Genesis 1:1 - Jiñi Tsiji' bʌ Wen T'añ cha'añ Estudio

¹ Che' ti' cajibal, Dios tsi' mele panchan yic'ot pañimil.

Chol de Tumbalá Bible

¹ Che' ti' cajibal tsi' mele Dios jini panchan yic'ot pañimil.

Chol: I T’an Dios

¹ Che' ti' cajibal tsi' mele Dios jini panchan yic'ot pañimil.

Genesis 1:1 Iomraidhean Croise

Exodo 20:11

come ti' wʌcp'ejl q'uiñ a Yum tsi' mele panchan yic'ot pañimil, jiñi mar, yic'ot pejtelel i bʌl; tsi' c'aja i yoj che' ti wucp'ejlel q'uiñ; jiñi cha'añ a Yum tsi' q'uele ti uts'at i q'uiñilel c'aj-o yic'ot tsi' q'uele ti ch'ujul.

Exodo 31:18

Che' bʌ lac Yum tsa' ujti i pejcan Moisés ya' ti wits i c'aba' Sinaí, tsi' yʌq'ue Moisés cha'q'uejl xajlel ba' ts'ijbubil i T'añ ti' c'ʌb Dios.

Mateo 11:25

Ti jim bʌ ora Jesús tsi' yʌlʌ: Mic su'b a ñuclel, c Tat, i Yumet Panchan yic'ot Pañimil; come tsa' mucbeyob a t'añ jiñi año' bʌ ca'bʌl i ña'tʌbal yic'ot jiñi p'ip'o' bʌ i pusic'al, pero tsa' wʌq'ueyob i ch'ʌmbeñob isujm jiñi lajalo' bʌ che' bajche' alʌlob.

Marcos 13:19

Come ti jim bʌ ora mi caj i tilel ca'bʌl wocol, ñumen bajche' tsa' ñumi c'ʌlʌl ti' cajibal jiñi pañimil tsa' bʌ i mele Dios, ma'añix ba ora mi caj i chʌn ujtel che' bajche' iliyi.

Hechos 14:15

tsi' yʌlʌyob: —Wiñicob, ¿chucoch mi la' mel che' bajche' iliyi? Joñon lojon wiñicon jach lojon ja'el che' bajche'etla. Woli c su'b lojon cha'añ yom mi la' cʌy jiñi lolom jach bʌ la' melbal cha'añ mi la' ñop jiñi cuxul bʌ Dios tsa' bʌ i mele panchan yic'ot pañimil yic'ot mar yic'ot pejtelel i bʌl.

Hechos 17:24

Jiñi Dios tsa' bʌ i mele pañimil yic'ot pejtelel i bʌl, jiñʌch i Yum Panchan yic'ot Pañimil, ma'añic mi' chumtʌl ti templo tac melbil bʌ ti' c'ʌb wiñicob,

Hechos 4:24

Che' bʌ tsa'ix ujti i laj u'biñob jiñi t'añ, tsi' comol pejcayob Dios, tsi' yʌlʌyob: P'ʌtʌl bʌ c Yum Dios, jatet Dioset tsa' bʌ a mele panchan yic'ot pañimil, mar yic'ot pejtelel i bʌl,

Romanos 11:36

Come ch'oyol ti Dios pejtelel chuqui tac añ, ti pejtelel cʌntʌbil i cha'añ, yic'ot i cha'añʌch Dios pejtelel chuqui tac añ. La' sujbic i ñuclel Dios ti pejtelel ora. Amén.

1 Corintios 8:6

pero ti lac tojlel añ juntiquil jach Dios, jiñʌch lac Tat. Ya' ch'oyol pejtelel chuqui tac añ, tsi' meleyonla cha'añ mi lac ñuq'uesan, yic'ot juntiquil jach lac Yum, jiñʌch Jesucristo, ti p'ʌtʌlel tsa' mejli pejtel chuqui tac añ, yic'ot añonla ja'el cha'añ Cristo.

Efesios 3:9

jiñi cha'añ mic tsictesʌbeñob pejtelel wiñicob x'ixicob jiñi ñuc bʌ i ye'tel Cristo, jiñʌch jiñi mach bʌ tsictiyemic c'ʌlʌl ti' cajibal pañimil, ba ora Dios tsi' mele pejtelel chuqui tac añ;

Hebreos 1:10

Tsi' yʌlʌ ja'el: “Jatet yumʌlet, ti' cajibal tsa' wa'choco jiñi pañimil. Jiñi panchan i melbalʌch a c'ʌb.

Hebreos 1:2

wʌle, ti ili cojix bʌ q'uiñ tac tsa'ix i c'ʌñʌ i Yalobil i pejcañonla, tsi' wa'choco cha'añ mi' yʌq'uentel pejtelel chuqui tac añ, tsi' c'ʌñʌ ti' melol pejtelel chuqui tac añ;

Hebreos 11:3

Cha'añ tsa'ix lac ñopo Dios, jiñi cha'añ la cujil tsa' mejli pañimil ti' p'ʌtʌlel jach i t'añ Dios, ma'añic tsi' c'ʌñʌ chuqui tac tsiquil ti lac wut cha'añ mi' mel jiñi pañimil woli bʌ laj q'uel wʌle.

Hebreos 3:4

Ti jujump'ejl otot añʌch majqui tsi' mele; pero jiñi tsa' bʌ i mele pejtelel chuqui tac añ, jiñʌch Dios.

2 Pedro 3:5

Mach yomic i p'isob ti' wenta bajche' tsa' ajñi panchan ti wajali, cha'añ ti' t'añ jach Dios tsi' mele pañimil, jiñi lum tsa' loq'ui ti ja', jiñi cha'añ joyolʌch ti ja'.

1 Juan 1:1

Mic ts'ijbubeñetla ili juñ cha'añ mi cʌq'ueñetla la cʌn jiñi T'añ am bʌ ti' cajibal, jiñʌch tsa' bʌ cu'bi lojon, tsa' bʌ j q'uele lojon tic wut, jiñi tsa' bʌ j q'uelbe lojon i ñuclel, jiñi tʌlʌl bʌ c cha'añ lojon. Jiñʌch jiñi T'añ mu' bʌ yʌq'ueñonla laj cuxtʌlel,

Apocalipsis 10:6

Tsi' su'bu t'añ ti' c'aba' jiñi cuxul bʌ ti pejtelel ora, tsa' bʌ i mele panchan yic'ot i bʌl, yic'ot pañimil yic'ot i bʌl, yic'ot colem mar yic'ot i bʌl, tsi' yʌlʌ mach chʌn jalix mi caj i jilel pañimil.

Apocalipsis 14:7

C'am tsi' cha'le t'añ, tsi' yʌlʌ: ¡Bʌc'ñanla Dios. Su'benla i ñuclel, tsa'ix tili i yorajlel cha'añ mi' cha'len meloñel. Ch'ujutesanla jiñi tsa' bʌ i mele panchan yic'ot pañimil, yic'ot mar, yic'ot i loq'uib ja' tac!

Apocalipsis 21:6

Tsi' su'beyon: “Ts'ʌctiyemix ti pejtelel. Joñon tsa' cʌq'ue i tejchibal pejtelel chuqui tac añ, mi cʌq'uen i jilibal. Añon ti' tejchibal, añon ti' jilibal. Jiñi am bʌ i tiquinti', ti' majtañ jach mi caj cʌq'uen ja' loq'uem bʌ ti' loq'uib ja' i yejtal bʌ i cuxtʌlel.

Apocalipsis 22:13

Joñon tsa' cʌq'ue i tejchibal pejtelel chuqui tac añ, mi cʌq'uen i jilibal, añon ti ñaxan, añon ti' yujtibal, añon ti' tejchibal, añon ti' jilibal.

Apocalipsis 3:14

Ts'ijbuben jiñi xcʌntaya i cha'añ xñopt'añob mu' bʌ i tempañob i bʌ ya' ti Laodicea: “Awilan; jiñi lac Yum, jiñi xuc'ul bʌ Testigo, jiñi ñaxan bʌ mu' bʌ i cha'len yumʌl ti' tojlel pejtel i melbal Dios, jiñʌch mu' bʌ i yʌl ili t'añ:

Apocalipsis 4:11

Uts'atet c Yum lojon. Yom mi' sujbel a ñuclel yic'ot a c'uxbintel yic'ot a p'ʌtʌlel, come jatet tsa' mele pejtelel chuqui tac añ. Ti pejtelel tsa' mejli cha'añ che'ʌch awom, tsa' laj aq'ue i cuxtʌlel.