Exodo 7:5 - Jiñi Tsiji' bʌ Wen T'añ cha'añ Estudio

⁵ Jiñi egiptojob mi caj i ña'tañob cha'añ Yumʌlon che' mic sʌts' j c'ʌb ti contrajob cha'añ mic wersa pʌyob loq'uel jiñi israelob.

Chol de Tumbalá Bible

⁵ Jini egiptojob mi caj i ña'tañob Yumʌlon che' mic pʌsbeñob c p'ʌtʌlel cha'an mi' wersa chocob loq'uel jini israelob. Che' tsi' yʌlʌ Dios.

Chol: I T’an Dios

⁵ Jini egiptojob mi caj i ña'tañob Yumʌlon che' mic pʌsbeñob c p'ʌtʌlel cha'an mi' wersa chocob loq'uel jini israelob. Che' tsi' yʌlʌ Dios.

Exodo 7:5 Iomraidhean Croise

Exodo 10:2

cha'añ ma' su'beñob a walobilob yic'ot i yalobilob a walobilob jiñi tsa' bʌ c mele tac ti Egipto yic'ot jiñi ñuc tac bʌ i yejtal c p'ʌtʌlel tsa' bʌ c pʌsʌ ti' tojlelob, cha'añ mi la' ña'tan joñoñʌch la' Yumon.

Exodo 10:7

Che' jiñi, jiñi x'e'telob tsi' su'beyob faraón: —¿Jayp'ejl to q'uiñ mi caj i chʌn tic'lañonla ili wiñic? Ac'ʌx a t'añ cha'añ mi' majlelob ili wiñicob, cha'añ mi' ch'ujutesañob i Yum Dios. ¿Mach ba a wujilic cha'añ jisʌbilix Egipto?

Exodo 14:18

Che' jiñi, jiñi egiptojob mi caj i ña'tañob Yumʌlon, che' mi' tsictiyel c ñuclel ti' tojlel faraón, yic'ot ti' tojlel jiñi c'ʌchʌlo' bʌ ti carreta yic'ot ti caballo tac.

Exodo 14:4

Mi caj c tsʌts-esʌben i pusic'al faraón cha'añ mi' yajñesañetla, che' jiñi mi caj i tsictiyel c ñuclel ti' tojlel faraón yic'ot ti' tojlel pejtelel i soldadojob, ixcu jiñi egiptojob mi caj i ña'tañob cha'añ joñon Yumʌlon. Che'ʌch tsi' meleyob jiñi israelob che' bajche' su'bebilob.

Exodo 18:8

Moisés tsi' tsictesʌbe i ñij-al pejtelel tsa' bʌ i mele lac Yum ti' tojlel faraón yic'ot ti' tojlel egiptojob cha'añ i c'uxbintel israelob, yic'ot bajche' tsi' coltayob lac Yum ti pejtelel wocol tac tsa' bʌ i yu'biyob ti bij.

Exodo 3:20

Pero joñon mi caj c pʌsben i p'ʌtʌlel j c'ʌb, mi caj cʌq'ueñob wocol jiñi egiptojob, mi caj c pʌsbeñob c p'ʌtʌlel ti ñuc tac bʌ c melbal, che' jiñi ti wi'il mi caj i choquetla majlel.

Exodo 6:1

Lac Yum tsi' jac'be Moisés: —Wʌle mi caj a q'uel chuqui mi caj c mel ti' tojlel faraón, come ti' p'ʌtʌlel j c'ʌb wersa mi caj i chocob loq'uel, mi caj i wets'ob loq'uel ti' lumal.

Exodo 6:6

Jiñi cha'añ, mic caj a su'beñob jiñi israelob: “Joñon Yumʌlon. Mi caj c loc'sañetla ti tsʌts bʌ la' we'tel tsa' bʌ i yʌq'ueyetla jiñi egiptojob, mi caj c cʌq'uetla ti colel ti majtañ e'tel ti' tojlelob yic'ot mi caj j coltañetla ti ca'bʌl c p'ʌtʌlel yic'ot toj bʌ c meloñel.

Exodo 7:17

Jiñi cha'añ lac Yum woli' yʌl: Mux caj a ña'tan cha'añ joñon Yumʌlon: Mi caj c jats' tic barajte' jiñi ja' Nilo. Jiñi ja' mi caj i pʌntʌyel ti ch'ich'.

Exodo 8:10

Faraón tsi' yʌlʌ: —Ijc'ʌl to. Moisés tsi' jac'ʌ: —Mi caj i yujtel che' bajche' woli a wʌl, cha'añ ma' ña'tan ma'añic yam bʌ lajal bʌ bajche' lac Yum Dios.

Exodo 8:19

Jiñi cha'añ jiñi xwujtob tsi' su'beyob faraón: —Jiñʌch i yal i c'ʌb Dios. Pero i pusic'al faraón tsa' tsʌts-a, ma'añic tsi' jac'beyob che' bajche' tsi' yʌlʌ lac Yum.

Exodo 8:22

Ti jim bʌ ora ma'añic mi caj i tic'lʌntelob c cha'año' bʌ chumulo' bʌ ti' lumal Gosén, ma'añic mi caj i yajñel jaj ya'i, che' jiñi mi caj a ña'tan joñon Yumʌlon ti pañimil.