtelel wiñicob x'ixicob año' bʌ ti pañimil?

Genesis 18:19

Come cujil mi caj i su'beñob i yalobilob yic'ot pejtelel año' bʌ ti' yotot, cha'añ mi' cha'leñob xʌmbal ti' bijlel lac Yum, cha'añ mi' melob chuqui tac uts'at yic'ot chuqui tac toj, cha'añ che' jiñi mi caj c ts'ʌctesan c t'añ tsa' bʌ cʌlʌ ti' tojlel Abraham.”

Genesis 19:29

Che' bʌ Dios tsi' jisa jiñi tejclum tac ya' ti joctʌl, Dios tsi' ña'ta Abraham, tsi' pʌyʌ loq'uel Lot ya' ba' chumul cha'añ ma'añic mi' pulel ti c'ajc tsa' bʌ i jisa jiñi tejclum tac.

Genesis 24:1

Ñoxix Abraham, ca'bʌlix i ja'bilel. Lac Yum tsi' yʌq'ue i yutslel i t'añ ti pejtelel chuqui tac tsi' mele.

Genesis 24:35

Lac Yum Dios tsi' yʌq'ue ca'bʌl i wenlel c yum Abraham, tsi' yʌq'ue i ñuclel; lac Yum tsi' yʌq'ue ca'bʌl tʌñʌme', yic'ot wacax, yic'ot plata, yic'ot oro, yic'ot x'e'telob, yic'ot criadajob, yic'ot camello tac, yic'ot burro tac.

Genesis 25:11

Che' chʌmeñix Abraham, Dios tsi' yʌq'ue i yutslel i t'añ Isaac i yalobil Abraham. Tsa' chumle Isaac ba'añ jiñi pozo i c'aba' “Jiñi Cuxul bʌ mu' bʌ i q'uelon.”

Genesis 26:3

Yom ma' wajñel ti jiñi lum maxto bʌ a cha'añic. Mi caj cajñel a wic'ot yic'ot mi caj cʌq'ueñet i yutslel c t'añ, come mi caj cʌq'ueñet yic'ot a p'olbal pejtelel ili lum. Mi caj c ts'ʌctesan jiñi t'añ tsa' bʌ c su'be Abraham a tat.

Genesis 26:4

Mi caj c p'ojlesan a p'olbal che' bajche' ec' ti panchan; mi caj cʌq'uen a p'olbal pejtelel ili lum; ti' tojlel a p'olbal mi caj i yʌq'ueñtelob i yutslel c t'añ wiñicob x'ixicob ti pejtelel pañimil,

Genesis 27:29

La' i yumañetob wiñicob x'ixicob ti' mojt ti' mojt. La' i c'uchchocoñob i bʌ jiñi tejclumob ti a tojlel. La' i yumañetob a werañob. La' i c'uchchocoñob i bʌ a wijts'iñob ti a tojlel. La' chojquicob pejtelel mu' bʌ i p'ajet. La' i tajob i yutslel Dios pejtelel mu' bʌ i yʌq'ueñet i yutslel i t'añ.”

Genesis 28:14

Lajal ti tsicol a p'olbal che' bajche' i ts'u'bejñal lum. Mi caj i pam pujquelob majlel c'ʌlʌl ba' mi' bʌjlel q'uiñ yic'ot ba' mi' pasel q'uiñ, yic'ot ti norte yic'ot ti sur. Cha'añet yic'ot cha'añ a p'olbal mi caj i yʌq'ueñtelob i yutslel c t'añ wiñicob x'ixicob ti jujunmojt.

Genesis 35:11

Che' ja'el Dios tsi' su'be: “Joñoñʌch jiñi Dios Mach Bʌ Añic i P'isol i p'ʌtʌlel: La' p'ojlic a walobilob; la' ochiquet ti ñuc bʌ tejclum yic'ot la' loq'uicob ca'bʌl tejclum tac ti a tojlel, yic'ot mi caj i loq'uel reyob tilemo' bʌ ti a p'olbal.

Genesis 46:3

Dios tsi' su'be: —Joñon Dioson, i Dioson a tat; mach a bʌc'ñan majlel ti Egipto, come ya'i mi caj c wen p'ojlesan a walobilob.

Exodo 1:7

Pero i yalobilob jiñi israelob tsa' wen p'ojliyob, wen ca'bʌlob yic'ot wen p'ʌtʌlob, ma'añix jochol bʌ lum ba' mi' chumtʌlob.

Exodo 32:10

Jiñi cha'añ wʌle, la' to c pʌsbeñob c mich'ajel cha'añ mic jisañob; pero ti a tojlel mi caj c mel ñuc bʌ c tejclum.

Numeros 14:12

Jiñi cha'añ mi caj c jisañob ti c'am-ʌjel tac, ixcu jatet mi caj c wa'chocoñet ti' tojlel ñuco' bʌ wiñicob yic'ot ñumen p'ʌtʌlo' bʌ che' bajche'ob.

Numeros 22:12

Che' jiñi Dios tsi' su'be Balaam: —Mach yomic ma' majlel a wic'otob, mach a ch'ʌc c wiñicob come tsa'ix cʌq'ueyob i yutslel c t'añ.

Numeros 23:20

Tsa' su'bentiyon cha'añ mi cʌq'ueñob i yutslel c t'añ jiñi israelob; Dios tsi' yʌq'ueyob i yutslel i t'añ, jiñi cha'añ mach mejlic j q'uextan.

Romanos 4:11

Ti wi'il tsa' tsepbenti i pʌchʌlel Abraham cha'añ i yejtal yic'ot i sellojlel toj bʌ i pusic'al tsa' bʌ aq'uenti cha'añ tsi' ñopo Dios che' maxto tsepbilic i pʌchʌlel, cha'añ mi' yochel ti' tat pejtelelob mu' bʌ i ñopob Dios che' mach tsepbilobic i pʌchʌlel, cha'añ che' jiñi mi' q'uejlelob ti toj ja'el cha'añ tsi' ñopoyob.

Gálatas 3:14

che'ʌch tsa' ujti cha'añ ti Cristo Jesús mi' tajob i wenlel gentilob ja'el, che' bajche' Dios tsi' wʌn su'be Abraham, cha'añ mi lac laj aq'uentel jiñi Espíritu che' mi lac ñop.

Gálatas 3:7

Ña'tanla che' jiñi, pejtelel mu' bʌ i ñopob Dios i yalobilobʌch Abraham.

Deuteronomio 26:5

Che' jiñi mi caj a wʌl ili t'añ ya' ti' tojlel lac Yum Dios: “Jiñi c tat jiñʌch juntiquil arameo colel bʌ i chʌmel, tsa' bʌ ju'bi majlel ti Egipto, tsa' bʌ chumle yic'ot wiñico' bʌ i yalobilob. Ya'i tsa' wen p'ojliyob, jinto tsa' ochiyob ti colem tejclum, wen p'ʌtʌl bʌ.