Exodo 8:8 - Jiñi Tsiji' bʌ Wen T'añ cha'añ Estudio

⁸ Che' jiñi faraón tsi' pʌyʌ tilel Moisés yic'ot Aarón, tsi' su'beyob: —C'ajtiben la' Yum cha'añ mi' cha' loc'san jiñi xpequejc tac tic tojlel lojon, che' jiñi mux caj c choc loq'uel a pi'ʌlob cha'añ mi' majlelob i yʌq'ueñ tsʌnsʌbil bʌ i majtañ la' Yum.

Chol de Tumbalá Bible

⁸ Faraón tsi' pʌyʌ tilel Moisés yic'ot Aarón. Tsi' subeyob: C'ajtiben la' Yum cha'an mi' cha' loc'san jini xpequejc tic tojlel lojon. Mux caj c choc loq'uel a pi'ʌlob cha'an mi' majlelob i yʌq'uen tsʌnsʌbil bʌ i majtan la' Yum, che'en.

Chol: I T’an Dios

⁸ Faraón tsi' pʌyʌ tilel Moisés yic'ot Aarón. Tsi' subeyob: C'ajtiben la' Yum cha'an mi' cha' loc'san jini xpequejc tic tojlel lojon. Mux caj c choc loq'uel a pi'ʌlob cha'an mi' majlelob i yʌq'uen tsʌnsʌbil bʌ i majtan la' Yum, che'en.

Exodo 8:8 Iomraidhean Croise

Exodo 10:16

Jiñi cha'añ faraón tsi' pʌyʌ tilel ti ora Moisés yic'ot Aarón tsi' su'beyob: —Tsa' c cha'le mulil ti' tojlel la' Yum Dios yic'ot ti la' tojlel.

Exodo 10:17

Pero wʌle, mic cha'len wocol t'añ ti la' tojlel cha'añ mi la' ñusʌbeñon ili c mul anquese cojic jachix ili junyajl yic'ot c'ajtiben la' Yum Dios cha'añ mi' loc'sʌbeñon lojon ili wocol woli bʌ i jisañon lojon.

Exodo 10:18

Jiñi cha'añ Moisés tsa' loq'ui ti' tojlel faraón yic'ot tsi' pejca lac Yum.

Exodo 14:5

Che' bʌ tsa' su'benti jiñi rey ti Egipto cha'añ jiñi israelob wolix i puts'elob, jiñi faraón yic'ot i wiñicob tsa' sujti i contrajin israelob, tsi' yʌlʌyob: “¿Chucoch che' tsa' lac mele bajche' iliyi? Tsa'ix la cʌc'ʌ ti loq'uel israelob, cha'añ ma'añix mi' chʌn melob la que'tel.”

Exodo 32:11

Jiñi cha'añ Moisés tsi' pejca lac Yum Dios, tsi' yʌlʌ: —¿Chucoch C Yum, mi caj a pʌsbeñob a mich'ajel jiñi a tejclum, tsa' bʌ a loc'sa ti' lumal Egipto ti ca'bʌl a p'ʌtʌlel?

Exodo 5:2

Pero jiñi faraón tsi' jac'ʌ: —¿Majqui jiñi la' Yum? ¿Chucoch yom mic ñopben i t'añ cha'añ mic chocob majlel? Mach cʌmbilic c cha'añ la' Yum. Ma'añic mi caj c choc majlel jiñi israelob.

Exodo 8:15

Pero che' bʌ tsi' q'uele faraón lajmeñix wocol, tsa' cha' tsʌts-a i pusic'al, ma'añic tsi' jac'beyob che' bajche' tsi' yʌlʌ lac Yum.

Exodo 8:29

Moisés tsi' jac'ʌ: —Che' mic loq'uel ti a tojlel, mi caj j c'ajtiben ti wocol t'añ lac Yum cha'añ ijc'ʌl mi' cʌyet jiñi jaj tac, cha'añ mi' cʌy i tic'lan x'e'telob a cha'añ yic'ot a pi'ʌlob; cojach mach ma' chʌn lotiñon lojon, yom ma' choc loq'uel c pi'ʌlob cha'añ mi' yʌq'ueñob tsʌnsʌbil bʌ i majtañ c Yum lojon.

Exodo 8:32

Pero ti ili ora, faraón tsi' cha' tsʌts-esa i pusic'al, ma'añic tsi' choco majlel jiñi wiñicob x'ixicob.

Exodo 8:9

Moisés tsi' jac'be faraón: —Yom ma' su'b baqui ora awom mij c'ajtiben Dios cha'añ mi' jisan jiñi xpequejc tac ti la' tojlel yic'ot ti la' wotot, ya' jax mi caj i yajñel ti ja' Nilo.

Exodo 9:27

Jiñi cha'añ faraón tsi' choco ti pʌyol Moisés yic'ot Aarón, tsi' su'beyob: —Tsa'ix c cha'le mulil ti ili ora; tojʌch lac Yum, joñon yic'ot c pi'ʌlob xmulilon lojon.

Exodo 9:28

C'ajtiben lac Yum, cha'añ mi ñʌjch'el ti t'añ i chajc Dios yic'ot jiñi tuñija', che' jiñi mi caj c choquetla majlel, ma'añix mi caj c chʌn mʌctañetla.

Exodo 9:33

Che' bʌ Moisés tsa' loq'ui ti' tojlel faraón, che' loq'uemix ti jiñi tejclum, tsi' sʌts'ʌ i c'ʌb ba'añ lac Yum, che' jiñi tsa' ñʌjch'i i t'añ chajc yic'ot tuñija', che' ja'el ma'añix tsa' chʌn yajli ja'al ti lum.

Numeros 21:7

Che' jiñi tsa' tiliyob wiñicob ba'añ Moisés, tsi' su'beyob: “Tsa'ix c taja lojon c mul cha'añ tsa' c cha'le lojon t'añ ti' contra lac Yum yic'ot ti a contra; c'ajtiben lac Yum ti wocol t'añ cha'añ mi' cha' loc'san ili lucum tac tic tojlel lojon.” Moisés tsa' caji i pejcan lac Yum cha'añ mi' coltañ jiñi israelob,

Hechos 8:24

Simón tsi' jac'ʌ: —C'ajtiben lac Yum cha'añ mi' ñusʌbeñon cha'añ ma'añic mic majlel ti tojmulil che' bajche' tsa' wʌlʌ.