Exodo 5:2 - Jiñi Tsiji' bʌ Wen T'añ cha'añ Estudio

² Pero jiñi faraón tsi' jac'ʌ: —¿Majqui jiñi la' Yum? ¿Chucoch yom mic ñopben i t'añ cha'añ mic chocob majlel? Mach cʌmbilic c cha'añ la' Yum. Ma'añic mi caj c choc majlel jiñi israelob.

Chol de Tumbalá Bible

² Faraón tsi' c'ajtibeyob: ¿Majqui la' Yum? ¿Chucoch mic lon ñopben i t'an cha'an mic chocob majlel? Mach cʌmbilic c cha'an la' Yum. Ma'anic mi caj c choc majlel jini israelob, che'en.

Chol: I T’an Dios

² Faraón tsi' c'ajtibeyob: ¿Majqui la' Yum? ¿Chucoch mic lon ñopben i t'an cha'an mic chocob majlel? Mach cʌmbilic c cha'an la' Yum. Ma'anic mi caj c choc majlel jini israelob, che'en.

Exodo 5:2 Iomraidhean Croise

Exodo 3:19

Cujil ma'añic mi caj i yʌc' i t'añ jiñi rey ti Egipto, jinto che' tsa'ix c pʌsbe c p'ʌtʌlel.

Exodo 7:17

Jiñi cha'añ lac Yum woli' yʌl: Mux caj a ña'tan cha'añ joñon Yumʌlon: Mi caj c jats' tic barajte' jiñi ja' Nilo. Jiñi ja' mi caj i pʌntʌyel ti ch'ich'.

Juan 16:3

Che'ʌch mi caj i melob come mach i cʌñʌyobic c Tat, ma'añic tsi' cʌñʌyoñob ja'el.

Romanos 1:28

Come mach yomobic i wis ña'tan Dios, jiñi cha'añ Dios tsi' cʌyʌyob cha'añ mi' ña'tañob chuqui tac bi'bi' yic'ot cha'añ mi' cha'leñob chuqui tac mach bʌ weñic.

2 Tesalonicenses 1:8

Mi caj i tilel yic'ot c'ajc cha'añ mi' q'uextʌbeñob i jontolil jiñi mach bʌ añic mi' cʌñob Dios yic'ot jiñi mach bʌ añic mi' jac'beñob i wen t'añ lac Yum Jesucristo.