Exodo 3:12 - Jiñi Tsiji' bʌ Wen T'añ cha'añ Estudio

¹² Dios tsi' jac'be: —Mi caj cajñel a wic'ot; mi caj c pʌs c p'ʌtʌlel ti a tojlel cha'añ mi' tsictiyel cha'añ chocbilet majlel c cha'añ: che' bʌ tsa'ix a pʌyʌ loq'uel ti Egipto jiñi wiñicob x'ixicob, mi caj la' ch'ujutesañon ti ili wits.

Chol de Tumbalá Bible

¹² Pero Dios tsi' yʌlʌ: Mi caj cajñel awic'ot. Mi caj c pʌs c p'ʌtʌlel ti a tojlel cha'an mi' tsictiyel wa'chocobilet c cha'an. Che' bʌ tsa'ix a pʌyʌ loq'uel ti Egipto jini winicob x'ixicob, mi caj la' ch'ujutesañon ti ili wits, che'en.

Chol: I T’an Dios

¹² Pero Dios tsi' yʌlʌ: Mi caj cajñel awic'ot. Mi caj c pʌs c p'ʌtʌlel ti a tojlel cha'an mi' tsictiyel wa'chocobilet c cha'an. Che' bʌ tsa'ix a pʌyʌ loq'uel ti Egipto jini winicob x'ixicob, mi caj la' ch'ujutesañon ti ili wits, che'en.

Exodo 3:12 Iomraidhean Croise

Genesis 15:1

Che' ujtemix iliyi tsa' tili i t'añ lac Yum ba'añ Abram che' bajche' ti' ñajal, tsi' yʌlʌ: —Abram, mach a cha'len bʌq'uen, joñon a mʌctʌjibon, wen ñuc a chobejtʌbal mi caj a taj.

Genesis 15:8

Abram tsi' jac'ʌ: —C Yum Dios, ¿Bajche' mic ña'tan mi mux caj c ch'ʌm ili lum?

Genesis 26:3

Yom ma' wajñel ti jiñi lum maxto bʌ a cha'añic. Mi caj cajñel a wic'ot yic'ot mi caj cʌq'ueñet i yutslel c t'añ, come mi caj cʌq'ueñet yic'ot a p'olbal pejtelel ili lum. Mi caj c ts'ʌctesan jiñi t'añ tsa' bʌ c su'be Abraham a tat.

Genesis 31:3

Jiñi cha'añ lac Yum tsi' su'be Jacob: “Sujten ti' lumal a tat ba'añ a pi'ʌlob, joñon mi caj cajñel a wic'ot.”

Exodo 18:5

Che' bʌ Jetro, i ñij-al Moisés, tsi' pʌybe tilel i yijñam yic'ot i yalobilob Moisés, tsa' c'oti ya' ti' tiquiñal lum, ba' jijlemob israelob ya' ti' wits Dios.

Exodo 3:1

Moisés tsa' caji cʌntʌben i tʌñʌme' i ñij-al i c'aba' Jetro. Jiñʌch motomaj am bʌ ti Madián, tsi' pʌyʌ majlel jiñi tʌñʌme' ba'añ colem bʌ i tiquiñal pañimil ya' ba' mi' bʌjlel q'uiñ, tsa' c'oti ya' ti Horeb jiñi wits yajcʌbil bʌ i cha'añ Dios.

Exodo 3:13

Moisés tsi' su'be Dios: —Che' mij c'otel ba'añ israelob, che' mic su'beñob: “Tsa'ix i chocoyon tilel i Dios la' tat”, mi caj i c'ajtibeñoñob: “¿Chuqui i c'aba'?” Che' jiñi ¿bajche' cʌlʌ mic jac'beñob?

Exodo 33:14

Lac Yum tsi' jac'ʌ: —Joñon mi caj c majlel a wic'ot cha'añ ma' c'aj a wo.

Exodo 4:12

Jiñi cha'añ, cucu, mi caj cajñel yic'otet che' ma' cha'len t'añ, yic'ot mi caj cʌntesañet chuqui mi caj a su'b.

Exodo 4:15

Mi caj a pejcan Aarón, mi caj a su'ben c t'añ cha'añ mi' su'b, mi caj cajñel quic'otetla ti la' cha'ticlel, mi caj j coltañetla ti t'añ, mi caj cʌntesañetla chuqui yom mi la' mel.

Exodo 8:27

Mi caj c majlel lojon ti jochol bʌ lum, uxp'ejl bʌ q'uiñ ti xʌñol cha'añ mi cʌq'uen lojon tsʌnsʌbil bʌ i majtañ c Yum lojon Dios che' bajche' mi caj i su'beñon lojon.

Numeros 16:28

Moisés tsi' yʌlʌ: —Ti ili ora mi caj la' ña'tan chocbilon tilel i cha'añ lac Yum cha'añ mic mel jiñi que'tel, mach tic bajñel pusic'alic tsa' c ña'ta c mel.

Numeros 23:21

Dios ma'añic mi' tajbeñob i mul i p'olbal Jacob, yic'ot ma'añic mi' q'uelbeñob i jontolil jiñi israelob. Lac Yum, i Dios, ya'añ yic'otob, mi' ñuq'uesañob che' bajche' Rey.

Mateo 28:20

yic'ot cʌntesanla cha'añ mi' laj jac'ob pejtelel chuqui tac tsa' c su'beyetla; añon quic'otetla ti pejtelel ora c'ʌlʌl ti' jilibal pañimil. [Amén]

Marcos 16:20

Jiñi junlujuntiquil tsa' majliyob. Tsi' cha'leyob subt'añ ti pejtelel lum. Lac Yum tsi' tem cha'le e'tel yic'otob. Tsi' pʌsʌ i yejtal tac i p'ʌtʌlel ti' tojlelob che' bʌ tsi' cha'leyob subt'añ. [Amén]

Hechos 11:21

Añ i p'ʌtʌlel lac Yum yic'otob, wen ca'bʌl tsi' sutq'uiyob i bʌ cha'añ mi' ñopob lac Yum.

Hechos 7:7

Dios tsi' yʌlʌ: “Pero joñon mi caj cʌq'ueñob i toj i mul jiñi tejclum mu' bʌ caj i c'ʌñetla ti majtañ e'tel, ti wi'il mi caj i loq'uelob tilel a p'olbal, che' jiñi mi caj i ch'ujutesañoñob ti ili lum.”

Romanos 8:31

¿Chuqui yom mi lac cʌl, che' jiñi? Mi woli' coltañonla Dios, ¿majqui mi mejlel i contrajiñonla?

Deuteronomio 31:23

Ti wi'il lac Yum tsi' yʌq'ue Josué i yalobil Nun ili t'añ: “P'ʌt-esan a bʌ yic'ot ch'ejl-esan a bʌ, come jatet mi caj a pʌy ochel jiñi israelob ti jiñi lum mu' bʌ caj cʌq'ueñob che' bajche' tsa' c wʌn su'beyob yic'ot mi caj cajñel a wic'ot.”

Hebreos 13:5

Mach yomic chʌquetla ti la' taq'uiñ; yom tijicña mi la' wajñel yic'ot chuqui tac añ la' cha'añ, come Dios tsi' yʌlʌ: “Ma'añic ba' ora mi caj c wis cʌyet.”