Exodo 32:4 - Jiñi Tsiji' bʌ Wen T'añ cha'añ Estudio

⁴ Aarón tsi' ch'ʌmʌ jiñi oro tac ti' c'ʌbob jiñi wiñicob x'ixicob, tsi' yulmesa jiñi oro tac. Tsi' c'ʌñʌ e'tijibʌl cha'añ mi' mel juncojt alʌ tat wacax. Che' jiñi tsi' yʌlʌyob israelob: —¡Jiñʌch lac dios tsa' bʌ i loc'sayonla ti Egipto!

Chol de Tumbalá Bible

⁴ Aarón tsi' ch'ʌmʌ jini oro tac ti' c'ʌbob jini winicob x'ixicob. Tsi' c'ʌñʌ e'tijibʌl cha'an mi' mel juncojt alʌ wacax ti oro. Che' jini tsi' yʌlʌyob jini israelob: Jiñʌch lac Dios tsa' bʌ i loc'sayonla ti Egipto, che'ob.

Chol: I T’an Dios

⁴ Aarón tsi' ch'ʌmʌ jini oro tac ti' c'ʌbob jini winicob x'ixicob. Tsi' c'ʌñʌ e'tijibʌl cha'an mi' mel juncojt alʌ wacax ti oro. Che' jini tsi' yʌlʌyob jini israelob: Jiñʌch lac Dios tsa' bʌ i loc'sayonla ti Egipto, che'ob.

Exodo 32:4 Iomraidhean Croise

Exodo 20:2

“Joñon a Yumon a Dioson, tsa' c pʌyʌyetla loq'uel ti' lumal egiptojob, ya' ba' chucbiletla ti majtañ e'tel.

Exodo 20:23

Mach la' mel la' dios tac melbil bʌ ti plata mi ti oro cha'añ mi la' ch'ujutesan.

Exodo 20:4

Mach a bajñel mel a dios tac, mi i yejtalic am bʌ ti panchan mi jiñic am bʌ ti pañimil, mi jiñic am bʌ ti mar.

Exodo 28:11

Yom ts'ijbubil jiñi c'aba'ʌl tac ti jiñi xajlel che' bajche' añ ti sello, mi caj a ts'ijban ti jiñi cha'q'uejl xajlel i c'aba'ob tac i yalobilob Israel; yom xotol tac bʌ ti oro cha'añ ma' lʌp ochel jiñi xajlel tac.

Exodo 28:9

Mi caj a ch'ʌm cha'p'ejl xajlel i c'aba' ónice; ya'i mi caj a ts'ijban i c'aba'ob jiñi lajchʌnmojt i p'olbal jiñi Israel.

Exodo 32:1

Che' bʌ tsi' q'ueleyob jiñi israelob cha'añ ma'añic tsiquil woli' se'b ju'bel tilel Moisés ya' ti wits, tsa' tiliyob ba'añ Aarón, tsi' su'beyob: —Ch'ojyen, com lojon ma' melbeñon lojon c dios tac, mu' bʌ i majlel ti ñaxan tic tojlel lojon, come Moisés, jiñi wiñic tsa' bʌ i loc'sayonla ti' lumal Egipto, mach la cujilic chuqui tsi' cha'le.

Exodo 32:24

Che' jiñi tsa' c jac'beyob: “Jiñi am bʌ i cha'añ oro, la' i ch'ʌm tilel.” Tsi' ch'ʌmbeyoñob tilel, tsa' cotsa ti c'ajc, che' jiñi tsa' loq'ui ili alʌ tat wacax.

Exodo 32:3

Che' jiñi pejtelel año' bʌ ti tejclum tsi' loc'sayob i yuya' melbil bʌ ti oro añ taco' bʌ ti' chiquin, tsi' ch'ʌmʌyob c'otel ba'añ Aarón.

Exodo 32:35

Lac Yum tsi' yʌq'ueyob wocol jiñi wiñicob x'ixicob cha'añ ti' caj jiñi alʌ tat wacax tsa' bʌ i mele Aarón.

Exodo 32:5

Che' bʌ tsi' q'uele Aarón ujtemix i mel, tsi' melbe jump'ejl pulʌntib ti' tojel jiñi alʌ tat wacax, tsi' tsictesa: —¡Ijc'ʌl jiñʌch jump'ejl ñuc bʌ q'uiñijel i cha'añ lac Yum!

Exodo 32:7

Che' jiñi lac Yum tsi' su'be Moisés: —Cucux ti ju'bel, come jiñi a tejclum tsa' bʌ a loc'sa ti' lumal Egipto, tsa'ix sojquiyob.

Exodo 32:8

Ti ora jach tsa' sajtiyob ya' ti bij ba' tsa' c pʌsbeyob; tsa'ix i meleyob juncojt alʌ tat wacax ti oro, tsa'ix i ch'ujutesayob, tsa'ix i yʌq'ueyob i majtañ tac yic'ot tsa'ix i yʌlʌyob: “¡israelob, umba'añ la' dios tsa' bʌ i loc'sayetla ti' lumal Egipto!”

Hechos 17:29

Mi' p'olbalonla Dios, mach yomic mi la cʌl lajalʌch Dios bajche' oro mi plata, mi xajlel mu' bʌ i melob wiñicob ti' bajñel pusic'al i wenta i yejtal Dios.

Hechos 7:41

Che' jiñi tsi' meleyob i yejtal alʌ tat wacax, tsi' yʌq'ueyob tsʌnsʌbil bʌ i majtañ, tsi' yu'biyob ca'bʌl i tijicñʌyel i pusic'al cha'añ jiñi i dios tsa' bʌ i meleyob ti' c'ʌb.

1 Corintios 10:7

Mach la' ch'ujutesan dios te' tac che' bajche' yaño' bʌ, come ts'ijbubil: “Jiñi wiñicob x'ixicob tsa' buchleyob cha'añ mi' cha'leñob we'el uch'el, ti wi'il tsa' ch'ojyiyob ti son.”

Deuteronomio 9:16

Che' jiñi tsa' j q'uele tsa'ix la' cha'le mulil ti' tojlel lac Yum Dios: tsa'ix la' mele la' dios wacax, tsa'ix la' bʌc' cʌyʌ i bijlel lac Yum tsa' bʌ i pʌsbeyetla.