Exodo 27:2 - Jiñi Tsiji' bʌ Wen T'añ cha'añ Estudio

² Mi caj la' melben i xulub ti' chʌmp'ejlel i xujc jiñi pulʌntib yic'ot mi caj la' tep' ti bronce yic'ot tsuyul yom ya' ti' xujc tac.

Chol de Tumbalá Bible

² Yom mi la' melben i xulup ti' chʌmp'ejlel i xujc jini pulʌntib. Laj tep'bil yom ti bronce. Wen tsuyul yom ya' ti xujc tac.

Chol: I T’an Dios

² Yom mi la' melben i xulup ti' chʌmp'ejlel i xujc jini pulʌntib. Laj tep'bil yom ti bronce. Wen tsuyul yom ya' ti xujc tac.

Exodo 27:2 Iomraidhean Croise

Exodo 27:3

Mi caj la' mel ja'el poc' tac cha'añ mi la' c'ʌn la' jop loq'uel jiñi tañ yic'ot wechel tac bʌ e'tijibʌl yic'ot colem taza tac yic'ot ba' mi yajñel i ñich c'ajc tac yic'ot pejtelel yan tac bʌ mu' bʌ i c'ʌjñel, yom laj melbil ti bronce.

Exodo 29:12

Mi caj a ts'aj i yal a c'ʌb ti' ch'ich'el jiñi alʌ tat wacax cha'añ ma' bomben i xulub tac jiñi pulʌntib, ixcu i colojbal jiñi ch'ich' yom ma' bec' ya' ti ye'bal jiñi pulʌntib.

Exodo 38:30

tsa' c'ʌjñi jiñi bronce ti' melol i c'ʌclib tac i te'el i puertajlel jiñi Tabernáculo ba' mi tempañob i bʌ yic'ot jiñi pulʌntib, yic'ot jiñi chincholtic bʌ, yic'ot pejtelel chuqui tac yom c'ʌñol ya' ti pulʌntib,

Levitico 16:18

yom mi' loq'uel majlel ya' ba'añ jiñi pulʌntib am bʌ tic tojlel cha'añ sʌc mij q'uel jiñi pulʌntib: Mi caj i ch'ʌmben tilel i ch'ich'el jiñi tat wacax yic'ot i ch'ich'el jiñi chivo, mi caj i bomben i xulub tac jiñi pulʌntib.

Levitico 4:18

Yom mi' ch'ʌm ja'el jiñi ch'ich' cha'añ mi' bon i xulub tac jiñi pulʌntib am bʌ tic tojel ya' ti Tabernáculo ba' mi la' tempan la' bʌ, pero i colojbal jiñi ch'ich' la' i bec' ya' ti' ye'bal jiñi pulʌntib ya' ti ti' jiñi Tabernáculo ba' mi la' tempa la' bʌ.

Levitico 4:25

Jiñi motomaj mi caj i ts'aj i yal i c'ʌb ya' ti' ch'ich'el jiñi tat chivo cha'añ bʌ i ñusʌntel mulil, mi caj i bomben i xulub jiñi pulʌntib ba' mi' pulel jiñi majtañʌl yic'ot ya'i mi caj i bec' i colojbal jiñi ch'ich' ya' ti' ye'bal jiñi pulʌntib.

Levitico 4:7

Jiñi motomaj mi caj i c'ʌn lamital jiñi ch'ich' cha'añ mi' bomben i xulub tac pulʌntib ba' mi' pulel pom ya' bʌ añ ya' ti Tabernáculo ba' mi la' tempan la' bʌ tic tojlel. I colojbal jiñi ch'ich' la' i bec' ya' ti' ye'bal jiñi pulʌntib ya' ti ti' jiñi Tabernáculo ba' mi la' tempan la' bʌ.

Levitico 8:15

che' jiñi Moisés tsi' tsʌnsa jiñi alʌ tat wacax, tsi' ts'aja i yal i c'ʌb ti' ch'ich'el, tsa' caji i bomben i xulub am bʌ ti' xujc tac jiñi pulʌntib cha'añ mi' sʌc-esan. Tsi' beq'ue i colojbal jiñi ch'ich' ya' ti' ye'bal jiñi pulʌntib. Che'ʌch tsi' sʌc-esa cha'añ i ñusʌntel mulil.

Numeros 3:31

Añob ti' wenta i p'olbalob Coat cha'añ mi' cʌntañob jiñi Arca, yic'ot jiñi mesa, yic'ot i yajñib ba' mi' ts'ʌjbel c'ajc, yic'ot jiñi pulʌntib tac, yic'ot ch'ujul tac bʌ e'tijibʌl, jiñi pisil yic'ot pejtelel mu' bʌ i c'ʌjñel tac.

Hebreos 6:18

Dios mach mejlic i cha'len lot, añ cha'chajp mach bʌ yujilic q'uextʌyel, jiñʌch i xuc'tʌlel i pusic'al yic'ot jiñi albil bʌ i t'añ, jiñi cha'añ joñonla tsa' bʌ lac taja laj coltʌntel ti Dios, mi lac taj i ñuq'uesʌntel lac pusic'al cha'añ mi lac chʌn pijtan jiñi su'bebilon bʌ la.