Exodo 5:6 - Jiñi Tsiji' bʌ Wen T'añ cha'añ Estudio

⁶ Ti jiñi jach bʌ q'uiñ faraón tsi' yʌq'ueyob mandar jiñi xq'uel e'telob i cha'añ faraón yic'ot jiñi xq'uel e'telob israelo' bʌ:

Chol de Tumbalá Bible

⁶ Ti jini jach bʌ q'uin Faraón tsi' yʌq'ueyob mandar jini mayordomojob yic'ot caporalob:

Chol: I T’an Dios

⁶ Ti jini jach bʌ q'uin Faraón tsi' yʌq'ueyob mandar jini mayordomojob yic'ot caporalob:

Exodo 5:6 Iomraidhean Croise

Exodo 1:11

Jiñi cha'añ tsa' wa'chocontiyob xq'uel e'tel cha'añ mi' tic'lañob jiñi israelob ti tsʌts bʌ e'tel. Che'ʌch tsi' melbeyob i tejclum tac faraón ba' mi' lotob trigo; i c'aba' jiñi tejclum tac jiñʌch Pitón yic'ot Ramesés.

Exodo 3:7

Lac Yum tsi' cha' alʌ: —Tsa'ix j q'uelbeyob i wocol c cha'año' bʌ ti Egipto. Tsa'ix cu'bibeyob i yoñel cha'añ jiñi xq'uel e'telob, tsa'ix j cʌmbeyob i wocol.

Exodo 5:10

Che' jiñi, jiñi xq'uel e'telob i cha'añ faraón yic'ot xq'uel e'telob israelo' bʌ tsa' majli i su'beñob x'e'telob: —Che'ʌch tsi' yʌlʌ faraón: “Ma'añix mi caj la' wʌq'uentel jam.

Exodo 5:19

Jiñi xq'uel e'telob i cha'añ israelob tsi' yu'biyob i ch'ijiyemlel, che' bʌ tsa' su'bentiyob: “Ma'añic mi caj i jojmel i ye'telob, wersa mi caj i ts'ʌctesañob i mel ladrillo che' bajche' c'amel añob ti' wenta ti jujump'ejl q'uiñ.”

Exodo 5:7

—Ti ili ora ma'añix mi caj la' wʌq'ueñob jam jiñi x'e'telob woli bʌ i melob ladrillo, la' i bajñel tempañob tilel jam.

Numeros 11:16

Jiñi cha'añ lac Yum tsi' su'be Moisés: —Tempʌbeñon lujuntiquil i chʌnc'al (70) wiñicob ñoxobix bʌ ti' tojlel israelob, cʌmbil bʌ a cha'añ año' bʌ i ye'tel, pʌyʌyob tilel ti ti' jiñi Tabernáculo ba' mi la' tempan la' bʌ, la' tem wa'lecob a wic'ot ya'i.

Deuteronomio 1:15

“Jiñi cha'añ tsa' c pʌyʌ jiñi ñuc taco' bʌ i ye'tel ti la' tojlel año' bʌ ca'bʌl i ña'tʌbal yic'ot wen yujilo' bʌ e'tel, tsa' c wa'chocoyob ti' ye'tel ti la' tojlel. Añ tsa' bʌ i tajayob i ye'tel ti mil tac ti jujunmojt, yic'ot ti jo'jo'c'al tac, yic'ot ti lujuntiquil tac i yuxc'al, yic'ot ti lujuntiquil tac.

Deuteronomio 16:18

Ti pejtelel tejclum tac mu' bʌ caj i yʌq'ueñetla lac Yum Dios, mi caj la' wa'chocon juezob yic'ot año' bʌ i ye'tel ti jujunmojt i p'olbal Israel cha'añ mi' cha'leñob meloñel ti toj ti' tojlel i pi'ʌlob.