Exodo 3:2 - Jiñi Tsiji' bʌ Wen T'añ cha'añ Estudio

² I yángel lac Yum tsi' pʌsʌ i bʌ ba'añ Moisés ya' ba' woli ti lejmel c'ajc ba' wa'al alʌ te'. Tsi' q'uele woli ti lejmel jiñi alʌ te', pero ma'añic woli' pulel.

Chol de Tumbalá Bible

² I yAngel lac Yum tsi' pʌsʌ i bʌ ba'an Moisés ya' ba' woli ti lejmel c'ajc ba' wa'al alʌ te'. Tsi' q'uele woli ti lejmel jini alʌ te', pero ma'anic woli' jilel.

Chol: I T’an Dios

² I yAngel lac Yum tsi' pʌsʌ i bʌ ba'an Moisés ya' ba' woli ti lejmel c'ajc ba' wa'al alʌ te'. Tsi' q'uele woli ti lejmel jini alʌ te', pero ma'anic woli' jilel.

Exodo 3:2 Iomraidhean Croise

Genesis 21:17

Dios tsi' yu'bibe i t'añ jiñi ch'itoñ. I yángel Dios ti panchan tsi' pʌyʌ Agar, tsi' su'be: “¿Chuqui woli a cha'len Agar? Mach a cha'len bʌq'uen, come Dios tsi' yu'bibe i t'añ jiñi ch'itoñ ya' ba'añ.

Genesis 22:11

Che' jiñi i yángel lac Yum am bʌ ti panchan tsi' pejca: —¡Abraham, Abraham! Abraham tsi' jac'ʌ: —Wʌ'añon.

Genesis 48:16

jiñi Ángel tsa' bʌ i loc'sayon ti pejtelel wocol, la' i yʌq'ueñob i wenlel ili ch'itoñob. La' i ch'ʌmbeñoñob j c'aba' yic'ot i c'aba' c tatob, Abraham yic'ot Isaac, la' wen p'ojliquetla ti pañimil.”

Exodo 19:18

Tsa' joy ic'a ti buts' jiñi wits i c'aba' Sinaí, come lac Yum tsa' ju'bi tilel ti c'ajc ya' ti' pam wits. Jiñi buts' tomocña tsa' letsi che' bajche' i buts'il horno yic'ot jiñi wits bʌbʌq'uen tsi' ñijca i bʌ.

Exodo 23:20

Joñon wolic chocbeñetla majlel jiñi c ángel ti ñaxan ti la' tojlel cha'añ mi' cʌntañetla ti jiñi bij yic'ot cha'añ mi' pʌyetla ochel ti jiñi lum chajpʌbil bʌ c cha'añ.

Exodo 24:17

Jiñi israelob tsi' q'ueleyob i ñuclel lac Yum che' bajche' c'ajc woli bʌ ti lejmel ya' ti' pam wits.

Exodo 3:16

Cucu, tempan jiñi xñoxob ti Israel, su'beñob: “Jiñi lac Yum, i Dios la' tat, i Dios Abraham, Isaac yic'ot Jacob, tsa'ix i pʌsʌ i bʌ ba'añon, tsi' su'beyon: Isujm tsa'ix c jula'tayetla, tsa'ix j q'uele che' bajche' woli la' tic'lʌntel ti Egipto.

Marcos 12:26

Cha'añ isujmlel jiñi chʌmeño' bʌ mu' bʌ i tejchelob ch'ojyel, ¿mach ba añic tsa' la q'uele ti' juñ Moisés ba' Dios tsi' pejca ti alʌ te'? Tsi' su'be: “Joñon i Dioson Abraham, i Dioson Isaac, i Dioson Jacob.”

Lucas 20:37

Pero jiñi chʌmeño' bʌ mi caj i cha' ch'ojyelob, che'ʌch tsi' yʌlʌ ja'el Moisés che' bʌ tsi' tsictesa chuqui tsa' ujti ti alʌ te' che' bʌ tsi' pejca lac Yum ti' Dios Abraham, i Dios Isaac, i Dios Jacob.

Juan 1:14

Jiñi T'añ tsi' ch'ʌmʌ i bʌc'tal. Tsa' chumle la quic'ot, tsa' laj q'uele i ñuclel, jiñʌch i ñuclel cojach bʌ i Yalobil Dios, but'ul bʌ ti' yutslel i pusic'al yic'ot isujmlel.

Romanos 8:3

Jiñi mandar ma'añic tsa' mejli i coltañonla, come c'uñonla cha'añ lac tsucul pusic'al. Dios tsi' choco tilel i Yalobil lajal bʌ i bʌc'tal che' bajche' lac cha'añ am bʌ i pʌyol ti mulil; tsi' yʌc'ʌ i bʌ ti chʌmel cha'añ mi' toj lac mul, cha'añ mi' jilel i p'ʌtʌlel mulil am bʌ ti lac bʌc'tal.

Deuteronomio 33:16

yic'ot wen tac bʌ i wut jiñi lum yic'ot pejtelel chuqui tac añ yic'ot i yutslel jiñi tsa' bʌ ajñi ti jiñi alʌ te' mach bʌ añic tsa' puli, la' tilic ti' tojlel José pejtelel iliyi, jiñi yumʌl bʌ ti' tojlel i yerañob.

Deuteronomio 4:20

Pero lac Yum tsi' ch'ʌmʌyetla ti' wenta yic'ot tsi' loc'sayetla ya' ti wen ticʌw bʌ horno ya' ti Egipto, cha'añ mi la' wochel ti' tejclum che' bajche' wʌle.

2 Tesalonicenses 1:7

Dios mi caj i yʌq'ueñetla la' c'aj la' wo jatetla woli bʌ la' wu'bin wocol temel quic'ot lojon che' ba' ora mi' tsictiyel lac Yum Jesús ti panchan yic'ot jiñi ángelobti' p'ʌtʌlel,