Exodo 32:1 - Jiñi Tsiji' bʌ Wen T'añ cha'añ Estudio

¹ Che' bʌ tsi' q'ueleyob jiñi israelob cha'añ ma'añic tsiquil woli' se'b ju'bel tilel Moisés ya' ti wits, tsa' tiliyob ba'añ Aarón, tsi' su'beyob: —Ch'ojyen, com lojon ma' melbeñon lojon c dios tac, mu' bʌ i majlel ti ñaxan tic tojlel lojon, come Moisés, jiñi wiñic tsa' bʌ i loc'sayonla ti' lumal Egipto, mach la cujilic chuqui tsi' cha'le.

Chol de Tumbalá Bible

¹ Che' baqui ora tsi' q'ueleyob jini israelob cha'an ma'anic tsiquil woli' se' jubel tilel Moisés ya' ti wits, pejtelel jini winicob tsa' tiliyob ba'an Aarón. Tsi' subeyob: Com lojon ma' melbeñon lojon c dios, mu' bʌ mejlel ti majlel ti ñaxan tic tojlel lojon, come Moisés jini winic tsa' bʌ i loc'sayonla ti' lumal Egipto, mach la cujilic chuqui tsi' cha'le. Che' tsi' yʌlʌyob.

Chol: I T’an Dios

¹ Che' baqui ora tsi' q'ueleyob jini israelob cha'an ma'anic tsiquil woli' se' jubel tilel Moisés ya' ti wits, pejtelel jini winicob tsa' tiliyob ba'an Aarón. Tsi' subeyob: Com lojon ma' melbeñon lojon c dios, mu' bʌ mejlel ti majlel ti ñaxan tic tojlel lojon, come Moisés jini winic tsa' bʌ i loc'sayonla ti' lumal Egipto, mach la cujilic chuqui tsi' cha'le. Che' tsi' yʌlʌyob.

Exodo 32:1 Iomraidhean Croise

Genesis 19:14

Jiñi cha'añ Lot tsa' majli i su'ben i ñij-alob tsa' bʌ i c'ajtibeyob i yalobilob cha'añ i yijñam, tsi' su'beyob: —¡Ch'ojyenla, yom mi la' loq'uel wʌ'i, come lac Yum mi caj i jisan ili tejclum! Pero i ñij-alob tsi' ña'tayob cha'añ mach isujmic woli ti t'añ.

Genesis 21:26

Abimelec tsi' jac'ʌ: —Mach cujilic majqui tsi' cha'le bajche' jiñi, ma'añic tsa' su'beyon ja'el, cojax to woli cu'bin wʌle.

Genesis 39:8

Pero José ma'añic tsi' jac'be, tsi' su'be i yijñam i yum: —Jiñi c yum ma'añic mi' mel i pusic'al cha'añ pejtelel chuqui añ quic'ot ti yotot, come tsi' yʌc'ʌ pejtelel i chu'bʌañ tic wenta.

Genesis 44:15

José tsi' su'beyob: —¿Chucoch che' tsa' la' mele che' bajche' jiñi? ¿Mach ba la' wujilic mi' mejlel c ña'tan mucul tac bʌ?

Genesis 44:4

Che' bʌ loq'uemobix ti tejclum, che' bʌ maxto ñajtic añob, José tsi' su'be xq'uel e'tel i cha'añ: —Cucu tsajcan majlel jiñi wiñicob. Che' bʌ ma' tajob, yom ma' su'beñob: “¿Chucoch tsa' la' q'uextʌbeyon cutslel ti jontolil? ¿Chucoch tsa' la' xujch'ibeyon c taza melbil bʌ ti plata?

Exodo 13:21

Lac Yum tsa' majli ti ñaxan yic'otob, che' ti q'uiñil tsa' majli yic'otob ti wa'al bʌ tocal cha'añ mi' toj-esañob majlel ti' bijlel, ixcu che' ti ac'ʌlel tsi' pʌyʌyob majlel ti wa'al bʌ c'ajc cha'añ mi' pʌsbeñob i sʌclel, cha'añ mi' mejlelob ti xʌmbal ti q'uiñil yic'ot ti ac'ʌlel.

Exodo 14:11

yic'ot tsi' su'beyob Moisés: —¿Mach ba añic mucoñibʌl ya' ti Egipto? ¿Chucoch tsa' pʌyʌyon lojon tilel ti chʌmel ila ti' tiquiñal lum? ¿Chucoch che' tsa' melbeyon lojon bajche' iliyi? ¿Chucoch tsa' pʌyʌyon lojon loq'uel ti Egipto?

Exodo 16:3

Jiñi israelob tsi' su'beyob: —Uts'at tsa'ic i tsʌnsayon lojon lac Yum ya' ti' lumal Egipto, ba' tsa' buchleyon lojon ti c'ux waj yic'ot we'elʌl añ tac bʌ ti p'ejt, jinto tsa' ñaj-ayon lojon, pero tsa'ix a pʌyʌyon lojon tilel ba'añ i tiquiñal lum cha'añ ma' tsʌnsan ti wi'ñal pejtelel ili wiñicob x'ixicob.

Exodo 20:23

Mach la' mel la' dios tac melbil bʌ ti plata mi ti oro cha'añ mi la' ch'ujutesan.

Exodo 24:12

Che' jiñi lac Yum tsi' su'be Moisés: —Letsen ti wits ba'añon, pijtañon ya'i; mi caj cʌq'ueñet wechel bʌ xajlel ba' tsa' c ts'ijba jiñi mandar tac cha'añ ma' cʌntesan jiñi wiñicob x'ixicob.

Exodo 24:18

Moisés tsa' ochi ti' mal tocal che' bʌ tsa' letsi majlel ti wits. Tsa' ajñi Moisés ya' ti wits cha'c'al (40) q'uiñ yic'ot cha'c'al ac'ʌlel.

Exodo 32:11

Jiñi cha'añ Moisés tsi' pejca lac Yum Dios, tsi' yʌlʌ: —¿Chucoch C Yum, mi caj a pʌsbeñob a mich'ajel jiñi a tejclum, tsa' bʌ a loc'sa ti' lumal Egipto ti ca'bʌl a p'ʌtʌlel?

Exodo 32:22

Aarón tsi' jac'ʌ: —C yum, mach mich'aquet. Cʌmbil a cha'añ ili tejclum, wen jontolob.

Exodo 32:23

Come tsi' su'beyoñob: “Melbeñon lojon c dios tac mu' bʌ i majlel ti ñaxan tic tojlel lojon, come Moisés, jiñi wiñic tsa' bʌ i loc'sayonla ti' lumal Egipto, mach la cujilic chuqui tsi' cha'le.”

Exodo 32:7

Che' jiñi lac Yum tsi' su'be Moisés: —Cucux ti ju'bel, come jiñi a tejclum tsa' bʌ a loc'sa ti' lumal Egipto, tsa'ix sojquiyob.

Exodo 33:3

Mi caj c pʌyetla ochel ti jiñi lum ba' ca'bʌl leche yic'ot cha'b, pero joñon ma'añic mi caj c tem letsel la' wic'ot, come wen tsʌtsob jax i pusic'al jiñi israelob, ame mic junyajlel jisañetla ya' ti bij.

Numeros 14:22

mi juntiquilic jiñi tsa' bʌ i q'ueleyob c ñuclel yic'ot ñuc tac bʌ i yejtal c p'ʌtʌlel tsa' bʌ c pʌsbeyob ti Egipto yic'ot ya' ti jochol bʌ lum, yic'ot jiñi lujunyajlix bʌ tsi' yilʌbeyoñob c pusic'al, yic'ot ja'el jiñi mach bʌ añic tsi' p'isiyob ti' wenta c t'añ,

Mateo 24:43

Ña'tanla iliyi, tsa'ic i ña'ta i yum otot baqui ora mi' tilel xujch', che' jiñi tsi' chʌcʌ q'uele i yotot, cha'añ ma'añic mi yochel xujch'.

Mateo 24:48

Mi tsi' yʌlʌ ti' pusic'al jiñi jontol bʌ x'e'tel: “Jal to tal c yum”;

Hechos 17:29

Mi' p'olbalonla Dios, mach yomic mi la cʌl lajalʌch Dios bajche' oro mi plata, mi xajlel mu' bʌ i melob wiñicob ti' bajñel pusic'al i wenta i yejtal Dios.

Hechos 19:26

pero tsa'ix la' q'uele yic'ot tsa'ix la' wu'bi chuqui woli i mel Pablo, mach wʌ'ic jach ti Éfeso, pero ti' pejtelel Asia ja'el, mi' su'beñob cha'añ mach diosic jiñi melbil tac jach bʌ ti c'ʌbʌl.

Hechos 7:40

che' bʌ tsi' su'beyob Aarón: “Mele lac dios tac cha'añ ñaxan mi' majlel ti lac tojlel, come Moisés jiñi tsa' bʌ i loc'sayonla ti' lumal Egipto mach la cujilic chuqui tsa' tumbenti.”

Deuteronomio 31:8

Lac Yum mi caj i majlel ti ñaxan ti a tojlel; mi caj i yajñel a wic'ot, ma'añic mi caj i cʌyet yic'ot ma'añic mi caj i choquet. Mach ma' cha'len bʌq'uen.

Deuteronomio 9:1

U'binla israelob: wʌle mi caj la' c'axel ti junwejl Jordán ja' cha'añ mi caj la' wochel la' chilbeñob i tejclum tac wiñicob ñumen ca'bʌlo' bʌ yic'ot ñumen p'ʌtʌlo' bʌ bajche' jatetla yic'ot joy mʌcbil bʌ colem tejclum tac ti chañ tac bʌ ts'ajc,

Deuteronomio 9:9

Che' bʌ tsa' letsiyon ti wits cha'añ mic ch'ʌm jiñi cha'q'uejl xajlel ba' ts'ijbubil jiñi xuc'ul bʌ i t'añ lac Yum tsa' bʌ i mele ti la' tojlel, tsa' jal-ayon ya' ti wits cha'c'al q'uiñ yic'ot cha'c'al ac'ʌlel che' ma'añic chuqui tsa' j c'uxu yic'ot ma'añic chuqui tsa' c japʌ.

2 Pedro 3:4

mi caj i yʌlob: ¿Bacan tsiquil woli' cha' tilel che' bajche' tsi' yʌlʌ? C'ʌlʌl che' bʌ tsa' chʌmiyob lac ñojte'el c'ʌlʌl wʌle, lajal jach woli' yajñel pejtelel chuqui tac añ che' bajche' ti' cajibal pañimil.