Exodo 6:1 - Jiñi Tsiji' bʌ Wen T'añ cha'añ Estudio

¹ Lac Yum tsi' jac'be Moisés: —Wʌle mi caj a q'uel chuqui mi caj c mel ti' tojlel faraón, come ti' p'ʌtʌlel j c'ʌb wersa mi caj i chocob loq'uel, mi caj i wets'ob loq'uel ti' lumal.

Chol de Tumbalá Bible

¹ Lac Yum tsi' sube Moisés: Wʌle mi caj a q'uel chuqui mi caj c mel ti' tojlel Faraón. Wersa mi caj i chocob loq'uel. Mi caj i wets'ob loq'uel ti' lumal, che'en.

Chol: I T’an Dios

¹ Lac Yum tsi' sube Moisés: Wʌle mi caj a q'uel chuqui mi caj c mel ti' tojlel Faraón. Wersa mi caj i chocob loq'uel. Mi caj i wets'ob loq'uel ti' lumal, che'en.

Exodo 6:1 Iomraidhean Croise

Exodo 11:1

Lac Yum tsi' su'be Moisés: —Mi caj choc tilel yam bʌ junyajl i tic'lʌntel faraón yic'ot egiptojob, ti wi'il mi caj i yʌq'uetla ti loq'uel. Ti isujm mi caj i choquetla loq'uel ti junyajlel.

Exodo 12:31

Faraón tsi' choco ti pʌyol Moisés yic'ot Aarón ti ac'ʌlel, tsi' su'beyob: —Loq'uenla ti' tojlel c tejclum temel yic'ot la' pi'ʌlob ti Israel, cucula ch'ujutesan la' Yum che' bajche' tsa' la' wʌlʌ.

Exodo 12:33

Jiñi egiptojob tsi' su'beyob jiñi israelob cha'añ mi loq'uelob ti' ora ya' ti' lumalob, come tsi' yʌlʌyob: “Mi caj lac laj chʌmel.”

Exodo 12:39

Jiñi sa' tsa' bʌ i ch'ʌmʌyob loq'uel ti Egipto tsi' meleyob ti waj che' ma'añic i levadurajlel, come maxto xʌc'bilic ti levadura, come che' bʌ tsa' chojquiyob loq'uel ti Egipto ma'añix tsi' tajbeyob i yorajlel cha'añ mi chajpañob i waj.

Exodo 13:14

Tal i yorajlel che' mi caj i c'ajtibeñetla la' walobilob: “¿Chuqui isujmlel iliyi?”, Mi caj la' jac'ben: “Lac Yum tsi' loc'sayonla ti p'ʌtʌl bʌ i c'ʌb ti Egipto, ya' ba'añ majtañ e'tel;

Exodo 13:16

Mi caj i c'ʌjñibʌyel che' bajche' i yejtal ti laj c'ʌb o ti lac pam cha'añ mi lac chʌn ña'tan che' bajche' lac Yum tsi' loc'sayonla ti Egipto ti p'ʌtʌl bʌ i c'ʌb.”

Exodo 13:3

Moisés tsi' su'be wiñicob x'ixicob: Yom mi la' chʌn ña'tan ili q'uiñ che' woli la' loq'uel ti Egipto ba' chucbiletla ti to'ol e'tel, come lac Yum woli' loc'sañetla ti p'ʌtʌl bʌ i c'ʌb; jiñi cha'añ mach mi la' c'ux waj am bʌ i levadurajlel.

Exodo 13:9

Ili q'uiñijel mi caj i c'ʌjñibʌyel che' bajche' i yejtal ti a c'ʌb yic'ot ti a pam cha'añ ma' chʌn ña'tan, cha'añ ma' chʌn tsictesan ti a wej i mandar lac Yum, come ti p'ʌtʌl bʌ i c'ʌb lac Yum tsi' loc'sayetla ti Egipto.

Exodo 14:13

Moisés tsi' jac'be jiñi israelob: —Mach la' cha'len bʌq'uen; yom chʌn xuc'uletla yic'ot q'uelela bajche' mi caj i coltañet lac Yum wʌle, come jiñi egiptojob woli bʌ la' q'uel wʌle, ma'añix ba' ora mi caj la' chʌn q'uel.

Exodo 15:6

C Yum, jiñi ñoj bʌ a c'ʌb, tsi' wen tsictesa a p'ʌtʌlel. C Yum, jiñi ñoj bʌ a c'ʌb, tsi' pets' ye'e a contra.

Exodo 7:4

Jiñi faraón ma'añic mi caj i ñʌch'tan la' t'añ, pero joñon mi caj c sʌts' j c'ʌb ti' contra egiptojob. Mi caj c loc'san ti' lumal Egipto, jiñi yalobilob Israel, jiñi c tejclum yic'ot bʌbʌq'uen tac bʌ c melbal.

Exodo 7:5

Jiñi egiptojob mi caj i ña'tañob cha'añ Yumʌlon che' mic sʌts' j c'ʌb ti contrajob cha'añ mic wersa pʌyob loq'uel jiñi israelob.

Numeros 11:23

Jiñi cha'añ lac Yum tsi' jac'be Moisés: —¿Tsa'ix ba jili c p'ʌtʌlel? Mu' to caj a q'uel mi ma'añic mi' ts'ʌctiyel c t'añ.

Numeros 23:23

Come ma'añic xch'ʌcojelob mu' bʌ mejlel i contrajin Jacob, mi jiñic mu' bʌ i to'ol ña'tʌbeñob isujmlel pañimil mi' mejlel i contrajin Israel. Che' bajche' wʌle, mi caj i yʌjlel ti' tojlel Jacob jiñi Israel: ¡Chuqui tsi' mele Dios!

Hechos 13:17

I Dios israelob tsi' yajca lac ñojte'el tsi' yʌq'ueyob i ñuclel che' ya'añob ti' lumal Egipto ba' mach bʌ i lumalobic, ti' p'ʌtʌlel i c'ʌb tsi' pʌyʌyob loq'uel ti Egipto.

Deuteronomio 32:39

Q'uelela wʌle, Joñoñʌch la' Dioson, ma'añic yam bʌ dios tac quic'ot; Joñon mi cʌq'uetla ti chʌmel yic'ot Joñon mi cʌq'ueñetla la' cuxtʌlel; Joñon mic lowetla yic'ot Joñon mic cha' lajmesañetla, ma'añic majqui mi' mejlel i loc'san i bʌ ti' mal j c'ʌb.

Deuteronomio 4:34

¿O tsa' ba tili yam bʌ dios i coltañ wiñicob che' bajche' tsi' coltayonla lac Yum Dios? Tsi' pʌsʌ i p'ʌtʌlel ti lac tojlel che' bʌ tsi' pʌyʌyonla loq'uel ti' p'ʌtʌlel laj contrajob. Tsi' yotsayonla ti' cha'añ bʌ. Tsi' pʌsʌ i yejtal tac i p'ʌtʌlel yic'ot bʌbʌq'uen tac bʌ yic'ot tsʌts tac bʌ ti la' tojlel che' bʌ tsi' loc'sayetla ti Egipto.