Exodo 4:1 - Jiñi Tsiji' bʌ Wen T'añ cha'añ Estudio

¹ Jiñi cha'añ Moisés tsi' jac'ʌ, tsi' yʌlʌ: —Ma'añic mi caj i ñopoñob, mi muq'uic cajel i yu'biñob c t'añ, mi caj i yʌlob: “Mach isujmic tsi' pʌsʌ i bʌ lac Yum ba' añet.”

Chol de Tumbalá Bible

¹ Moisés tsi' yʌlʌ: Ma'anic mi caj i ñopoñob. Mi caj i yʌlob: “Mach isujmic. Ma'anic tsi' pʌsʌ i bʌ lac Yum ba' añet”. Che' mi caj i yʌlob, che'en Moisés.

Chol: I T’an Dios

¹ Moisés tsi' yʌlʌ: Ma'anic mi caj i ñopoñob. Mi caj i yʌlob: “Mach isujmic. Ma'anic tsi' pʌsʌ i bʌ lac Yum ba' añet”. Che' mi caj i yʌlob, che'en Moisés.

Exodo 4:1 Iomraidhean Croise

Exodo 2:14

Tsi' jac'ʌ: —¿Majqui tsi' wa'chocoyet ti yumʌl tic tojlel lojon cha'añ ma' cha'len meloñel? ¿A wom ba a tsʌnsañon lojon che' bajche' tsa' tsʌnsa jiñi egipcio? Jiñi cha'añ Moisés tsa' caji ti bʌq'uen, tsi' ña'ta: “Tsa'ix tsictiyi jiñi tsa' bʌ c mele.”

Exodo 3:15

Che' ja'el Dios tsi' su'be Moisés: —Che'ʌch mi caj a su'ben israelob: “Lac Yum, i Dios la' tat, i Dios Abraham, i Dios Isaac, yic'ot i Dios Jacob, tsa'ix i chocoyon tilel ba'añetla.” Jiñʌch j c'aba' ti pejtelel ora; che'ʌch yom mic pejcʌntel ti pejtelel ora.

Exodo 3:16

Cucu, tempan jiñi xñoxob ti Israel, su'beñob: “Jiñi lac Yum, i Dios la' tat, i Dios Abraham, Isaac yic'ot Jacob, tsa'ix i pʌsʌ i bʌ ba'añon, tsi' su'beyon: Isujm tsa'ix c jula'tayetla, tsa'ix j q'uele che' bajche' woli la' tic'lʌntel ti Egipto.

Exodo 3:18

Mi caj i jac'ob a t'añ; jatet yic'ot xñoxob ti Israel mi caj la' majlel ba'añ jiñi rey ti Egipto, mi caj la' su'ben: “C Yum lojon, i Dios hebreojob, tsa'ix tili i pejcañon lojon; jiñi cha'añ mij c'ajtibeñet lojon: La' majlicon lojon uxp'ejl q'uiñ ya' ti colem bʌ i tiquiñal pañimil cha'añ mic ch'ujutesan lojon c Yum Dios.”

Exodo 4:10

Jiñi cha'añ Moisés tsi' su'be lac Yum: —C Yum, c'ʌlʌl ti wajali, c'ʌlʌl wʌle ma'añic mic wen mejlel ti t'añ. Come c'unte' jach mic cha'len t'añ, wocol mi' loq'uel c t'añ.

Exodo 4:30

Aarón tsi' laj su'beyob che' bajche' lac Yum tsi' su'be Moisés yic'ot tsi' pʌsbeyob i yejtal tac i p'ʌtʌlel ti' tojlel israelob.

Exodo 4:31

Jiñi wiñicob x'ixicob tsi' ñopoyob che' bʌ tsi' yu'biyob mux caj i coltañob lac Yum come q'uelel i cha'añ pejtelel i wocol jiñi israelob, tsi' lijiyob i bʌ, tsi' ch'ujutesayob Dios.

Exodo 6:12

Pero Moisés tsi' jac'be lac Yum: —Jiñi israelob ma'añic mi' yu'biñob c t'añ, ¿bajche' mi' caj i yu'bibeñon c t'añ faraón che' mach wen cujilic t'añ?

Exodo 6:30

Moisés tsi' jac'be lac Yum: —Mach wen cujilic t'añ; ¿bajche' mi' caj i ñʌch'tʌbeñon c t'añ faraón?

Hechos 7:25

Come Moisés tsi' lon ña'ta woli' i ch'ʌmbeñob isujm i pi'ʌlob, cha'añ jiñʌch jiñi yajcʌbil i cha'añ Dios cha'añ mi' coltañob, pero ma'añic tsi' ch'ʌmbeyob isujm.